|
|
السلام عليكم
انا حزينه جدا 
الحمدلله على كل حال والحمدلله على نعم الله عز وجل
عندي ماشاءالله بنت بتخلص التسعه بعد كم يوم
بسم الله عليها ما تجلس ماشاءالله تبارك الله
وغير كذا مشاغبه وتتهاوش مع الكل 
بعكس بناتي الباقيات بسم الله عليهم هاديات وطيبات
هذي صبيانيه درجه اولى لدرجة انها ماتلعب الا مع الاولاد واذا اشتريت لها لعبه ماتلعب فيها من صغرها
ولسانها طوووووويل تعطينها كلمة ترد عشر
اكبر واحد ولد وثاني وحده بنت وهي الثالثه وتحتها بنتين بعد وماشاءالله ماتعبت معهم ابد 
وهي ليل نهار تصارخ وتتهاوش وكله بالشارع والا بالحوش
ولا تبي ولا تنوره ولا فستان كله بنطلونات عاد مااسمع كلامها طبعا…
يعني بالعيد اشتريت لها تايور فخم ويجنن…لبسته الصبح ماجاء الظهر الا متشقق من كل مكان…لعبت فيها لعب
من فتره وش اللي حصل
دورتها دورتها بالبيت مالقيتها….ومت من الخوف والرعب والصياح
طلعت الله يهديها بالشارع رايحه الدكان البعيد
شسوي لو ماالله ثم ابوها مسكني والا كان ذبحتها
طبعا حرمان وعقاب ولا طلعه من البيت…ولا تلفزيون ولا حلويات ولا شي…ولا كلمتها يوم كامل لين اعتذرت
وكلمتها بهدوء ومحااضرة طويله ووعدتها اذا عقلت اشتري لها هديه
وبعده بكم يوم
جايين اهلي عندي
وبنتي تقول لي ماما بسبح قلت لها لا اذا راحوا وهي تزن وتصيح وراي الا اسبح
ولاوافقت طبعا وهي تصيح وراي ماسكتتها الا لوية خد هجدتها…
بعد دقايق دخلت دورة المياه تكرمون الا البنت تتسبح مع عيال خواتي الصغار بالجاكوزي
انجنيت انجنيت انجنيت وحاولت امسك نفسي طبعا كلهم جمدو ماقصرت فيهم…
تخيلوا اقولها طلعي تقول مابي..طلعي تقول ماابي اطلع
مسكتها وطلعتها على غرفتها
وبالشحاطه .خلااااااااااااااااااااااااااااااااص انهرت انهيار
حسيت عقلي مو معي بس اضرب واقرص زرقت مقعدتها وفخوذها من الطق 
ايش اللي يزيدني اني اذا اضربها تقول مايعور..مايعور…خلاااااااص انهرت
بعدين مو صغيره ماشاءالله كبيره
وطبعا بعد هالموقف اللي انضربت فيها تأدبت شوي لأني نااادر جدا اضربها
يعني بالسنه كذا مره بس ولا ينذكرون
المره هذي خلاص فلتت اعصابي
طبعا بالليل صحت صياح لين نشف ريقي
مو مقصرين معها لا انا ولا ابوها كل شي متوفر لها
الكلام والهداوه مو نافعين معها ابد
تكفون شسوي معها انا معروفه هاديه ومااحب القسوه بس بسم الله عليها مره مشااااغبه
ماشي ينفع معها لا المسايس ولا التطنيش ولا الضرب
احسن شي انها تحاااافظ على الصلاه ماشاءالله
بس البنت كبيره
وشي خطير انها تقعد بالجاكوزي مع اولاد بدون ملابس
مابي اخرعج بس لازم اتراقبينها وتديرين بالج عليها
انا مراقبتها كثير والحمدلله على ذلك
عكس خواتها
مشكلتها تسوي الشي بدون حساب…كل شي عفوي بزيااااده..
الله يكون بالعوون بس
احسن مافيها انها تحافظ على صلاتها بإمتياز ماشاءالله
انا بنتي كانت جذي بعمر اصغر وقدرت مع معالجه اطفال اتغلب علي هالمشكله خليها تشتغل معاج في امور البيت اهي من الشخصيه اللي تحب ان تاخذ مهام اساسيه طلبي منها يوم تسوي لج طبق سلطه واكلي منه وقولي لها يهبل احلي طبق سلطه اكلته بحياتي
سوي عجينه بيتزا وقلي لها اشرايج نسويها مع بعض وخليها اهي تحط الصلصه والحشوه وانتي دخليها الفرن
حاولي لاتطقينها او دايم تقولين لها انتي غلطتي وانتي كذا وانتي كذا
قولي لها انتي بنتي الحلوة والسنعه والشاطره بس ياماما اليو م سويتي هالشئ غلط انا ادري انج مو قاصده بس وادري انج سنعه بس انتي نسيتي وسويتيه لانج تقولين ان سوت الشئ بعفويه
دايم لاتقولين غلط دايركت لفي ودوري وبعدين قولي غلط
والله يعينج راح تتعبين معاها شوي بس بعدين راح تشوفينها اكثر وحده من عيالج تقوم فيج
الله يخليها لج ويحفظها