|
|
ليش البويضه تطلع فاضية بدون نواة؟؟ تعرفون السبب؟؟؟؟؟؟؟
——————————————————————————–
شلونكم بنات شخباركم
عندي سؤال ومحيرني وحير اغلب الدكاتره ويقولون اني من الحالات النادره!!!!!
تدرون شنو؟؟؟؟
لما اقرر اني ابي اسوي عمليه اطفال انابيب واراجع الدكتور يمشيني على خطه مدروسه من التحاليل وابر الهرمونات ويتابعني بالسونار يشوف حجم البويضه شلونها كبيره والا صغيره وانا ماشيه معاه بالضبط بالعلاج ومنفذه كل كلمه يقولها
والحمدلله كلشي زين وعال العال والبويضه كبيره وكلشي مهيئ لعملية السحب ..
ولكن بيوم السحب لما يسحب البويضه يتفاجأ الدكتور انه البويضه فاضية مافيها نواة!!!!!!!!!!!!!!!!!!
ويوقف مايكمل حزتها من يكتشف البويضه فاضية مافيها شي مافيها نواة من داخل تصير مثل الكيس الفاضي بدون نواة ومايكمل وتنتهي السالفه واصحا من البنج وانصدم بالخبر صارت فيني هالسالفه 3 مرات ورا بعض ولا احد عارف السبب؟؟؟ وبعد مقابلات الدكتور بالنهاية قالي انه حالتج تعتبر من الحالات الناااادرة!!!!!!!!!!!
يعني انا صرت من الحالاات النادره (الحمدلله على كل حال)….
المهم وقررت العلاج بالخارج وسويت عمليتين الاولى تم تلقيح البويضه وانقسمت مرحله اولى ووقف الانقسام بعدها وفشلت
والعملية الثانيه فشلت بنفس المشكله صارت انه البويضه فاضيه مافيها نواة موطازجه.
وللعلم انه اول زواجي حملت طبيعي بولد وولدته طبيعي ولا مشاكل وعمره الحين الله يحفظه لي 14 سنه وبعدها ب3سنوات حملت بتوأم طبيعي حتى بدون علاج وكانت مفاجأة للكل بس ماكملت فرحتى على نهاية الشهر ال6 تعورت وماعاشو لانهم مو كاملين النمو ومن بعدها الى الان وانا احاول بهالعمليات وماكو شي كله يفشلون واخر شي قالولي انتي من الحالاات النادره..
هذي قصتي واللي تعرف شي عن الموضوع او سامعه من احد تفيدني
ولكم كل الحب والتقدير…
والله يرزقنا يا اختي.. ما حبيت اطلع وما ارد عليج
ولا يأس مع الحياة
وبالنسبة لمشكلتج وحدة من صديقاتي صار معاها هالشئ
بس قال لها الدكتور حاولي مرة ثانية
وأنت استخدمي الخلطة الرومية(خليط من السدر والشب والملح وموجودة عند العطار) يجوز معاج نفس واقرئي البقرة يوميا
وزيتي جسمج بزيت مقري
وحاولي تقومين الليل لأنه علاج حقيقي من كل مرض
وعسى الله يرزقج بر ولدج ويرزقج بأولاد وبنات صالحين
وهذا ابتلاء من الله وما يبتلى إلا المؤمن والله إذا حب عبد ابتلاه