للى سووا اطفال انابيب عند مستشفى الصباح او عندهم معلومات تعالوا

السلام عليكم
مرحبا خواتى العزيزات
الله لا يحرمكم وعسى ربى يرزقكم وانا بعد وياكم

بنات انا من سنين فتحت ملف عند مستشفى الصباح وخليتهم ورحت سويت 3 مرات فى مستشفيات خاصة وكلها فاشلة طبعا والشهر للى طاف وانا اتعالج دقوا على وقالوا دورج الحين ..وطاف موعد دورتى هالشهر ..تفتكرون انهم بيستقبلونى ولا بيقولون خلاص دورج راح؟ طيب اذا راجعتت عندهم يسوونلى العملية نفس الخاص بشهر واحد وبسرعة ولا يطلعون روحى علما بانى عندى تقارير من الخاص وعندهم تحاليلى قبل وعندى ملف وتشخصي حالتى موجود وخالص
شرايكم انا مستعيلة وما ودى بمماطلتهم ادرى فى مستشفيات الحكومة الله يرحم حالنا ذبحونا اصلا انا كرهت اجراءاتهم طويلة وتغث
فيديونى ولا اروح خاص بسرعه؟بصراحه ودى بالبلاش ما ودى اتكلف الميزانية راحت فيهاااااااا

حبيبتي روحي الصباح ما تدرين يمكن الخيرة هناك … شيكي معاهم قولي لهم صارت لي ظروف وانا الحين جاهزة بناء على اتصالكم
بس حبيبتي بانصحج نصيحة سمعيها من اخت لج بالله… حاولي تغيرين طريقة تعاملج مع نفسج ومع زوجج …. ترى الريال مثل الياهل لي لقى الكلمة الحلوة والتعامل الحلو يصير لج من ايدج هاذي لي ايدج هاذي … انتي الحين حاجتج عنده وتبين تكملين مسوار الحمل وان شاء الله ربي بيرزقج .. لا تخلين زوجته الثانية تاخذه كله منج … وانتي حاولي تصيرين لطيفة معاه وحبوبة ادري صعبة وفي قلبج غصة بس بالكلمة الحلوة والطيبة تتعدل امورج لاتنسين حبيبتي ان العلاج يبي له نفسية مرتاحة … اذا مو عاجبج كلامي قطيه ورا ظهرج بس صدقيني ما نصحتج الا لاني ابي لج الخير

وعسى ربي يرزقج من اوسع ابوابه ويسخر لج زوجج اللهم آمين

اي نسيت اقول لج انا سويت معاهم محاولة دام دقو عليج معاه ان امورج بتمشي بسرعة واي سؤال انا بالخدمة واكيد خواتي ما راح يقصرون معاج

توكلي علي الله وايد المركز زين مو مثل الخاص بس يدورون الفلوس
الله يسهل عليج

اختي انتي شنو خسرانة قومي باجر الصبح وركضة على الصباح وقوليله انكم داقين علي

وشوفي شنو راح يقولولج

روحى تعاملهم ممتاز واتكلى على رب العالمين الخاص نهبنا

خلاص بحاول انشالله
حمستونى

والله انا تعاملت معاهم الصراحه خوش مركز و الستاف اللى موجود من دكاتره ومن ممرضات كلهم الصراحه حليوين ومعاملتهم واااايد حلوه ونفسهم حلوه وانا سويت عندهم مره واحده الشهر اللى طاف بس ماصار نصيب ويمكن احاول مره ثانيه والله كريم
فتوكلى على الله وروحى لهم مو خسرانه شى وكلهم الصراحه سبب والرزق من الله ومن احد