|
|
السلام عليكم ورحمة الله وبركاته…
شلونكم بنات ؟ شخباركم.؟
هذي اول مره انزل موضوع بس انا من المتابعين لكم .. حبيت اني اشكي لكم همي وانشالله انكم اتفيدوني..
انا متزوجة من 3 سنوات وما صار حمل ولله الحمد .. كنا متفقين انا وزوجي بالبداية انأجل موضوع الحمل لفترة قصيرة نظرا لظروفنا المادية .. ولكن اللي صار يا بنات ان زوجي شال الفكرة من راسه وكل ما اكلمه عن هالموضوع يقولي بعد سنة سنتين والحين صارلي 3 سنوات .gif "Eh S(11)")
ما ادري شسوي يا بنات .. حاولت بكل الطرق ..كلمت اهله وكلمت اهلي بس ما في فايده هالموضوع بإيدة اهو ..
انا ما استعمل مانع طبعا بس زوجي امسوي مانع طبيعي يعني لو بعد 10 سنوات ما راح احمل الا اذا ربي اراد طبعا..
احب زوجي واهو بعد يحبني ..
اتمنى المشورة والنصيحةمنكم خواتي عسى ربي يرزق الكل 
عورتي قلبي حاسه فيج
مالج إلاالدعاء بكل سجود ان يسخر زوجج لج ويهدي سره
والله يرزقج بالذريه الصالحه
عسا الله يسخره لج
يعني انتي ماافهمتي منه ليش مايبي
عياااال
حبيبتي ادعي بصلاتج وكثري من الاستغفار بس غريب آمره ريلج منو مايبي العيال ٫٫ !!
مالج إلا الدعاء بقلب صادق والدعاء راح يغير رايه بإذن الله وتلاقينه بروحه ياي يكلمج عن موضوع العيال
الله يرزقني وإياكم يارب
والله اكلمه ويشوفني ابجييييي بعد .. الله يهديه يارب تعبت بس والله تعبت 
كتبي أدعية الحمل على أوراق صغيرة وحطيهم في سيادج ويم فراشج أو على التسريحة…بس مو مكان واضح
يعني يقدر يشوفهم صدفة…يمكن لما يشوفهم يحس إنج تتمنين الأمومة من قلبج
سولفيله عن أهلج أو رفيجاتج توهم والدين…بس لا تحسيسنه إنج محرومة
لما تطلعون وتشوفون يهال مع أهلهم…علقي بكلمة حلوة بسيطة وغيري الموضوع
يعني عطيه إشارات بشكل غير مباشر…وعطيه مجال يفكر
الله يهديه ويرزقج الذرية الصالحة
ربي لاتذرني فردا وانت خير الوارثين