|
|
مريت بتجربة اليمة مع التهاب الحفاظ الذي عانت منه بنتي الجميلة
بدى معاها التهاب الحفاظ راجعت المستوصف وعطاني هالكريم
والظاهر والله اعلم هذا وقاية من الالتهاب لكن ماينفع ولا هو علاج للالتهاب الموجود فعلا
طبعا ما نفعني.
على طول بلشت بالالفاكورت والالتهاب قاعد يزيد وانا مثل منتو عارفين وسامعين عارفةبخطورة استمراري على استخدام الالفاكورت لان فيه كورتزون.
واستخدمت بعد النشا بعد مانصحوني فيه بنات الحلال
ومريت الصيدلية وعطاني كريم من افالون
ومع الحنّة من الاهل وتعرفون الشعور لما يحسسونج اللي حواليج انج ام مقصرة ومهملة
رحت لمستشفى الراشد وعطاني هالكريم نفس الشي ما نفعني
واللي تقول خل تنام بدون حفاظة
واللي تقول غيري الحفاظة
وفعلا غيرت من بامبرز الى اظن دارلينغز( نسيت لاني بس استخدمت كيس واحد ولما خلص عدت لبامبرز)
لما و بلغ السيل الزبى
راجعت المستوصف وكنت ناوية على تحويل للجلدية او العلاج بالخارج!
جان يعطيني بانديرم
وحسيت انه حليييو بس مو حلو
خف الالتهاب بس ماخلص
راجعت المستوصف علشان آخذ واحد ثاني منه لانه ماينصرف الا بوصفة
والحمدلله طلع خالص لا زم اراجعهم يوم ثاني
المهم بذاك اليوم كنت عند امي وكان ولد اختي الصغير عندها لان اختي طالعة الشاليه مع حمولتها
وتوها رادة من المستوصف علشانه(الله يعطيها العافية قولو آمييين)
ومعاها هالمرهم السحري وما فيه كورتزون وما ينوجد إلا تبع وزارة الصحة يعني ماتلقونه بالصيدليات برة وما ادري ليش؟
واخذته وانا مو مقتنعة فيه بس قلت على مااراجع المستوصف واخذ بانديرم
والمفاجأةمن اول استخدام خف الالتهاب
ومن ثالث استخدام انتهت معاناة شهر كامل تقريبا من التهاب الحفاظ
ونصيحة اذا كان الاتهاب كبير تخلطينه مع الفاكورت
واللي يعور القلب ان امي كانت تنصحني فيه من البداية بس انا قلت إذا كل هالكورتيزونات ما نفعوني بينفعني هذا؟؟
والحين على طول ما استخدم الا سودو وبس وفعلا فعال وواقي100%
تلقونه بالصيدليات ومذركير ب3ونص والحين وصل سعره 3و650
وبتنزيلات مذركيرالاخيرة نزلو سعره بعد
بس حسافة مااستفدت من العرض
وكريم سيباميد بعد زين
بس انا افضل سودو من حيث الكمية و السعر
اللهم لك الحمدعلى اي حال
وان شاء الله عيالكم ما يشوفون شر
وان شاء الله نقلي لتجربتي بفيدكم.
وسودو كريم اهو احسن شئ للحفاظه
وانا ولدي قبل جم يوم طلعتله حبوب بجسمه حمر مادري من شنو واقعد الطخ جسمه تلطخ بسودو كريم والحبوب من ثاني يوم خفت بشكل مو طبيعي هالكريم وايد زين
بس معقوله البامبرز يسوي جذي؟؟ الا اذا كان الياهل موصخ او حايشه اسهال فالجلد يتأثر لازم على طول تشطيف وتهويه وتنسين الكريم
البامبرز انا عندي بريئ 
وفي السطرنج تحصلينه بالحواي وحده بوحده حق هالمنطقه اذا كانت فيها التهاب تخلطين معاه نشا وحطيه بالمملحه انا استعمله للضروره القسوى
وصج صج سودو احسن كريم انا ما استخدم غيره
| بس معقوله البامبرز يسوي جذي؟؟ الا اذا كان الياهل موصخ او حايشه اسهال فالجلد يتأثر لازم على طول تشطيف وتهويه وتنسين الكريم
البامبرز انا عندي بريئ |
لا البامبرز برئ – الظاهر ما قريتي الموضوع بضمير-
بس انا اقول لج النصايح اللي سمعتها
حتى النشا ما نفع بشي
وانا كنت اغير الحفاظ على طول خاصة بهذيك الفترة ونفس الشي كانت اختي تتهمني .gif "Eh S(11)")
زورا وبهتانا باني ما احرص على نظافتها
وللامانة ماكان الالتهاب يخرع بس طول معاها وهذا اللي بط جبدي وعيشني المعاناة اللي ذكرتها اعلاه!
عشان جذي لازم انهوي المنطقا وانغير الحفاظات اول اب اول
انا قبل كنت امم مهملا جدا جدا ما غسلت بنتي الا مرتين وبالغصب كلا مخليا امي تغسلها وتغير حفاظتها واحيانا بنتي تسوي العودا ومسكينا تبجي انطر امي تشمها عشان اتغير لهااا
وكنت كل يوم طبيب بسبت التصلخات
كل شي حطيت
| كل الكريمات زينه ومسوينها حق هاذي الحالات بس المشكلا مو بالكريم بئهمال الام اذا كان البيبي في سهال او شي وخلتا علا طوول ينصلخ جلدا من تحت عشان جذي لازم انهوي المنطقا وانغير الحفاظات اول اب اول انا قبل كنت امم مهملا جدا جدا ما غسلت بنتي الا مرتين وبالغصب كلا مخليا امي تغسلها وتغير حفاظتها واحيانا بنتي تسوي العودا ومسكينا تبجي انطر امي تشمها عشان اتغير لهااا وكنت كل يوم طبيب بسبت التصلخات كل شي حطيت |
بس انا ماكنت مهملة مثلج ولا جان مافرفرت كل مكان ادور علاج
بس سبحان الله ما في شي نفع
الا هالميكوستات اللي كنت مو متوقعة هالنفع هذا كله
اصلا كنت ابدلها بهذيك الفترة كل ساعة بلا مبالغة حتى وهي نايمة
والحمد لله على اي حال
والله انا على طووول سودو كريم و الحمدلله ما شفت منه مشاكل .. وايد من اهلي يستخدمون كريم الراعي و هم ماشافو منه مشاكل .. عموما تفرق من بيبي لي بيبي ولازم تجربين كل شي لين اطيحين على اللي يناسبه و الله لايعود هالتجربه