شنو تشربون عيالكم بعمر الشهرين غير اليانسون ومنقوع التمر

السلام عليكم

خواتي ولدي عمرة تقريبا شهرين انا اشربة يانسون ومنقوع تمر

شنو بعد اشربة ثاني

هلا حبيبتي ربي يحفظه لج ان شالله
شربيه شاي ميلوبا بعد هم يمدحونه اعشاب للغازات تنباع بالحواي على دينار وربع نسيت اسمهاااااااا

انا اعطية ماي غريب ودوا اسمة غاز

اقدر اعطية هالاعشاب مع ماي غريب

بابونج
مراميه اتكون واااايد خفيفه
كراويه

في خلطه حق الاطفال اخذتها من الحواي فيها حبه حلوه وكراويه وينسون واعشاب احسن من اعشاب بروحها هذي مخلوطه

ومنقوع اتمر انا اشربه من الاربعين عادي

وشربيه ماي مع نبات شويه

في الجمعية ماء الحلوة اهو اي مثل مرقدوش الاطفال بس وللدج صغير على مرقدوش اطفال
انا احط ماء الحلوة الي اهو ماي حبة الحلوة مع شوي سكر نبات وبعد في شاي رويا بيبي احسن من من حلطة الاعشاب تعالي حطيهم ونقعيهم وشخليهم هذا احسن بس تحطين الكيس في ماي حار وتخلينه 5 دقايق وبس
وسلامتج

ماي زمزم .. اعشاب ..

ممكن حلبه بس يتفخ و الريحه عادي اذا كل يوم تسبحينه

انا احط بامطارة الماي مالته حلبه

واعطيه خلطة اعشاب فيها ينسون وحبة حلوه وسكر نبات

واعطيه منقوع التمره

وماي مع ماي غريب

وبس

في دوى للغازات وااايد زين للاطفال

خذيته من دار الشفا

اسمه Gas

10 قطرات باليوم

ويصير مع الحليب

انا بالنسبه لي ما اعطي شي غير الحليب لانه تو الناس ولمن رحت الجمعيه صوب اكل اليهال

لقيت انه اصغر عمر تحصلين له سوالف سيرلاك و شاي اشعاب اهواا الرابع فعشان جذي تاكد لي

بانه ما اعطي ولدي شي الا من يدخل الرابع انشاءالله

ولاشي نعطيهم بس ماي قليل و حليب ماحب كل هالسوالف تأذي البيبي كثرتها

اللي قلتيهم يكفون لا تلعبين في وليدش معدته ما تتحمل وزيدي مع اليانسون كراويه وكمون وحبه حلوه واذا معاه مغص ماي غريب وغاز مع شويه ماي

بعمر الشهرين ابدي عطيه فيرلز و أرز ماركة ميلوبا
و كريم كراميل و محلبية

هذا دكتور مصري قايل حق خالتي احنا اليهال بعمر الشهرين نوكله مهلبية