متى اقطع المميه ؟؟

اشلونكم بنات
حبيت اسالكم متى قطعتوا رضعة الحليب عن اعيالكم
انا ولدي توه صغير توه كمل سنه ونص بس قاطع المميه تقريا من شهر
مايرضى يرضع مادري عادي ولا لا
انتوا متى وقفتوها عن عيالكم
واذا مو عادي شنو البديل
ناطره ردودكم

والله حبيبتي اللي اعرفه من نصيحة لدكتور اطفال معروف يقول الرضعه قطعوها على سنه بس الحليب لا يعني عطيه الحليب العادي مال الكبار بس حطيه بقلاص اليهال اللي له فتحة صغيرونه وعطيه الحليب المطعم بالفراوله والموز وننطر باجي البنات

حبيبتي مشكوره ام بدوري — ياحلات هالاسم لانج سميتي بعد__
انا اخاف ان حليب الاطفال زايدين فيه فيتامينات حق عمرهم ويكون احسن من الكي دي دي مادري والله

Up Up

لا حرام لا تقطعين المميه الا اذا كمل السنتين

خلى يرضع الصبح وبالظهر وباليل عقب ساعه ونصف من العشاء

عطيه نيدو وانا بشوف حليب زين حق ولدى من الجمعيه الياهل يحتاج فتامينات للنمو

السلام عليكم حبيبتي بسكونة (((عاد آنا أموت على البسكوت))))
أنا ما أنصح تقطعين الممية قبل السنتين والله عن تجربة آنا عندي ثلاث بنوتات أول وحدة قطعتها على السنتين وشي والحمدالله صحتها زينة صج عصلة وطويلة بس تاكل عدل وترغب بالأكل أما الثانية واهي الي متعبتني أحس اني ظلمتها لما قطعت الممية لأنها تخرع من الضعف وبنيتها كلش موشي ونموها بطيئ وماتاكل حتى الحلويات موذاك الزود عليهم والجين عمرها ثمان سنوات ونفس الشي حتى بالمدرسة ماتاكل بس البنوتة الثالثة حطيت حيلي فيها وخليتها أكثر من سنتين ترضع ممية واحس ان هالشي اثر عليها يعني تحب تاكل بس هم بعد عصله بس اهم شي انها تاكل وترا الطفل يكبر اثناء النوم فلازم يتغذى حتى وهو نايم طبعا من يوم لسنتين واتمنى اني فدتج …………………
لاتنسين تدعين حق بناتي والله يررزقني بالولد الصالح(((((عاد بناتي ميتين يبون ولد بنتي الكبيرة تقولي نبي نغير )))))))))))تحسب بكيفي

أهلين حبيبتي ..
اللي فهمته انا ولدج ما يرضع من المميه بس يشرب حلييبه بقلاص ..
مو مهم يشربها بالمميه ولا بالقلاص اهم شي انه ياخذ كفايته من الكالسيوم و اللي اعرفه انه الياهل لين يصير عمره 3 سنوات واهوا يشرب حليب الأطفال لانه مدعم بالفيتامينات انا اشرب بنتي الصبح لي قامت وبليل هذوله الأساسين و الضحى إذا ما تريقت عدل عشان اعوض شويه

بنتي عمرها 3سنين وزود ولازم اعطيها رضعه قبل النوم

هههههههههه شكلها يضحك

وانا كنت ارضع مميه ليما وصلت ثالثه ابتدائي

انا بعد نفس المشكله

انا الود ودي اخليه يرضع ليما يدش الجامعه لللللللللللللللووووللللللللل
ينحاش من مرته ايي يشرب حليب ويروح
بس اهو عند نفسه شي مايبي يرضع ضايق خلقي عليه بس بجرب له القلاص مشكورين حبايب البي (مسويه روحي لبنانيه)
غزاله كويتيةحبيبتي الله يرزقج الولد الصالح انشاء الله

انا الود ودي اخليه يرضع ليما يدش الجامعه لللللللللللللللووووللللللللل
ينحاش من مرته ايي يشرب حليب ويروح
بس اهو عند نفسه شي مايبي يرضع ضايق خلقي عليه بس بجرب له القلاص مشكورين حبايب البي (مسويه روحي لبنانيه)
غزاله كويتيةحبيبتي الله يرزقج الولد الصالح انشاء الله

اليهال مختلفين في يهال يقطعون المميه من سنه ونص
ويهال يطولون فيها
انا ولدي تم لي الروضه يرضع
والله احسن لج يقطعها مبجر مو شي شكله يصير كبير ويرضع مميه ,,,

انا افضل سنه ونص بشرط اذا البيبي شجعك وصار ياكل