|
|
[frame="7 50"]الصراحه انا وحده اتحمل كل شي
الا شلعة الضرس
يعني عندي اسوي بلاوي
ولا اني اشلع ضرس احد من عيالي
أول كنت اذا صادفتني هالمشكله وياني احد من عيالي قالي ضرسي يتقلقل
وديته الاسنان على طول
لين تطنزوا علي
قالولي من صجج تودينهم طبيب اسنان عشان شلعة ضرس؟
بس شسوي مايطاوعني قلبي اشلع ضرس
قمت ادور منقذ
اي احد موجود اقوله ترى ضرس فلان يتقلقل بسر موتشلعه الحين… انطر لين اروح غرفتي بعدين شلعه
عشان ما اسمع الصراخ
ابي اعرف انتوا شلون طريقتكم بشلع الضرس؟
مأساة مثلي؟ والا سهاله ؟؟[/frame]
بس انا عندي ابوهم يشلع لهم
واذا يه واحد من عيالي و قالي ضرسي يتقلقل اقوله قلقله قلقله لييييما يطيح خخخخخخخخ 
لكن و لا مرة شلعت لهم ضرس
بس ما يعورهم يقوله اشوفه اشوفه وطنننننننن انشلع الضرس روح تمضمض وتعال ولي يي يوريه ضرسه ويعطيه دينار
انا اخاف اخليه يتقلقل اخاف يبلعونه واهم ياكلون
مادري ليش دايما هالفكره ببالي
.gif "Eh S(10)")
والحين اخوي نفس الطريقه
بس عرفوها خلاص
الحين اذا ضرسهم يتقلقل مايقربون يم خالهم ان زارنا لوووووووووووووول
اصلا ماقاموا حتى انا يوثقون فيني لما اقولهم بس بشوف مع انهم يدرون اني ما افكر اشلع ضرس
زين مني اجيك عليه بس
ولدي العود هوايته تشلع ضروسه قبل لايتقلقل ضرسه تلقينه يلعب فيه لين ينشلع 
بس الحمد الله لثته قويه فتأخرت ضروسه على مابدت تتبدل
وولدي الوسطي خواف طلع ضرسه الدائم واللبني ما طاح قلت له روح حق أخوك خل يقلقله لك عقب دقيقتين شالعه له
إذا بوديه الأسنان إهني عشان يشلعون ضرسه شوفي جم ياخذون
قلقله ليما يطيح او اصبر عليه
شوفي انا بنتي تشع ضرسها بروحها
حدها مجرمه
انا اكبر منها مايطاوعني قلبي اشلع ضرس
ولدي لا مشكلته مشكله بس اشوه اني مو بره جان خساير على تشلع الضروس
لووووووووووول
انا لو اقول حق ولدي انطر على ضرسك والا قلقله لين يطيح
بيردلي عقب دقيقه يقولي ليلحين ماطاح
وعقبها بدقيقتين هم بيرد يقول ليلحين ماطاح
وعقبها بدقيقه هم نفس الشي
لين تلوح جبدي وبدل لا اشلع ضرسه ذيج الساعه بشلع رقبته
خخخخخخخخخخخخخخخخخخ