استفسااار عن حضاناة جنوب السره

السلام عليكم ورحمة الله وبركاته

شلوونكم حبايب قلبي
حبيت اسالكم عن الحضاناة اللي بجنوب السره
ومن جم عمر يستقبلووون
الصراااحه ما ادري شنو الزينه فيهم
انشاءالله تفيدوووني
لان ناويه اسجل ولدي بحضاانه

هلا حبيبتي انااختي مسجله اعيالها بحضانة موني فيس بالزهراء حتى توه حاطين اعلان بالمنتدى يديد فيه رقمهم وايد تمدحهم وعاجبها المكان

نسيت اقولج يشرفني اكون اول وحده ارد عليج………..يستقبلون من عمر سنه ونص خل اشوفاختي وافيدج ان شاء الله بس اكلمها واعطيج خبر عن رسومهم ووقت الدوام

يا بعد عمري عاااد صج اهي غريبه علي يم بيت عمي
وصاارلي فتره ادق عليهم ما يردووون علي
ابي رقمهم وبجم سجلتهم
ومشكوووره وما قصرتي

اسفه على التاخير حبيبتي تعرفين بعد فرصه هالليالي اعمال وصلاة ليالي القدر الله يتقبلها منا ومنج يارب ……انا اقولج اختي سجلت بنتها السنه اللي طافت تقول حجزت مكان لبنتها عمرها سنه ونص 140 دينارمع الاقصاد الشهريه اللي تحل عليج كل 25 من الشهر طبعا معاهم سستر مرخصه من وزارة الصحه وهالعمر طبعا في تعليم يناسب عمرهم يعني اناشيد بالعربي والانجليزي بالاضافه لماده المنتيسوري وايد هالعمر راح تفيده هالماده وماشاء الله على مديرتهم واستافهم عسل انا اول اخذ بنت اختي من الحضانة ماشاء الله الابتسامه على ويهم وحبوبين البنات والصراحه يوم اخذ بنت اختي جوجو تتمسك بالمدرسه ماتبي تيي عندي ومرات الادارة يدخلوني فجأة عليها بالفصل القاها ووايد مندمجه مع الاطفال والمدرسه بالاناشيد وهي بس تهز براسها يمين شمال يمه يمه تهبل جوجولابعد اذا اطلعت رحله للالعاب كنت اروح وراهم بالسيارة تعرفون بعد اول حفيدة والككل طاير فيها ماشاء الله عليهم عندهم اهتمام بعد حتى المديرة تروح معاهم للرحله والاطفال ينادونها ماما نوال

اختي تقولج سجلي عندهم وتطمني ترى بناتهم عسل وكل شي يعلمونج عليه وفيه تقرير بعد للطفله عن نشاطها واذا في تغيير نفسي جسدي معنوي يبلغونج فيه يعني لاتحاتينادري قرقت وايد والله لو حضانة ابوي ماكتبت عنها جذي رقمهم 94099449

على فكرة اختي تقولج قولي لهم انج من طرف ام محمد وراح يعطونج خصم بإذن الله

يعطيج الف عاافيه حبيبتي والله ما قصرتي
انا اليووم دقيت عليهم
وانشاءالله راااح امرهم يوم الاحد عشان التسجيل من الساعه 11 الى 2 ظهرا
وانشاءالله خير
وسلميلي على ام محمد وقوليلها مشكوووره وما قصرت