|
|
ارجو المسااااعده ..
بنات شلونكم ..
يعطيكم العافيه امهات اتمنى انكم تساعدوني من خبرتكم ..
عندي بنت خالي وزوجها يصير ولد خالي بعد،، الموهم عندهم ولد الحين عمره سنه و8 شهور يعني سنتين الا ..
وللحين ما نطق بشي ؟؟؟
والمسكينه تحاااتي وقلبها يحترق عليه .. بس اهو يسمع اذا نادينااه حموووودي يلتفت مثلا نقوله قوم جييب الكلينكس قام وجابه .. بس ما يتكلم اذا بغى شي يأشر عليه ..
وقالت امه انا بحقره اذا بغى شي لين مايتكلم وماكو فايده عورها قلبها وهو يوقف جدامها ويأشر على اللي يبي ..
وابوه الله يهداه مو راضي تعالجه يقوول تو الناس ..
بليز اللي تقدر تساعدني لا تبخلون ولكم دعوه من كل قلبي ..
الله يخليكم لعيالكم … 
بانتظاركم ..
يبيله وقت
والمسألة فيها فروق فردية انا عيالي ما يتكلمون الا عقب السنتين ونص
ولد عمي ماتكلم الا لما دخل الابتدائي 6 سنواات
عااادي
لاتحاتين
احيانا يكون الطفل عنده التهابات متكررة بالأذن تكون ماي ورا الطبلة
و تمنع السمع بصورة ةاضحة
يعني يسمع احرف و احرف ثانية ما يسمعها
و يعالجونه و يرد طبيعي
ولدي اولى روضه ومخارج الحروف مو مفهومه بس انا افهمه
ومع اليهال بالروضه شوي شوي قام اهو يحاول يطلع الحروف وتفهمين كلامه
التاخر احيانا يكون وراثه
امي تقول لما كنت صغيره كنت ما اتكلم بس بالاشاره
والحين بفضل الله اتكلم وامشي لاا وقمت اكل بعد 
حتى بنت اختي الثانيه ماكانت تتكلم الحين نقولها اسكتي ماتسكت من كثر ثرثرتها
خلي يكمل السنه وعقبها تشوف يعني الحين طبيعي لاتحاتي
وان شاء الله مافي الا العافيه وبكره يزعجهم بصوته وسوالفه
ولد خالي ماتحجي لين كمل ٤ سنين
وولد رفيجتي عمره ٣ سنين وليلحين مايتحجي
سؤال
انزين بنتي عمرها سنتين ثلاث اشهر
ماتتحجا
!!!!
مو كلش مو ليه امبله
بس تقول كلمات متفرقه
وصعب عليها تكون جمله من كلمتييني
وبعد موت قول الكلمه كامله تقول نغم الكلمه للكلمه الصعبه واذا عدد احرف الكلمها كثر من حرفين صعب عليها تقولها
مثل عطيني = آتيا
Juice = جوش
طبعا ماما بابا
خواتها صعب تسميهم بس تسمي الثانيه لان اقصر >>>مثلا صبا = تناديها آبا
شيخه تناديها علي مقطعين = شيييي آآآآ
ماتقدر تكون جمله مثلا تبي تطلع تقعد تحن وتبجي عند الباب انزين شنو تبين ماتتكلم بس تمسك ايدج توصلج لين الباب وتحطها عليه وتقولج لا لا <<يعني يالله
تحب الاغاني وخصوصا بارني تحاول تسمعها كاممممممممممممممله بس باللحن يعني تقول لحن الكلمه ماتقدر تنطقها
وزتقول اخر كلمه بالسطر
مثلا اغنيه مستر سن حيث انها المفضله لها
اهي : او مستر سن سن مستر ساني سن بليز شاين داون اون مي
بنتي تقول اللحن وتنطق ان ان اون مييييي
بعد عمريا هي ذكيه وسابقه عمرها بالذكاء
تعرف تمسك القلم عدل وتحاول تشخبط مع خواتها وتقدر تسوي لاين
تميز الالوان عدل
تعرف تلبس جوتيها وتسكره بروحه
اذا شافتج تركبين شي عقب ماتروحين تركبه نفسج بالضبط
وتدري ان الدرنفيس يبطل البرغي اذا لعبتها فيها بطاريات تييج وتقولج ادا وتعطيج ايها وتروح لين جنطه العده (ماشاءالله مثبته مكانها) تيبلج الدرنفيس وتيي (وتختار اللي راسه مثلث)
تلعب بالباربيات تموووووووووووووت عليهم وتبدل وتمشط
تحب تلعب بالبيبيات (الالعاب) ماشاءالله احسن من خواتها تجابل البيبي وتعرف ان يبله حليبه وتمسكه لالا لولو (يعني يالله لولو) وبيبي بيبي يعني حبيبي حبيبي وتحاول تغنيله
تعرف خالاتها وحده وحده بس ماتقدر تنطق الاسامي
واجتماعيه مع اليهال تحبهم ماتخاف منهم
انا ولد حماي كان جذي ولما فهمت امه انها ماتضحك على كلامه ماقامت تضحك ومن بعدها الولد تحسن حيييييييييييييييييييييل وقام يتكلم عدل
الياهل لما يشوف اهله مستانسين على الطريقه الي يتكلم فيها راح يمشي على ما اهو عليه
وبالنسبه لتصحيح الخطا لازم تيب له اشرطه تعليميه مثلا تاشر له على صورة برتقاله تقول له شنو هذا اذا قالها بطريقه خطأ تصححها بدون ماتضحك تقول له لا ماما خطأ لازم تقول …….. يعني تقعد وتصلح كلماته او انها تسأله عن الشغلات الي تطلع بالتلفزيون
المطلوب الحين يكون حواااااار بين الاهل والطفل
والله يكون بعونهم
اول شيئ يتسوى اختبار السمع للتأكد من السمع عنده وخلو الاذن من التهابات
لان اذا بيتكلم لازم يسمع
والطفل صغير ترى يعني توه في طور تطوير اللغه والكلام
الام لازم تكلمه وتسولف عليه واااايد عشان يصير عنده حصيله لغوية