|
|
انا هذي اول بيبي و ليلحين صارلي 3 اسابيع و انهلكت
انتوا شكثر طولتوا بالرضاعه الطبيعيه ؟؟؟
الرضاعة الطبيعة مفيدة حيل للياهل
انا عن نفسي بس اسبوع
واخر ايام الاسبوع بعد لا تحسبينهم
لان كانت مره وحده يمكن باليوم
…
انا في بنتي الأولى رضعتها 6 شهور تقريبا وندمت ليش ما كملت الرضاعه معاها
وبعدين يبت ولدي ورضعته سنه الا شهرين بغيت أكمل السنه بس طلعله ضرسين اسمالله عليه ماقدرت أكمل كان يعورني
بس حرام هذا الحليب حق بنتج لاتحرمينها من حنانج على الأقل كملي السنه
وانصحج اقري عن فوائد الرضاعه الطبيعيه وشوفي الاعجاز اللي فيه ، راح يشجعج على الاستمرار في الرضاعه
ظهري قام يعورني و ماكو نوم لان اول ما تقعد البيبي لازم اقعد معاها ارضعها
انا مفكرة اوقف جريب 
واذا فيج حليب حرام عليج حاولي تعطين الياهل كثر ماتقدرين
شوفي بمجال دراستي يقولج …. الرضاعه تحميج من سرطان الثدي
وبالنسبه للطفل تقربه منج وتحمي ضورسه وصحته
والرسول صلى الله عليه وسلم وصى بسنتين اكييييييد فيه اعجاز اتمنى تستمرين
ودايما سندي ظهرج بمخدات مريحة
افضل للبيبي وافضل لج الرحم يرجع مكانه الطبيعي اسرع
والله يقويج
استمري
لا اله الا الله
و مشكورين على النصايح ماقصرتوا والله
انا نفسج أول أيام كنت أحاتي واااااااااايد شلون أرضع البنت وانا بره وشلون وشلون
بس بعدين حسيت احساس غريب لما بنتي تكون قريبه يمي
وبعدها صرت ما أرتاح الا لما أرضعها من صدري
وتميت سنه و3 شهور أرضعها
والله كانت البنت اسم الله عليها متبتبه والله بس قطعت عنها الرضاعه الطبيعيه
والله صارت تخرع ضعيفه أحس الحليب الصناعي ولا ابيزه
وحتى بالطلعات عادي أدخل بغرفه مافيها أحد وأرضعها
شالمشكله كله علشان البيبي يهون
لازم تغيرين شوي
يعني نامي على السرير وتمددي على الجنب وخلي بنتج تمدد على جنب بعد وراسها على كتفج وخليها ترضع
وراح تشوفين الراحه في الرضاعه وبنتج بعد مرتاحه وراح ترضع فتره أطول
انا من جذيه طولت بالرضاعه ويه ولدي بس لو ما هالضروس جان للحين أرضعه
وانا اتفق ويه البنات انتي تعدي أول 3 شهور وجسمج راح يتعود على وضعيه الرضاعه
بس حرام هذا من حق بنتج لاتحرمينها من رزقها ، واذا بتطلعين أو بتروحين الدوام عطيها القواطي
احنه كله نسوي جذيه
لم كان عمرها5 شهور صار في اخوها عنكز ما صار فيها و هو دايم ينام في فراشها
ادري الرضاعة تبي صبر الله يعين الحريم