ولدي والترجيع ؟؟؟؟

ولدي عمره سنتين ونصف ما ياكل شي ضعيف حيل وإذا حاولت اوكلة يرجع مو اي شي ياكلة بالغصب انا وياه بعدين يرجع كل الاكله واذا بكى بعد يرجع اللي بجبده كله ومعتمد على الرضعه احاول اقطعها عنه بس يكسر خاطري ماياكل شي شنو اسوي علموني ولكم كل خير إنشاله؟؟؟؟؟؟؟؟

حبيبتي من متى عنده هل المشكله؟؟

وحتى الحليب يرجعه؟

يبجي ويرجع ولا يرجع من غير بجي؟

في اسهال ولا لأ؟؟

مصخن ولا لأ؟؟

بلاعيمه وخشمه شلونهم؟؟؟

شنو سويتله لما بدل يرجع..

واي حرام حبيبتي وديه الطبيب شوفي شنو مشكلته و شنو اسباب الترجيع و ماتشوفون شر يالغاليه ….

الشر مايجيكم إنشاء الله
من ولدته وهو جذي اذا بجي رجع الحليب اللي شربه وخشمه وبلاعيمه مافيهم شي وديته حق طبابه وقالت هذا فيه عظيم إذا تعرفينه ورفعت بلاعيمه وقالت لي خلاص ولدج مافيه شي بس عطتني علاج حقه وهو مايشربه يبجي ويصيح لما اشربه العلاج بالغصب بعدين يرجعه ماكو فايدة تعبت وياه اللحين على الحليب بس ويتغدى بالغصب شوي واعتماده كله على الرضعه…..

راسليني على الخاص

وي حبيبي والله وديه عند دكتووور وغيري الحليب ماله يمكن اهوه الي يخليه يرجع

الله يخليه لج و يشفيه يارب

حبيبتي وديه الطبيب

ما شاء الله كبير عالترجيع

وما يشوف شر وليدج

اكو اشعه حق الترجيع نسيت اسمها كنت مسويتها لولدي

اللي يكون فيها راس المعهة وسيع سوي الاشعة وشوفي يمكن مشكلة بالمعده وانتي ما تدرين ( اشعة الأرتجاع )

انا ولدى عمره سنتين وشهرين وحيل تعبانه معاه مع الاكل بالغصب ياكل وتخيلى انه الاكل لازم يكون ليين يعنى توست لازم نحط معاه حليب ما ياكل التوست بروحه… حيييل تعبانه معاه بالاكل ما ادرى شسوى معاه

نفس ولدي بالضبط الحين عمره اسم الله عليه سنة و10 شهور من يوم كان بالاربعين

وهاذي حالتة يقولي الدكتور فتحة المعدة وسيعه لازم مايتحرك عقب مايشرب الحليب

او ياكل بس مايرضى يقعد لازم يحوس ويلعب