اللي خذت او تاخذ الكلوميد وابر التنشيط

سلام عليكم بنات شخباركم

حبيت اعرف من كل وحده لها تجربه بالتنشيط عن اللي حست فيه بعد التنشيط لاني جربته هالشهر اول مره بس تعبت منه حيل … اول شي خيل يلعب بالنفسيه وياني عوار فضيع بالمبايض وعوار بحلمات الصدر

فيدونا بتجربتكم وجم شهر صارلكم تاخذونه؟

من شهر 9 بديت بالكورسات،، شهر اخذ كلوميد وابرة تفجير واحيانا ابرة تنشيط بعدها التفجير

الحمدلله ماشوف انه لهم عوارض جانبيه ملحوضه والله يكتب اللي فيه الخير ويرزقنا اجمعين

مره اي ومره لأ
انا الشهر اللي طاف وايد اعراض انتفاخ وعوار الحلمات وانتفاخ الصدر والبطن وثقل بالرحم
وهالشهر ولا شي والحين قربت الدورة لااعراض دورة ولا شي
والله يكتب اللي فيه الخير

توكلي على الله وان شاء الله بادرة خير

طبيعي العوارض اللي قلتيها عادي انا مثلج

ربي يرزقنا اجمعين بالذرية الصالحه

انا مه خذيت الابر حسيت بعوار خفيف بالبطن والصدر كان يحرقني الحلمات

انا نفسي اخذها عندي ولد عمره 6 سنوات وحملت وسقطت وبعدين خارج الرحم ومن خلص لي سنه ونص ماحملت والله خايفه والحريم كل ماشافوني ولدك كبير ليه ماحملتي كانه بيدي ولا كله صوب وولدي صوب دايما يقول ماما ليش ماعندي اخوان والله احس بغصه احساس ماقدر اوصفه ابي استخدمها بس خايفه

من لما اتزوجت كل 3 شهور واريح شهر وارجع اخذ

الله كريم

السلام عليكم
أنا هالشهر أول مره آخذ كلوميد
بس ماحسيت بأي أعراض
كنت آخذ مرتين في اليوم

اممممم
نفس العوارض الشكوى لله تحملي
انا كان يطلع لي بقع وحبوب من ظهري من تحت
واستمريت 4 اشهر وقطعت منها لاني تعبت حيل منها وسبحان الله من تركتها يمكن صارلي شهرين او 3 والحمد الله حملت باحلااااا بنووووووته
والحين انا اخذها صارلي شهرين والله يكتب اللي فيه خير
استمري عليها انشالله تفيدج
والله يرزقج ويرزق كل محرووومه يا رب

اهم شي ماتاخذونه 6 شهور ورى بعض مو زين و ثانياً من بعد الكلوميد او ابر التنشيط ديروا بالكم من ابر التنشيط لاتسوي لكم تضخمات بالمبيض ترىىىىىى خطيييييييييييييير يعني نبهوا الدكتوره على هالنقطه لان بعض الدكاتره مايخاف الله و عادي يجيب فيج العيد . !