الخدامه طقت ولدي ؟؟؟؟؟

السلام عليكم
بنات الله يعافيكم هذي خدامتي صار لها 10 شهور عندي وزينه ونظيفه وتحب ولدب وحتى ولدي متقبلها
بس اسم الله عليه صاير هايبر هاليومين وعصبي ويطق وجم مره اشوفه يعظها واقوله غلط تاسف ويرد يبوسها ويصالحها واشوفها تضحك
المهم امس في بيت اهلي دخلت عليهم واهي تطقه على ايدينه طقتين
انا انصدمتتتتتتتتت قالتلي ماما مرتين عظني مع العلم اني مصدومه ولا سالتها ولا كلمتها وخذيت ولدي ورحت
وبصراحه ماني عارفه شسوي لاتقولون وديها المكتب لاني على قناعه ان كل الخدم يطقون نفسنا شلون مو قادرين نتحكم بانفسنا اذا عصبنا طقينا
بس ودي اعطيها درس ما تنساه واخاف تحقد وتزيد
وودي اقول حق زوجي يزفها ويخوفها ومتردده
مع العلم ان خدامتي شخصيتها قويه وماعمري شفت عليها خطأ بس اخاف تقول شافتني وماسوت شي؟؟؟ وتتمادى بالطق
نسيت اقولكم ولدي عمره سنتين وشهرين
ناطره ردودكم لا طولون علي

الله يعينج صدمه والله كلميها ابددي بمقدمه حلوه قولي انا ادري انج زينه وادري انج مثل ماما بس اذا طقج تعالي علميني انتي لا تطقينه انا انصدمت اقول فلانه مايصير تطق انتي عندي لج 10 شهور ماشفت منج شي لانج تحبينه بس مره ثانيه مابي اشوف هالشي وان سوتها مره ثانيه العني خيرها

مشكوره رانيا والف شكر على مرورج

شوفي حبيبتي اذا شافتج ساكته وما تكلمتي وياها
احتمال الطقه اليايه تعوره وسالي ولدج ليش تطقها
واذا طقها جدامج من غير سبب قومي وطقيه على ايده
عشان ما تحتر وتشيل بقلبها
واذا ولدج مزعج ويطق حاولي بقدر الامكان انج تبعدينه عنها وتقربينه منج اكثر
وتلهينه بالسوالف معاعج
وديري بالج من الخدم كلهم يطقون نفسنا بسس في طق تاديبي وفي طق اجرام
واناشالله الله يهديها لج وتكون نيتها صافيه
ترى بعض اليهال النزغه مايصلحون يقعدون مع الخدامه وايد …

لازم تنبهينها لأنها راح تتمادى اذا سكتي … بس ولدج من النوع اللي يعض بدون سبب ولا اذا احد اذاه ؟؟؟ بعدين سنتين مو مال طق صراحة ؟؟؟ بس تنبيه … الله يحفظ عيالنا من هالخدم …

لازم تقوليلها اذا طقج قوليلي مو تطقينه انتي انا امه وانا اتصرف وياه

يعل ايدها الكسر

لا تسكتين …كلميها بهدوء بس كل كلمة تقولينها ضغطي علي الاحرف وخزيها بقوة وبينيلها انج مو راضية علي تصرفها بس لانها زينة ونظيفة وانت زينة معاها وانها لو تدور البيوت ما راح تلاقي مثلج مدام ومن هالحجي بس اهم شي تكونين هادية جدا وقوية بنفس الوقت ( حاولي ما تضيعين الخيط ) وبعدها علي طول طرشيها تسويلج شغلة ورا شغلة وطنشيها وخليج جدية معاها جم يوم لا ضحك ولا غشمرة ليما تحسين انها صارت زينة وانتبهي لا تصارخين ولا تزفين هذيلا الخدم يسوون مصايب ويبيلهم اسلوب خاص ومهارة بالتعامل علشان تاخذين اقصى ما عندهم وترتاحين… موفقة حبيبتي

كلميها لازم تكلمينها قولي ايدج ماتمدينها عليه
بعدين لايكون انتي اطقين ولدج وهي تشوف ماااايصير
اكيد بتقلدج وراقبيها اذا شفتي انها عادتها دوري لج غيرها اهم شي الولد

حبيبتي ما اطق ولدي جدامها ابدا
وعلى العموم شاكره مروركم
انا قلت لزوجي لانها تهابه قلت عطها كلمتين بالعظم عشان تعرف اللي سوته ما ينسكت عليه
وتحطنا ببالها عدل
حسبي الله عليهم مالنا غناه عنهم

لازم تخرعينهاا خوفج تمادى وبدال المره تطقه الف مره ديري بالج هذا ولدج وشلوون ترضين خدامه تمد ايدها عليه…,
رام بعدين يتعود على طقها وهي بعد تعود على اي شي تطقه …

قوة اختي انا انصحج اتقولين لها ان زوجج لما درا عصب وقال لازم تحطون كامرا في البيت وقصي عليها على ابو ان حاطين كامرا عشان تخاف وماتسوي شي وانتي مو وياها.

انا اخالفج بوجهة النظر .. واستغرب ردة فعلج العادية ..

اول شي .. انتي تعصبين على عيالج لأنهم عيالج تسهرين معاهم وتجابلينهم طول اليوم فممكن يطلعونج عن طورج مع اني هم ما أأيد الطق ..
بس الخدامة بتقعد معاهم ساعة ساعتين لي طلعتي ما تتحملهم هالساعتين ؟؟

ثاني شي الولد عمره سنتين يعني صغييير حرام عليها !! توه يتعلم الصح والغلط اي تعلمينه تأدبينه تعاقبينه تسايسينه مو تطقينه !!

طبعا مو من حقها تطقهم ولا تتنرفز عليهم مثل ما احنا نعاملهم مثل الاوادم يعاملون عيالنا مثل الاوادم ولا الباب يطوف جمل ..
انا ما عندي حل بس احتريت ع الولد الصراحة اذا اهوه بو سنتين وينطق وماتاخذون حقه وانتو عزوته منو ياخذ حقه عيل ؟؟

بتخلينها عندج كيفج .. بس لو انا منج لو شنوووووووو ماخلي عيالي عندها ولا دقيقة ..

انتى كلاميها قولى هذ بيبي مااااااااايصير تطقينه

اي شى تجينى وتعلمينى

وتررى هذولا بشررر

الله يعينج الصراحة . حتى انا ولدي بعمر ولدج و صاير بس يطق الخدامة اذا عصب و يعضها ساعات و ما ادري شسوي فييه بس انا اقول اذا الخدامة زينة حرام تخسرينها لانه صعبة تلقين خدم زينين بهالوقت .. بس نبهيها ان ما تطقه مرة ثانية و ان اذا طقها تيي تقولج و انتي تفاهميين ويا ولدج