استفسار يا أصحاب الخبرة في أطفال الأنابيب

شنو معنى أجنة من الدرجة الثانية والثالثة ، وليش صارت غير صالحة للترجيع ؟
وإيش الحل للبويضات الغير مكتملة النضج ، هل فيه عسل أو ادوية معينة تساعد على انتاج نوعية جيدة من الكروموسومات
وعسى تكونون فهمتوا اسئلتي ؟
وجزاكم الله خير

والله ماعندي اي فكره ::
وعسى ربي يرزقج ويرزق كل وحده بالذريه الصالحه اللهم امين

والله الي اعرفه ان لما يسحبون البويضات يحقنونهم بالحيوان المنوي يتابعون البويضات الملقحه لمده 27 ساعه تقريبا ويشوفون انقساماتها والاجنه الي تكون انقساماتها وايد وبحجم معين يكون نوعها من الدرجه الاولى يعني ممتازين والي اقل درجه ثانيه ووواقل.. والاجنه الي من الدرجه الاولى هي صالحه للتعلق بالرحم والنمو..
وفي عسل بمعجزه الشفا وايد زين حق التبويض واخذي فوليك اسيد و اميغا3 وايد مفيد حق نمو البيضه واكلي مكسرات وخاصه الجوز والميراميه بعد وايد مفيده حق التبويض..
الله يوفقج حبيبتي ولا يضيق خلقج الخيره فيما اختاره الله وماتدري شالخير الله يسهلج امورج والمره اليايه يصيرون اجنتج كلهم ممتازين ويقر عينج فيهم يا قادر ياكريم يارحيييييييم

الأخت jomana ما قصرتي حبيبتي كلامك صحيح أنا لمن عملت العملية سحبو 18 بويضه تلقح منهم درجة أولى 5 بس والباقي صارو درجة ثالثة ورابعه يعني غير صالحين للإرجاع وأفضل شيء لتقوية المباض شرب الميرامية الدكتورة اليوم قالتلي عنها مفيدة جدا جدا جدا

الله يوفقك حبيبتي

الكلام الي قالولج الخوات صحيح انا صار فيني نفس الشي طلعت 18 بويضه بس ولا وحده من الدرجه الممتازه بس 9 صالحين بين الدرجه الثانيه والثالثه بس ما صار حمل اكلي عسل وقت التنشيط واكلي حبوب رويل جلي يساعد على جوده البويضه وفولك اسيد والله يوفقج يااااااا رب وان شالله المره اليايه ثابته وترزقنا كلنا يا رب

شكرا لكم كلكم على تفاعلكم والله يخليكم لي

انا اول مره اسمع ان الاجنه من الدرجه الثانيه والثالثه غير صالحه للترجيع
الله يوفقج يارب

بنات انا لما سوتها ردولي بويضتين اظن ولا وحدة درجو اولى او وحدة بس زبنة انا اصلا ما كنت اركز خليتها على الله والحمدالله يبت احلى بيبي الحمدالله
الله يرزق كل المحرومين آمين

اللي اعرفه ان الاجنة درجات كلما صارت انقساماتها من 8 خلايا وفوووق تعتبر من الدرجة الاولى واذا اقل اكيد من الثانية وكلما قلت الانقسامات تقل درجة صلاحيتها ..

حبوبة كثري من شرب الماي والعسل والله يرزقج يارب

اللة يارزقج يارب . ويرزقنا ويفرح قلوبنا

ياربي الله يسهل علينا يارب ويصير عندي لو بيضه من الدرجة الاولى يارب

خواتي البويضات من الدرجة الثانية يرجعونها بس مادري عن الدرجة الثالثة
ويمكن يصير منها حمل ان الله على كل شي قدير

الدكتور قالي الدرجة الثانية والثالثة مانقدر نرجعهم ولا نجمدهم

الله يرزقنا عاجلا غير اجل
ولا يخسرنا

سبحان الله ماعلى شي بعيد بس اهم شي يكون عندج يقين ان الله هو الرازق

وكثري من الاستغفار وداومى على سورة البقره … والله بيرزقج ان شاءالله واليوم الجمعه وتحري ساعه الاستجابه واطلبي ربج فيها