|
|
حبيت اخذ رايكم بموضوع حيل محيرني ومتعبني
انا صارلي 8 سنين متزوجه وحملت مرتين بس كانو حمل خارج الرحم .. الحمدالله على كل حال
وخلال هالسنين ما بقى دكنور ما رحتله حتى الطب الشعبي جربت وما كو نتيجه ..
الحين قررت اني اسوي اطفال انابيب ان شالله الله يكتبلي الذريه ..بس محتاره عند اي دكتور .. منصور العرف ولا حازم الرميح ولا باتريك !!!
بليز بنات اي وحده مجربه واحد فيهم والله رزقها او سمعت تجربت احد ترد علي ..
عسى الله يكتب الخير والرزق والسعاده والهنا حق اي وحده ترد علي وحتى الي تدش وماترد الله يكتبلها الخير 
ويكتب لج اللي فيييه الخيـــر
انتي قبل كل شي استخيري رب العاللميييين
هو احسن من اي حد 2 تااخذيـن رايهم
وووالله يوووفقج ويرزقج الذريه الصالحه السالمه عاااجلا يارب العالمين ـــ ^^
بس ان شالله اذا كتبلج الحمل مو بيد الدكتور بيد رب العالمين الدكتور عليه يحط البويضات برحمج والتثبيت علي رب العالمين
روحي حق الي ترتاحين عليه وتوكلي علي الله
قبل كل شي استخيري وادعي ربك
انا هالشهر بديت باطفال الانابيب وان شاءالله الاسبوع الجاي العمليه الله يسهل عند الدكتور منصور العرف سمعته زينه وهو شاطر
بس هذي اول مره اسوي واسوي عنده
ترى عنده زحمه يعني لو بتحجزين هالحين اتوقع على شهر سته تدخلين عليه
والله يكتب لك الخير
وانحاشي عن الدكتور باتريك ترى حرامي نصاب
وان شاءالله اكون ساعدتك بشي
+ ناهض حماديه المواساة
+مصطفى تومسو دار الشفا
حبيبتي ممكن سؤال
ليش صار معاج حمل خارج الرحم
وشنو صار لانابيبج
هل هي بخير ؟
والله يرزقج
حطي بداله مصطفى بدار الشفا او فوزية القطان وعسى ربي يكتبلج الخييييييييييير
حطي بداله مصطفى بدار الشفا او فوزية القطان وعسى ربي يكتبلج الخييييييييييير
ماعندي فكره ولا مره سويت حقن مجهري وانشالله محد يسويها وكلنا نحمل طبيعي يارب
الله يكتب لج اللي فيه الخير
اختي اكتبي لنا شنو حالتج عن الانابيب و الفحوصات يمكن نقدر نفيدج
صار الاختيار محصور بين دكتورين وبستبعد باتريك وبستخير وان شالله يرزقني وياكم بالذريه الصالحه
والله معاج