أبي حل حق ولدي الي ذبح اليهال طق ؟؟؟؟؟

اشلونكم بنات ولدي عمره سنتين بالضبط صارله جم شهر واهو بس يطق اليهال واستخدمت معاه جميع الطرق صج تعبت من هالشي وابي حل ؟؟؟

نفس حالة ولدي قبل كان اشزينه اكتشفت من كرتون كله يشوفه اسمه ( كون فو باندا ) واشتغل تكفخ بالهيال

لا والله اهو المشكله ما يطالع كرتون ؟؟؟

هلا بنات شخباركم الله يسلمكم في بيتنا عندنا قاعده ممنوع الطق والمسبه و ولدي لما كان صغير بعمر ولدج بس يمشي ويكفخ اليهال والشغالات ويكسر الاغراض عاد وحده عطتنى حل اول شي اذا ولدج يفهم كلامج عدل بكلمة لا او نعم لازم اتعاقبينه ……. وعقابها كان بالحبس بالغرفه وهالشغله انا اخاف منها احبس ولدي بالغرفه مده اخاف يستخف من كثر الصراخ المهم وعطتنى الحل الثاني عاد عجبني قالت اى غلط يسويه اول شي قولى له لا هذا غلط وان طنش فيج ورد يطق حطي بحلجه نقطة فلفل بو جزر خليه يصيح وقولى له ليش حطيتى بحلجه وكل غلطه حطي بحلجه صدقينىيومين الا اهو اسملله عليه ملااااااااااااك تبارك الرحمن يخاف يمد ايده يحوشه الفلفل وكاهو الحين اسملله عليه الله يحفظه عمره اربع سنين ونص مايمد ايده على احد ولا يسب ومن يسمع احد يسبه عنده كاااااارثه ياويله من امه بتحط له الفلفل

اشتري له هديه ووريه قولي له اذا طقيت اليهال ماراح اعطيك اياها

لا تطقينه لان الطق يجننه .عاقبيه بس برحمه وكلميه دايما على انه كبير وعاقل مع الوقت راح يفهم ويحس لانج لازم تبينيله ان الطق فيه الم والي يطق مو محبوب ومن هالكلام …وطبعا الالعاب والهدايا راح تخليه يهدى ودايما سمعيه قران وحفظيه القران بعد ..والله يهديه ادعيله

حبيبتي الوالضح ان الولد يعاني نفسياً اما انه يغار من احد اخوانه او يبي يلفت النظر يبي منج انتي وابوه اهتمام اكثر اهو قاعد يسوي شي غلط عشان يلفت الانتباه
قبل لا تطقينه وتعاقبينه حولي تكسبينه اهتمي فيه اكثر ركزي علي حركاته وحسسيه انج معاه خطوه بخطوه اكسبيه بالأول وبعدين علميه ان هذا الشي غلط وانج مو راضيه عن هذا التصرف واذا ما نفع هذا الاسلوب معاه
جربي بأسلوب الحرمان و المكافئه مثل ماقالت لج الاخت اشتري له هديه وقوليله كنت شاريتها لك بس اللحين انت ولد مو شاطر ما تسمع الكلام وتأذي الناس ماراح اعطيك هذي اللعبه لما تقول حق افلان اسف وتبوسه علميه الاعتذار مافيها شي اذا تعلم الاعتذا عرف انه غلطان
شجعيه بالمكافئات اذا سمع كلامج حسسيه انه ولد شاطر ويستاهل هذي اللعبه او الجوكليت او اي شي يحبه

مو زيين تخرعوون اليهاال وفلفل ما فلفل تعقدوونه باجر يكبر يصير دياية امه

خلووه يطق اليهاال سكتوو عنه ولا يكبر ويصيير ردي

واذا كنتوو اتطقوونه او احد يطقه بالبيت رااح يقلد اهو برى البيت ويطق اليهاال

اقنعييه باشيااء حلووه مثلا لاتسوي جذي او اذا صرت عاجل اودييك الالعااب

او سأليييه لييش تطق اليهاال يمكن فيه شي محتر من شي وانتوو ماتدروون

اهو الفتره هذي يستخف فيهاا الياااهل من 2 لـ 5 لما يكبر ويبدا يفهم رااح يهدا ويطخ

علمييه حراام تطق اليهاال الله مايحب اليهاال الي يطقوون اليهاال الثانيين

ولاتكسرييين شووكته وتعيشيينه برعب من الفلفل يكبر ويصيير مايداني الفلفل او متعقد منه ترى تصييير

ويمكن عنده حسااسيه من الفلفل وانتي ماتدريين!!!

وبعديين الصبياان كلهم جذي ذكري الله وقعدي صلي وادعي الله يعقله ويهديييه

انا مع ღ Prettyღ♥ღWoman ღ

باللي قالته في يهال كثر ما طقينه يعاند احسن شيء تراقبينه وتعرفين ليش يطق اكيد في احد ينرفزه

مشكورين حبايبي على الرد والله احترت مادري شسوي قمت افتشل يروح معاي مكان

نصيحه من مجرب .. انا ولد اختي جذي ..

بس قمنا نخلي الولد اللي يطقه يرد الطقه عليه .. بس بشكل خفيف ..

لما شاف انه لما يطق راح ينطق من العيال بطل هالحركات وفرررررررررررق حييييييل

ريحاانه حبيبتى … موضوعج مثل موضوعى بالضبط وانا اعانى من هالشغله واحس انها وااايد مفسلتنى وبنفس الوقت مو عارفه شنو سببها تخيلى ولدى يعنى اسم الله عليه توه عمره سنتين وجم شهر بس وايد وايد يطق الياهال وشطول لساانه مشالله …

مع انى وايد مجابلته ووايد معاه وما احب اخليه يحس بالوحده والفراغ العب معاه واحوس وياه على طول صج ان الدوام ماخذ من وقتى بس يعنى احاول انى اعوضه على طول اول ما ارجع اقعد معاه واسولف معاه واشترى له واجابله على طوول بس ما ادرى شنو سر هالطق هذا مفشلنى جدام اخوانى يكفخ عيالهم ويحتر منهم شكووووو ما ادرى ..

انا حطيت له فلفل ومانفع حتى مره من المرات انكسرت الغرشه بحلجه واندق الفلفل وانشقت لثته !! ادرى ان بتقولون حرام وانى مجرمه بس وايد تحسفت على هالشغله …

وهم اطقه واحس ان الطق ما ينفع احاول انى افهمه مثل ما قلتوا واقوله لا تطق احد وانت حلو وشاطر وبشترى لك هديه ومن هالحجى يقول زين زين وبعدين ماكو فايده يرد يطق ..

ياريت نقدر نوصل حق حل معاهم يعنى صج انه صبى وحرج مشالله بس هم محد يرضى ان عياله ينطققوون انا احاول انى اوصل هالمعلوومه بس ما ادرى احس انه يعاند .. وساعات يطقنى بعد الخاااايس اذا عصب حذفنى بشى شنسوى فيهم ؟؟؟

اي والله صاجه يا رشيقة والله يعينا , وصج حده امفشلني جدام الي يزورونا انا عيزت وانا اكلمه واعاقبه ما كو فايدة

انا نفس الشي و هم ولدي عمره سنتين و جم شهر عجبتني فكرة الفلفل بس قلبي ما يطاوعني

قوليله لا و خلي الي يطقه يرد عليه و يطقه بس مو حيل و انشالله يكبرون و يعقلون