ولدج أو بنتج بالحضانه ؟؟؟ تعالي فيدي و استفيدي

السلام عليكم
شلوووووونكم

انا حبيت اسوي هالموضوع عشان افيد الامهات الي اعيالهم بدشون الحضانه الي نفس حالتي

و همن عشان انفيد بعض بالاحسن و المستوى التعليمي الافضل

يلا كل وحده تدخل تقولنا
اسم الحضانه
أي منطقه
ولدها او بنتها اي سن ( اي مرحله )
المستوى التعليمي
الاهتمام و الرعايه
جم تدفع بالشهر ( او بالكورس )
اخرى

ههههههههههههه اخرى هاذي حق اي اضافات و تعليقات

يلاااا ناطرتكم

انا بنتي في برتش بلي هاوس
بالمنقف
مستوى الترتلز يعني المستوى الاول
تعليمها باللغه الانجليزيه المنهج بريطاني
الاهتمام والرعايه ممتازين
الشهر 90 دينار
حساب الرحلات غير
تودين مع الطفل الريوق والغيار والحفاظات
في موقع كوداك ينزلون صور الاطفال كل احد بغاليري رائع
وبس ماعندى اخرى بعد

ثاااااااااانكس مووون على مشاركتج
يلا ناطرين الباجي

انا لما الحين بسجل ولدي بالحضانه

انا الحين مدخله ولدي نادي صيفي حضانه عيال الديره اللي بمبارك الكبير الحضانه حلوه وبصراحه لاخذيته يكون نظيف ومرتب ومغيرين له البامبرز بس مادري ماحسهم يعلمون مادري عشان نادي صيفي مابي اظلمهم بس مايركزون ابدا على الانجليزي بالشهر 50دينار عمر ولدي 3سنوات
بس انشاء الله ناويه على شهر 8اسجله بحضانه بيبي اكاديمي اللي بالعدان رحت لهم شهر 5قالولي التسجيل شهر 8حق بدايه الكورس رسومها الشهري 75واهم شي انه احس يهتمون بالانجليزي لاني ابي يتأسس انشاء الله تكون زينه

ناويه ادخل ولدي ومتردده

ان شاء الله بدخله

حيااااكم الله معانا … الامهات الي ما دخلو عيالهم الحضانه موو تترددون لأن هالمرحلهاهم شي
تفتح عقل الياهل

و مشكورين امهااات على مشاركاتكم و ناطرين باجي الردود

شكرا على الموضوع . ودي ادخل ولدي حضانة بس ابيها بالسالمية قريبه عند بيتي اللي تعرف لا تبخل علي واكون شاكرة لها

انا ولدي عمره سنتين وشهر بحضانة سمارت كيدز بالشامية ألحين نادي صيفي بالاسبوع 35 .. رايي فيها نص ونص ..

ولدي بحضانه رينبو بالسلام جنوب السره
الشهر ب 110
وللحين ماتعود لان مالنا الا اقل من اسبوع

منو تعرف حضانة مفتوحة بشهر رمضان

أنا بنتي بحضانة بيبي لاند الشهر50 بنتي المستوى الأول لان عمرها سنة و7شهور بصراحة حيل ارتحت حقهم مناحية الامان والأهتمام لان انا اهم شي عندي احط بنتي بمكان امن وينتبهون لانها هي بمنطقة عبدالله مبارك

انا بنوتي كانت بحضانه معرفي لها 3 فروع السالميه وبيان وحديقه الشعب

السالميه دوامهم فترتين في يهال كنت اشوفهم من الصبح لي الساعه 7

انا كنت اودي بنتي الساعه 3 واخذها 7ونص

بعدين وديتها بيان دوام واحد الصبح
بس للامانه حضانه نظيفه ويعلمون اليهال انجليزي والاكل من عندهم
حتى مدرساتهم جنه كويتيات

كنت ادفعلها اشتراك سنوي100
وكل شهر 100 مادري 90

بس جنه الحين رفعو اسعارهم

انا بنتي عمرها سنة و 4 شهور اسم الله عليها
دخلتها الحضانه من كملت السنة
حضانة طيبة بمشرف
خوش حضانه فيها كويتيات شقرديات و في شغالات حق امور التنظيف و غيره
و تنفع حق عمر بنتي لانها مو محتاجة تعليم انجليزي
بس الحمدلله تلعب مع الاطفال و مستانسة
و فديتها تقعد معاهم وقت الاناشيد و تسوي نفس حركاتهم ماشالله عليها
ياخذون 70 دينار بالشهر

حضانة رينبو – السلام – قطعة 5 تليفون 66757226 : www.therainbowplaygroup.com