|
|
امهات ساعدوني ،
عندي بنتي ما بين فترة و فترة تنزف و انا الصراحة مليت منها تعبتني وديتها للطبيب سووا لها كوي داخل الانف و شريت لها مرهم يوفق النزيف لكن كثرثه مضرة لنه يحرف العصب اللي داخل الانف و الصراحة مليت احاتيها و تحطمت .
شنو اسوي لها شلون اقدر اساعدها الطبيب ودينها، اسعافات اولية بانها تسكر خشمها لدقائق و يتوقف النزيف لكن يرد بعد اسبوع او ثلاث ايام بس تعبت ما ني عارفة شلون اساعدها
خواتي شلون نساعدوني و القى لها حل نهائي لهذا الموضوع الله يجزاكم كل خير .
انا اختي واخوي نفس حالتج بنتج وحتى واهم كبار وخاصه لي حاشهم مثل الضغط والحر على طول ينزل من خشمهم دم لكن سوا كي ووقف لا يكون بنتك فيا كسر داخلي بانفها الله لا يقوله سويتي لها اشعه والله يشفيها يارب
سوي لها تحليل دم بعد يجيكون نسبة الصفايح و التجلط
ليش تنزف حراام تتاذى
انا مرات ولدي ينل من خشمة جم بس الاحظ
ان لمن يصااااارخ ويعصب ينزل منه دم
وانشالله الله يشفي بنتج
اناا من يوم كنت صغيره ليما الحين معاي ماكو حل له ما بقى مكان ما رحت و سألت الكويت لندن أمريكا كل مكان ماله حل غير يخربون الخشم
وده بيكون نتيجة ضعف فى شريان معين بالأنف
والحل الوحيد هو انك تخليها تمسك أنفها زى ماالبنات قالوا
وتتنفس من فمها والكلام ده قالو دكتور متخصص لولد صديقتى وعنده نفس الحاله
وقال ان الكى مابيفيد لإنه بيعاود النزيف مره تانيه
بس أختى روعة الإحساس ماشاء الله عليها ربنا يحمى بنتها يارب
ذكرتنى بالعمره وماء زمزم وإ ن شاء الله نحاول نودى أولادنا
وما فى أحسن من سنة نبينا عليه أفضل الصلاة والسلام
انا بعد بنتي نفس حالتكم وسويت لها كوي مرتين بس ولا جني سويت شي,واكثر الاحيان تنزف لما تحوشها حرارة الشمس او المجهود الزايد باللعب اوالعطاس الزايد,لان يصير عندها انفجار بالشعيرات الي داخل الانف وهي رقيقه جدا وبجذي ينزف الانف,, واابدا ما في خوف من هذه الناحيه وتصير عند اطفال واااايد بس لما تكبر راح يقل لان اعرف وااايد حالات اكبرو وقل عندهم واولهم بنتي,ولله الحمد والمنه ولاتحاتين بس ما عليها الا ان تضغط على انفها من فوق عند العظمه الاولى لحد ما يخف
انا لمن كنت صغيره على طول خشمي يطلع دم ومانفع معاي الكوي اصلا مايسوي شي
مافي الى طريقه وحده انه تمسك الخشم من مكان الخضروف وتضغط ولا ترفع راسها فوق لان الدم راح ينزل في بلاعيمها خلي راسها عادي وخل تضغط على خشمها وبس من تجربه شخصيه وانشاءالله بس تبلغ عمر معين راح يروح عنها وماتشوف شر
تقولين جنه نل مبطل و يخر دم دم دم–
و ابوه يقول خل نكويه-انا اقوله لا يبا مافيه الا العافية لأن كلنا انا و خواتي ننزف و مافيها شي
اقوله اخان نكوين و يحرقون العصب–و الحين قريت ان الكوي ما ينفع خلاص بقوله لا يسوي شي
علمي بنيتج شلون تتصرف بروحها- و أهم شي خل تقعد لا تكون واقفة عشان الدورة الدموية تقل
و كتي ماي بارد على راسها-مو اليبهة-على المخ
و ما تشوفون شر