سبوح البيبي

السلام عليكم

بنات البيبي لما يكون مولود جديد شكثر تسبحونه؟؟
يعني كل يوم ؟ او يوم و ترك ؟؟

ابي اعرف بليز

انا بالنسبه لي كل يوم لانه الياهل الصغير راعي ترجيع وماشرب الا حليب والحليب اذا خمر بجسم الياهل يطلع ريحه مو حلوه انا حتى ولدي اللي مسوي عمليه كنت اسبحه كل يوم وكان اشتاء فما بالج بجونا الحين

سبحيه من الحين عشان يتعود على هالشي ومايستنكر هالشي صيف واشتاء

هذا رايي ما ادري عن باقي الخوات

امبي من صجكم هذا بيبي صغي يمرض بعدين

انا اسبحه اسبوعيا مره والحين عمره 4 شهور

لا اسبوع واااااااااااايد .. تطلعله ريحه من الحليب

لا سبحيه يوم وترك احسن حل .. واحرصي ع النظافه ضروري

انا يوم وترك وليلحين

يوم وترك وايد زين للبيبي

مره بالسبوع احسن عشان لايمرض ترا كثرة السبوح تأثر على المولود لان اذا دش بأذونه ماي او صابون بتلتهب وغير جذيه التكييف توه ماعنده مناعه لايحوشه صدر واذا عن الترجيع مسحيه يوميا بفوطه مبلوله ادفا

والله انا كل يوم من اول مانولدت بس اذا كانت مريضه معاها حراره لا يوم وترك
وعشان ما اخذ وقت وايد اكون مسكره اول شي كل التكييف ومجهزه كل غراضها وملابسها ومبطلتهم وحاطتهم وبس اول شي اغسل جسمها وانشفها عدل والبسها البامبرس والف عليها الفوطه وبعدين اغسل راسها واحط عليه كبوسه الفوطه وعاد احط اللوشن والبودر وهالسوالف
وترى احسن كل يوم

امبي لا حرام مايسير تسبحيـنه كل يوم
ترا يمرض اسم الله عليـه
اعتقد مرتين بالاسبوع كافي
وكل يوم مسحيه بكلينكس البيبي

بالاسبوع مرتين او مره لانه صغير اذا كبر 6 شهور وفوق عاد يوم وترك بس مو يوميا

شنو يوميا من صجكم ؟؟

مره بالاسبوع كافي

بالاسبوع مرتين وكافي

ومسحيه بالايام الثانيه بفوطه مبلوله وخلاص

يوميا … وعموما السباحه تهدي الياهل و تخلييه ريلاكس ممكن يخدر و ينام على طوووول

امبي ليش يوميا حرام يااااهل شنو يعني تطلع ريحة الحليب ؟؟؟ واهي صغير شنو مافي ريحه كل يوم يتسبح اذا زوع مش فوطه ناعمه وماااي انا اسبح ولدي بالاسبوع مره والحمدالله رييييحته اتهبل ماله داعي يوميا

انا ولدي يوميا اسبحه بس قبلها اطفي التكيف وهم بعد السبوح مااشغله الا بعد ساعتين عشان مايمرض…….