ضروري عيادات الاطفال طيبة كلينك

بنات شرايكم بعيادة الاطفال بطيبة كلينك تنصوحون اراجع بعيالي عندهم ابي عن تجربة لاني اراجع عند د.ياسر القحف بعيادات انتر ناشيونال اكلينك وهو ممتاز بس المواعيد عنده صعبة ودايم زحمة ومنو احسن دكتور عندهم بطيبة اكلينك

وجزاكم الله خير …

شدعوة كل هذي ردود كافي بنات ما قصرتوا كفيتو ووفيتو

الحين ولا وحدة تعرف شي عن عيادات طيبة كلينك

هلا حبيبتي
انا رحت عيادتهم اللي بالفروانية ..
ولأنها توها فاتحه احس انهم يبون يجربون فينا بس .. مع انه مافي زحمه بس كل مره يعطيني موعد مجاني وبنتي ما تشافت .. فما قمت اروح له ..

هذا بالفروانيه ماادري عن الباجي ..

انا جربت حق نفسي وريلي بس عيالي لا ما وديتهم اهناك .. أنا عندي الشفا والهادي أحسن

الله يجزاكم خير على الرد بس الظاهر اني ابجرب واراجع عندهم

طيبه كلينك اللي بصباح السالم عجيييييييييييب
احسن شي حق الاطفال
انا احب اودي عيالي عندهم
ودايما هناك
ماشاءالله عليهم خبره ومعامله حلوه واخلاق
روحي عند دكتوره ايناس عجييييييييييبه
مع ان في وحده اسمها ليلى استشاريه واختصاصيه
بس الصراحه ايناس احسن منها

الصراحة انا لما كنت حامل راجعت مرة وحده عندهم وطلعوا فيني بلاوي مع ان الحمدلله ما كان فيني شي بعدين كملت مراجعاتي بالهادي بس حق الاطفال ما جربت اودي بنتي عندهم مع ان اقرب لي بس وايد ذموهم لي ..
واحسن دكتور اطفال د.سهيل الخمار حتى انا واخوي لما كنا صغار كنا عنده واكتشفت بعدين ان حتى زوجي كان عنده
وطبعا حق الطوارئ اوديها الهادي ..
وانشالله يارب محد يحتاج حق الاطبة لا الكبار ولا اليهال والله يخلي لكم عيالكم