قوة
بنتي هالايام مبدعه اول اقعدها مره وحده تروح الحمام عشان تتبول والصبح اذا قعدت تروح بس صارلها شهرين تقريبا كل يووم تبول على روحها يننتني كل يوم تقعدني تقول سويت (بي بي) يعني تبولت
مادري من الغيره لانه اخوها 7 اشهر وصايره تغار يقول ابوهااخاف برد والله دارها دافيه
شسوي البسها بامبرز بالليل اخاف تتعود ؟ سملله عليها كبيره
اقعدها مرات مرتين هم تسوي على روحها 
هلا يالغاليه والله نفس مشكلتي اليوم قاعده اسولف حق اهلي ولدي كان يروح الحمام قبل لاينام وبعدين مايسوسها كلش بفراشه لين يقوم الحين صارله اسبوع يسويها بفراشه والكل يقوللي من البرد مادري شسوي محتاره وضايق خلقي مع انه كبير عمره 4 سنوات
امس والله طلعت البامبرز اللي تنلبس شورت قلت بلبسها بس قلت لااا خل انطر بعد
انا احاتي بالبر عطلة 15 اذا نمنا شبسوي
بنتج جم عمرها اسم الله عليها ؟
والله عندنا و عندج خير ولدي عمره 4 و نص ولي الحين بتبول
احترت و حار دليلي
كلللللللللللل شي جربت معاه
واقعده بليل 3 مرات و هو بيول مكرم السامع
صج ضايق خلقي و خالتي الله يهديها تقولي ما تعرفين تربين عيالج
مع ان اخوانه الكبار ما عانيت معاهم بس اهو اسم الله عليه
والله يعينا
في جهاز تطلبينه من النت يساعد على ايقاظ الطفل لما يحس بالبول مكرم السامع واهو نايم وشوي شوي لين يتعود انا ما جربته بس سمعت عنه استفسر عن الموقع واحطه لكم باذن الله
والله يعيننا
انا بنتي عمرها اسم الله عليها 5 سنوات وتسوي عالفراش بالشهر تقريبا 5 مرات
لما سألت الطبيب قال لحد 8 سنوات طبيعي
حاولي تمنعين منهم المشروبات الغازيه
مرحبا أخواتي عيل لو تدرون شنو قصتي مع عيالي تهون مصيبتكم عندي ولدين الكبير سبع سنوات والأصغر خمس سنوات الصغير ولله الحمد انتهت مشكلته أول الصيف الماضي لكن العود لحد الحين وخصوصا في البرد على طول رغم تقليلي للسوائل وذهابه للحمام قبل النوم الا يبلل ولحد الحين يلبس الكلوت من بيبي جوي منع للاحراج له وللناس الذين ينام عندهم او ينامون عندنا أما الصيف بدونه واحط له مشمع بلاستيك تحت الشرشف وأنا الحين ابي اجرب تجربت أختنا عباية راس في موضوعها المستقل بعنوان حل لمشكلة التبول وأنا في نظري تخلينها تلبس الكلوت وتقولين لها بعد أن تتفقين معها أن هذا الكلوت للبرد عشان ما تمرضين بس يتحسن الجو نرميه طبعا أنتي كبيرة بس الكلوت في البرد واذا ما بللتي نفسج اضع لج نجمة واذا حصلتي على عدد كبير من النجوم اشتري لج هدية وطبعا السوائل قبل النوم ألا لضرورة ونجح مع ولدي الصغير زنجبيل يخلط بالعسل الطبيعي والله يشفيها ويشفي عيالنا وهذه المشكلة الكثير من الأسر تعاني منها بس لكل مشكلة لها حل ولكل طفل حل يناسبه من الحلول التي ذكروها الأخوات في مواضيع عديدة
حاولي لا تشربينها شي قبل النوم بفترة وقعديها مرة او مرتين تروح تكرمين الحمام اخاف تشرب وتخربط وايد سوائل قبل النوم ومع البرد ماتلحق
الاهم انج تودينها الطبيب علشان تتطمنني ان ما في اى مشاكل عضوية
لان المشكله هذه سببها نفسي
بنتج عندها مشكله متعبتها نفسيا و السالفه مو سالفه اكل و شرب و برد
و الحل مثل ما قلت لج الاول تودينها الطبيب و بعدين شوفي شنو اللي مكدرها
والله يحفظها لج
الاهم انج تودينها الطبيب علشان تتاكدين ان ما في اى مشاكل عضوية
لان المشكله هذه سببها عضوي و نفسي
اذا طلعت نتايج تحاليلها زينة تاكدي ان بنتج عندها مشكله متعبتها نفسيا و السالفه مو سالفه اكل و شرب و برد
و الحل مثل ما قلت لج الاول تودينها الطبيب و بعدين شوفي شنو اللي مكدرها
والله يحفظها لج آميييييييييييييييييين
احتمال يكون تبول غير ارادي .. و ترى اغلب المستوصفات الحين تعالج هالمشكله .. و يكون سببها نفسي .. يمكن تبي اتقلد اخوها او غيره منه ..
و الله ايعينج عاد برد ..
بنتي عمرها سبع سنين وللحين تتبول بالليل
سويت بحث ولقيت ان العلاج الفعال هو اعطاء الطفل ملعقة عسل قبل النوم بساعه وملعقة عسل قبل النوم مباشره لان العسل يمتص الرطوبه ويحفظ السوائل
هالطريقة تحتاج عسل طبيعي وأنا ما اثق بالعسل كله اللي ينباع احس انه مغشوش
وفي طريقه كتبتها بموضوع بهالقسم بس العائق الوحيد من وين احصل زيت حبة البركه ويكون صالح للاكل
صديقتي تقول بنت اختها كانت تعاني من هالمشكله ويوم ودوها للطبيب سوالها تحاليل ولقوا عندها التهاب بالبول وعالجوها وصارت زينه
الله يشفي عيالنا
بالنسبة للعلاج
انا وديت ولدي للدكتور و قالي هذا شي طبيعي لي عمر 8 سنوات
بعدها يحولونه حق اخصائي نفسي و يشوفون اذا كانت مشكلته عضويه او نفسي
وعباية راس ياليت والله العسل اييب نتيجه يالله يارب
ان شاء الله بييني عسل طبيعي بجربه وان فاد لج احلى دعوة 
و حتى اذا مافاد بعد تستاهلين 
قوة إختي انتبهي ترجعينها للبامبرز نصييحه انت كذا ماحليتي المشكله بالعكس ترى البرد له دور وانت حاولي ماتشرب سوائل كثير قبل النوم بفتره وبعد حاولي تعاملينها نفس المعاملة قبل مايولدأخوهايمكن لاحظت تغييير في معاملتكم لها لأنها هي تحاول تلفت نظرك لها واللة يخليهم لك وبالتوفيق
الطبيعي لي ست او 8 سنين انا ولدي لحد الحين اعاني معاه عمره خمس سنين وكل يوم يبلل الفراش مع اني اقعده
مرتين او ثلاث الغلط مني لاني عودته على الحفاظه واهوه كبير