علاج السمنه اللي تسببها التكيس

تكيس المبايض مرض منتشر بالكويت خاصه، الدليل انه دكتورة مشهورة بالكويت بلسانها قالت انه من كثر الحالات اللي تمر عليها صارت تستغرب اذا شافت وحدة ما فيها تكيس.

اولاً : ليش شمعنه اللحين طلع وينه من زمان خصوصاً انه المرض وراثي يعني اكيد امي فيها!؟؟ اجاوبج انج صح اهوا عادتاً موجود بامج بس عيشةامج قبل 50 سنه غير اللحين. راح اشرح التفاصيل تحت.

ثانيا: اعراض التكيس . السمنه والتي علاقتها بتكيس المبايض علاقه وثيقه الا من رحم الله ولحق على نفسه.تساقط الشعر، انقطاع الدورة، هذي اهم الاعراض وهم في اعراض ثانية. هالاعراض اذا ما عالجتيها بالمستقبل لها نتايج كلش مو حلوة.*

بنات نصيحه لله اول شي بلشي بحل مشكله السمنه اهيا اول مفتاح.* وبهالموضوع بعطيج اهم النقاط لحل المشكله.

بالنسبه لي كنت اعاني من سمنه خفيفه بالبطن مع اني رياضيه وتساقط شعر ودورة معقدة، سويت نظام التكيس اللي حددتة المتخصصه بالتكيس نانسي دون. الحمدالله بعد فترة حملت *وولدت اكثر من مرة والحمدالله الشعر رد والجسم معاه.

** * * * * * * * * * * * * * * * * *لماذا"نظام التكيس الغذائي" وليش مو اي رجيم غيرة!؟؟

اثبتت الدراسات الطبيه انه التكيس خلل هرموني يأثر على وايد اشياء والسبب الرئيسي لهذا الخلل الهرموني اهوا شنو ناكل وشنو نشرب. واللي ثبت ايضا انه مئات النساء المصابين بالتكيس ليس لديهم علم انه طعامهم سبب لمرضهم.*
واثبتت الدراسات انه نسبه من المصابات يحملون بعد خسارة الوزن الزائد.

للأسف اغلب النساء مقتنعين انه مرض وراثي فا ما يبذلون اي مجهود لتغيير الوضع.*

** * ما هو "نظام التكيس الغذائي"؟؟
*الفكرة ان نستغني عن كل المواد الغذائيه التي تقوي التكيسات ونمنعه من السيطرة على الرحم، لتوضيح الفكرة، اذا عندا بلونه هوا كل ما نزيد الهوا تنتفخ لكن اذا قطعنا الهوا تخمل وتقل قوتها وحجمها. البلونه اهيا التكيسات والهوا اهوا الغذاء الخاطئ.

النظام اللي نبي نتبعه اهوا نظام البشريه اول ما انخلق الانسان. قال تعالى "*(وأمددناهم بفاكهة ولحم مما يشتهون) الطور: 22. وقال تعالى: (ولحم طير مما يشتهون) *قال تعالى فاكهة ولحم ( طير، سمج، ماشيه..الخ) كان الناس قديم الزمان يصيدون وياكلون ،، يقطفون. وياكلون.*
بالاضافه الى الدهون من مصادر طبيعيه اللحوم والنباتات.*

شنو الاشياء اللي ما كانوا يأكلونها قبل انتشار المرض!؟؟؟

1- منتجات الالبان: ادري صدمه لكم، لكن هذي حقيقه علميه مثبته انه منتجات الالبان مضرة بشكل ما، تضر الصاحي، شلون اللي فيها تكيس وبالاساس احنا التكيسات تتغذى من بعض المواد الالبان وتزيد التكيس.* ومعلومه خطيرة انه اصحاب المصانع قبل تقريبا 50 سنه بدأت بزيادة النتجات وذالك بحقن الحيوانات بهرمونات لزيادة الانتاج وهالهرمونات تأثر علينا المتكيسات بشكل كبير. وتلعب بهرموناتنا.

2- الحبوب : بشكل عام غنية بالكربوهيدرات. في بعض الدول النامية تعد الحبوب كالأرز والذرة والقمح عنصرًا أساسيًا يغلب على طعام الفرد، بينما في الدول المتطورة تدخل الحبوب ضمن عناصر الطعام اليومية إلا أنها لا تعد عنصرًا أساسيًا دومًا. احنا الريوق اما خبز او كورن فليكس، غلط، الغدا اما عيش او معكرونه، غلط، العشا نفس الشي. الكربوهيدرات تتحول الى سكريات فيأثر على الانسلوين ويخربط حسبته ثم نصاب بالسمنه مع ان الكميه اللي ناكلنا نفس اللي مافيها تكيس!!!! اهني الايض مالنا ابطأ فا لازم نتفادا العيش والخبز والمعكرونه يعني مشتها مو كل يوم. مرة بالاسبوع.*

3- الملح والسكر: الانسان الاول ما عرف الملح والشكر. ياخذون الملح من اكل *السمج والشكر من العسل.*

4- الاكل المعلب والوجبات السريعه: ما كانو يعرفون هالاطعمه وماشالله عليهم صحه وعافيه.*

** * من النقط السابقه اغلبكم راح ينصدم انه طريقة حياتها واكلها سبب رئيسي لمرضها، اذا نفسج غاليه غليج راح تحاولين تغيرين نمط حياتج، عندج الوقت اللي يريحج لكن بلزز بلززز لا تطولين انتي غاليه ونبيج مرتاحه.

بتقولين هذا كلام والتطبيق صعب، مالومكم انا بالبدايه تعبت لانه مافي احد يشجعني، منو يهد العيش والمعكرونات والخبز!؟؟ بعطيكم نظام جربوه جم يوم يمكن تقدرون عليه.

النظان لمدة يومين كمرحله اولى؟!! واذا مشيتو بكمل معاكم.

الريوق:*

بيضه كامله او بياض بيضتين
خلطيها مع اي شي طماط، خيار ،خس ، اي شي تحبينه واذا تبين ملح اشتري قليل الصوديوم او خالي.
كوب شاي يفضل الاخضر او اعشاب مع سكر نوع ستيفيا فقط انسو اي محلي ثاني.

او
*قطع دجاج *صغيرة (نص كوب) مع مشروم وخضار على كيفج بدعي بس قللي الدهون يعني حدج نص ملعقه زيت زيتون. اضيفي بصل ثوم اللي تبينه*

كوب شاي يفضل الاخضر او اعشاب مع سكر نوع ستيفيا فقط انسو اي محلي ثاني.

بعد ساعتين:*
اي فواكه تحبينها

الغدا والعشا:*
سمج ، لحم ، دجاج، ربيان اللي تشتهي نفسج*

سلطه كبر اللي تبينه مع دريسين خفيف*
** ممكن خظار بالفرن مع اللحم او الدجاج ( نستقبل اقتراحات)*

بس اذا كثرتي لحوم بالغدا قللي بالعشا وزيدي الخضار والعكس صحيح.

بنات ممكن تسوون نظامكم حق يومين دزوة لي اساعدكم اذا اوكي.*

سامحوني ان شالله وصلت المعلومه ، الكتاب كبير 600 صفحة حاولت اكتب المختصر المفيد.*

اي شي انا حاظرة*

اقتباس:

المشاركة الأصلية كتبت بواسطة حياتي تكنولوجيا جزاج الله خير الصراحه انا بنت و مقبله على زواج وللاسف فيني تكيس وقاطعه العلاج لاني مليت وطقت جبدي والله كريم بالنسبه لمنتجات الالبان لصراحه اذا اكلت اللبنه او الجبن ينقلب يومي خموووووول في خمول وانااااااااااام والله يعين المبتلي نفسي والله كريم ان شاءالله امشي على نضامج وان شاءالله احصل على نتيجه ثانكيوووووووووووو

حبيبتي وايد انصحج انج تتبعين النظام لانج ملاحظة تاثيرها عليج

يا رب يسهل عليج النظام وتحبينه

اقتباس:

المشاركة الأصلية كتبت بواسطة درر2008 تقريبا مثل رجيم دشتي وممكن اسالج شنو سكر رجيم الباقي ماينفع وممكن صوووووورته

اسمه stevia وينباع بموقع ماجله www.maaachla.com