عطوني رايكم بالنسبة لمصروف العيال

السلام عليكم ورحمة الله وبركاته

شلونكم بنات انا عندي لكم نصيحه وانشالله انكم تستفيدون منها احنا عودنا عيالنا من كانوا صغار ان نعطيهم فلوس حق المدرسه كل يوم الصبح ليش ما نعطيهم كل يومين او كل اسبوع لين ما نوصل للشهر مثلا واهو حر يبي يصرفه بنفس اليوم كيفه بس مانرد نعطيه اليوم اللي وراه لازم يتعلم من غلطه صدقوني ان هذي الطريقه راح تعلمه بالمستقبل شلون يدير حياته صح احنا نشوف جدامنا ناس عايشين على الله وعلى المعاش ما يوصل اخر الشهر الا وجيبه فاضي ليش لان ما تعود ان يصرف فلوسه بالمكان الصح هذا راي واتمنى ان اني قدرت اوصلكم المسج وانكم تستفيدون منه ناطره ردكم

اغلب البيوت تعطي مصروف حق اسبوع وانا ابوي يعطينا من واحنا صغار للحين مصروف حق اسبوووع بس مصروف المدرسه غير والطلعات وجذي غير..

مشكوره على المسج

شوفي يا اختي, انا بالنسبة لي ان بالنسبة لمصروف المدرسة يعني للكفتيريا او المقصف لازم كل يوم بيومه ياخد الياهل مصروفه لانه لو اخذ مصروف خمس ايام بيوم واحد راح تحلى الفلوس بعينه و راح يشتري اشياء مالها داعي و يقعد لي نهاية الاسبوع مفلس, بس اذا عطيناه مصروف كل يوم بيومه راح يعرف انه يمسك ايده و ما يصرف الي عنده, مهما كان اهو ياهل, و كلنا اول ما اشتغلنا معاسنا فسفسناه على سوالف مالها داعي و الاسبوع الي بعد المعاش تلقين البوك فاضي و الحساب صفر, بس مع الوقت الواحد يتعلم شلون يصرف الفلوس عدل, يعني هذا رايي الشخصي ما ادري اذا صح و لا غلط خصوصا ان انا ما عندي عيال, بس معروف الانسان اذا عطيتيه مبلغ كبير مرة وحدة لازم يصرفه بسرعة, و هذا الي انا شايفته بالنسبة لاخواني الصغار الي للحين ياخذون مصروفهم من اهلي, تشوفينهم بعد ما يستلمون مصروفهم الشهري يطلعون طلعة وحدة و يفسفسون فلوسهم كلها و ايون حق طلعاتهم الثانية يطلبون فلوس مرة ثانية و ثالثة, فلما الفلوس تتقسم هني ممكن نحدهم انهم ما يشترون اشياء مالها داعي
و هواي بناتي
مشكورة على الموضوع الحلو و الطرح المحترم

انا مع الأخت عقربة

يوم بيومه للمدرسة

و مصرف اسبوعى للكبار

و بالتدريج ليما يصير مصروف شهري