كل وحده ترضع ولدها طبيعي أو عن طريق الشفاط دشي ضروري

قوة بنات ..
أنا ولدي اسمالله عليه عمره عشرين يوم .. من البداية عودته على المميات و كنت أشفط و أعطيه لدرجه انه ماقام يرضى يرضع من صدري دايركت

المهم احيانا أضطر أعطيه صناعي و أستعمل سيميلاك أدفانز .. بس اشوفه عقبها يرجع و تزيد عليه الغازات والمغص ..

حابه أسأل الأمهات اللي يرضعون ولدهم طبيعي أو يشفطونله..

كل اشكثر تشفطينله حليب ؟ و اشلوون تحتفظين فيه ؟
إذا زاد الحليب من اللي يشربه البيبي .. هل تقطينه و إلا تحتفظين فيه حق بعدين ؟
هل تستعملين حليب مساند لحليبج حق البيبي ؟ شنو نوعه ؟
هل عادي تصبغين شعرج و تسوين كيراتين و انتي ترضعين ؟
شنو نوعية الأكل اللي تاكلينه ؟
وناااطره تفاعلكم للأهمية حبيباتي .. عساه بميزان حسناتكم

حبيبتي أنا بنتي عمرها شهرين ونص أرضعها مني وأشفطلها وأعطيها سيميلاك ادفانس مساعد,أشفطلها حليب وأحفظه بالبراد وقرأت بكتاب الدكتورة ريم للطفل السليم أنك ممكن تحفظي حليبك 6 أيام بالبراد وأسبوعين بالفريزر.أنت شفطي وخبيه ووقت التسخين تحطي الميمية بماي حار وترضعين البيبي واللي يزيد تقطيه على طول ما عاد ينفع لأن البيبي رضع من الميمية ودخل هوا فيصير الحليب ما ينفع.وسيميلاك زين وكل الحليب الصناعي يسوي غازات نصيحة ماي غريب ما يتفع عطيها دوا بالصيدلية اسمه هيمالايا بونيسان هو دوا عشبي وما يضر الصيدلي نصحني فيه ودكتورة بنتي بالمشفى قالتلي ممتاز أعطيها واحد ونص مل بعد الرضعة مرتين باليوم واستشيري الصيدلي أول أحسنزنصيحة حاولي دايما تشفطيلها توها صغيرة فيك تشفطي كل 3 ساعات بالشفاط الكهربائي واحفظي الحليب بميميات كل ميمية على قد ما يرضع النونو,وفي بسنتر بوينت أوعية خاصة لحفظ الحليب وكتري حليييييب وماي وحلاوة تجيب الحليب
ان شاء الله كون افدتك

والله انا حليب سيميلاك كلللللللش ماطاح على ولدي
ثقيييييل وكله غازات ورغوة وترجيع ولدي ماكان
يحبه كلش عطيته نوفولاك عجبه وااايد وحبه وايد
زين نوفولاك ونصيحه ترى كل وحده ولدها وبنتها
غير عن الثانيه يعني ولدي مايطيح عليه سيميلاك
في يهال يطيح عليهم وبالعكس وكل انواع الحليب تسوي
غازات بس اذا انتي ترضعين حاولي ما تاكليين اكل يسوي
غازات لان ياثر على الياهل حتى الاكل الحار موزين على الياهل
واعتقد مافي ضرر من الصبغ والكراتين بس نصيحه
غيري حليبه

كل اشكثر تشفطينله حليب ؟ و اشلوون تحتفظين فيه ؟

انا كل ماحسيت ان صدري متروس شفطت ومو شرط اشربه لا انا اخشه بالثلاجه

إذا زاد الحليب من اللي يشربه البيبي .. هل تقطينه و إلا تحتفظين فيه حق بعدين ؟

اذا الحليب اللي شافطته ماعطيه كله اول شي احط 50 بالمميه واذا كملها ازيده
بس اذا الصناعي لا ماحتفظ فيه اذا مرت ساعه ومانشرب بس اقطه مو زين

هل تستعملين حليب مساند لحليبج حق البيبي ؟ شنو نوعه ؟

نان

هل عادي تصبغين شعرج و تسوين كيراتين و انتي ترضعين ؟

والله ماعندي فكره بس اعتقد عادي

شنو نوعية الأكل اللي تاكلينه ؟

عادي اي شي اللي يطبخونه اكله ماعندي شي بالممنوعات حتى ماكدونالد اكل