|
|
مرحبا بنات
حبيت انزل لكل وحده شالت هم عقم زوجها سنين واخفت عنه مشاعرها واحاسيسها الحقيقيه تجاه حلم الامومه
بس علشان ما تضايقه او تحسسه بالنقص هذا موضوع موجديد بس انا اشوفه مهم لحالات مثل هذي
وحبيت هالموضوع اكون شامل لكل ما يهم العلاج في امريكا وخصوصا في مستشفى ويل كورنيل
عند الدكتور بيتر شليقل المعروف جدا بعلاج حالات الصفر جمعت لعيونكم كل المعلومات عنهم من الاخوات في بعض
المنتديات ومن موقعهم الخاص عل الموضوع يشمل كل تساؤلاتكم ويحوز على اعجابكم
أبدا معكم في صورة الدكتور بيتر شليقل
وهذي صفحه تعريفيه لدكتور هذي من تعب الاخت الغاليه (( غرابه )) في عالم حواء
https://translate.google.com/translat…x.html&prev=hp
وهوأفضل دكتوربأذن الله
في علاج عقم الرجال و حالات الصفر هو الدكتور بيتر شليقل
وهذا
اسم المستشفى
new york – presbyterian / weill cornell hospital
الخدمات الدولية التابعة لمستشفى نيويورك برسسبتارين/ويل كورنيل
525 East 68th Street, GP1-503
New York, New York 10065 USA
هاتف
4455-746 (212) 1+
فاكس
4777-746 (212) 1+
هذا ايميل الدكتور
وهذه بعض المعلومات من أخت عزيزه في عالم حواء
لا تنسون تدعون لها اسمها
(( غرابه ))
طبعا وحدة عقم الرجال بمستشفى ويل كورنيل تتكون من 3دكاتره و1 عضو منتدب(على حسب معلوماتي) اهم
Marc Goldstein, M.D.
Peter N. Schlegel, M.D.
Darius Paduch, M.D., Ph.D
Philip Shihua Li, M.D.
اثنين من خبراء العقم معترف بهم دوليا ، ودائرة الاستعلام والأمن.
اهمهم الدكتور بيتر والدكتور مارك
نكتفي بالمعلومات هذي حاليا
ووراح ننتقل حق الاعجوبه الطبيه
الاعجوبه الطبيه..هي معجززه من الله سبحانه
وفي مستشفى ويل كورنيل عندهم عدد من المعجزات موجوده بالمووقع مال المستشفى
والمعجزه اللي خذت الترتيب الثالث حصلت مع الدكتور بيتر
اول شوفوا هالصوره
أبطال المعجزه
طبعا اللي عاليمين الدكتور بيتر..صانع المعجزه بفضل الله سبحانه
الرجل :اسامه(صاحب المعجزه)00
المرأه::بولا زوجة اسامه
الطفله:ساره واهي المعجزه
قبل لااقول قصتهم ترا والله تعبت وانا اترجم فهمت بعض الكلمات وبعضها ترجمتها بالموقع
فساامحوووني عالقصور
القصه
اسامه شاب مصري..وصل امريكا سنه 1993
يقود سيارة الاجره الصفراء..وكان يأخذ دروس بجامعة نيويورك
في احد الايام ذهب للأمام وقال انا ابحث عن زوجه جيده
قال له الاامام تعال هنا يوم الخميس الساعه 7مساءا
لما وصل الموعد ذهب اسامه للأمام
قال له الامام انظر الى المرأه الجالسه هناك
عندما رآها اسامه انصدم
وقال ياآلهي هذي المرأه اللتي ابحث عنها
بولا(الزوجه):نحن المسلمون لانتواعد
بعد اسبوع سوف نتزوج ونعرف بعضنا
زهقت وانا اتكلم باللغه العربيه
بترجمها بالعاميه ساامحووني
اسامه:لمدة اسبوع(قبل الزواج) قاعد يفكر يقولها عن مشكلته الطبيه ولالا
وقال اخاف اقولها وافقدها بعدين
واذا ماقلتلها راح تعرف بيوم من الايام
المهم انه توكل على الله و قرر ان يقولهااااااا
اكيد تبون تعرفون شنوو مشكلة اسامه الطبيه
مشكلته ان عام 1999 صار معاه ورم سرطاني بالخصيتين
وقرر الاطباء انه يعطونه جرعات كامله من العلاج الكيماوي وازالة خصيه
طبعا الاطباء قالوا لأسامه ان العلاج راح يقتل معظم الحيوانات المنويه والنتيجه راح تمنعة من الانجاب
وقالوله الحين عندك فرصة للنجاة وانك تعيش والاطفال موشي مهم بالحياة
تعليق ((الدكتور بيتر)):العلاج دمر 95%من الخلايا المنتجه للنطفه في الخصيتين
المهم لما قال اسامة لبولا مشكلته
قالها ماله داعي تعطيني اجابتج الحين
راح اعطيج وقت تفكرين
قالتله بنت الحلال ماحتاج للوقت انا عمري 35 والتقيت رفيق الدرب
والاطفال ان شاءالله راح يأتون لحياتنا باختلاف الطرق
تعليق((الدكتور بيتر)):قبل ان يأتوا الي ذهبوا الي دكتور آخر وقالهم مستحيل يتعالج
بولا:تقول يوم رحنا للدكتور الاول قال
حتى باطفال الانابيب والحقن المجهري مستحيل يصير عندكم اطفال
تقول حييييييييل تحبطت وزعلت
بعدين سمعت عن دكتور شااطر بحالة زوجي وشاطر
اللي هووو يااحلووين ياكويتيات منوو
((الدكتور بيتر))
تعليق((الدكتور بيتر)) يقول اتذكر لما عطوني الشرائح اللي فيها العينه((طبعا بعد ماسواله د0بتير العمليه))حصلواا
حيامن بس قليل
يقول الدكتور الاسلوب اللي نتبعه عن طريق فتح الخصيه واستخدام المجهر والبحث عن اماكن صنع الحيوانات المنويه
نسبة نجاح هالعمليات مابين 10%ال 20%00
بس عندهم بالمستشفى ماشااءالله نسبة النجاح 60%00
اسامه:يقول لما شاف الدكتور الشرائح قال النتيجه اايجابيه
وقاعد اشوف الحيوانات جدامي
اساااامه مومصدق الخبر يقوله دكتور ارجووك تأكد
قاله الدكتور اانا متأكد
وقعد يبجي اسامه
والدكتور قعد يبجي معاه
المهم الدكتور يقول عشان نسوي اطفال انابيب لازم نحتاج مالايقل عن الف
مع اسامه حصلنا عشرات الالاف بس كانت ضعيفه نسبيا
(بنات ركزوا اطفال انابيب يحتاجون عدد معين من الحيامن اما التلقيح المجهري حتى لو حصلوا على واحد يقدرون يسوون العمليه )
بولا:تقول بعد ساعتين من دخول زوجي لغرفة العمليات خرج الدكتور بيتر وقالي
حصلنا عدد جيد من الحيامن
جاااان تقول شكررررراا لك يااارب
تعليق((الدكتور بيتر)) :يقول الحيوانات المنويه اللي حصلناها كانت ضعيفه نسبيا راح تعيش لايام معدوده
وبولا كانت هالفتره تتجهز حق هالعمليه يعني كانت متحضره للعمليه وكان اليوم اللي بعد عملية زوجها اهو موعدها لسحب
البويضات
يعني اشوه انها كانت متجهزه لان الحيامن ماراح تعيش فتره طويله
والحمدالله استخرجوا منها بويضتين صالحين للعمليه
تعليق((الدكتور بيتر)) يقول عاده مانفضل ان يكون عدد البويضات الملقحه مابين 10 اي 12 تكون فرصة النجاح اكبر
اي بنسبة 30%
تقول بولا::نحن نصلي 5مرات في اليوم
لكننا قمنا بالكثير من الصلواااااااات
والحمدالله بفضل من الله تعالي
طلعت ساره على الدنيا بتاريح 23 -11 الساعه 9,37 مساءا
بواسطة الغاليه (( غرابه ))
الله لا يحرمها من الذريه
بواسطة الغاليه (( غرابه ))
الله لا يحرمها من الذريه
سبحاااااااان الله
مشكوووووووووووووره
الله يرزقنا ويرزقكم
والله يعطيج العافية وينولج مرادج انتي وكل الاخوات الي ساهموا بالترجمة او النقل او البحث
وجراكم الله جميعا كل الخير
وربي يفتحها بوجه كل محروم ومحرومه ويرزقهم بلى يسر نظرهم قولوا آمين