شلون نبر بوالدينا

السلام عليكم و رحمة الله وبركاته خواتي لو باسأل أي وحدة فيكم هل تبرين والدك أو والدتك؟ أكيد بتقولين نعم ، لكن السؤال كيف ؟ برنا فيه جمود يعني بس مقتصر على زيارة أسبوعية ومكالمة يومية وهدية بين فترة و فترة هذا شيء طيب لكن هم محتاجين أكثر من هذا خاصة بعد ما كبروا و أحسوا بفراغ في حياتهم
المطلوب نبي أفكار حتى لو بسيطة ترى تفرق معهم

انا للفائدة أحرص على ما تحبه أمي مثلا تحب أن بنتي الصغيرة يكون شعرها طويل فأنا ما أقصه عشان يرضيها هذا الشيء

نبي ندخل السرور على قلوبهم مثل ما كانوا يفرحونا و هم صغار الحين شوفي مدونة الحياة الزوجية و تربية الأطفال في أي منتدى تلقين الكل يقدم أفكار شلون تكسب زوجها و شلون تفرح أبناءها ……………… طيب أمي و أبوي مو أولى ترى برهم من أسباب دخول الجنة فلا تبخلون بالأفكار حتى لو كنتي متعودة عليها بس غيرج يمكن ما يسوي هذا الشي و الله لا يحرمكم الأجر بس أخلصوا النية لله

يالله ترزقنا رضاك و رضا والديناا ..

الله يخلي لج امج و ابوج و عيالج

بنت الهدى جزاك الله خير