|
|
[CENTER]السلام عليكم
بعد ما قريت موضوع وحدة من الأخوات ان ريلها عالج عند ابو محمد البناي واحملت بعد الحجامة ،، اقنعت زوجي بمشقة
وراح عند البناي وما قصر معاه الشيخ وعلاج كورس كامل ،،
قبل بدء العلاج زوجي حلل وكانت النتيجة few يعني عدد جدا قليل من الحيوانات المنوية
وبعد العلاج طلعت نتيجة التحليل معاه نفس الشي بدون زيادة او نقصان 
ظليت ويا زوجي في احباط وحيرة ،، وحاولت ما ابين لزوجي بالعكس قلت له انا ما ابغي عيال وما ابغيج تتعالج ، وخلها على الله والحمدلله راضيين بأمر الله
سؤالي أخواتي في أحد عالج عند ابومحمد وما حصل النتيجة من أول مرة ؟؟؟
هل يحتاج بعد حجامة ؟؟؟
انزين اللي ما بين مع زوجها من أول مرة ، متى بين معاهم ؟؟؟[/CENTER]
أخواتي انا وايد تعبانة لتعب زوجي وما ابغيه متضايق حاليا يقول لي برجع للعلاج وأشوفه متضايق بس يحاول يكابر
وما قصرت عيوني على الدعاء الطيب والله يرزق كل محروم
فانا زوجي كان مسوي تحاليل شامله بمبارك وطلع كل شي عنده سليم ماشالله ماعدا تحليل الحيوانات المنويه اطلعت صفر
فلما حجم الحمدلله نفع معاه وكان يستغفر اكثييييييييييييير
لاكن انتي المفروض زوجج يسوي تحاليل شامله يمكن يكون عنده خلل بالهرمونات او الغدد وهذي علاجها سهل باذن الله خليه يرح مستشفى مبارك عند دكتور سهيل الهندي او وليد الضاحي وان شالله بيعطونه اعلاج ايناسبه بعد ما يسونله تحاليل شامله
لان عمليه الحقن المجهري يسونها لو بحيوان منوي واحد.
مشكورة أختي على الدعاء الطيب حبيبتي والله يرزق كل محروم
Coffee-Girl
هلا أختي ، والله يقومج حبيبتي بالسلامة ، ونعم موضوعج شجعني وشجع زوجي على الحجامة والعلاج عند ابو محمد ،،
وأختي زوجي عمل تحاليل شاملة والحمدلله زوجي ما يعاني من غدد أو مشاكل ثانية ، بس الحيوانات المنوية عنده قليلة جدا .. وقريبة من الصفر ،وطلعت النتيجة نفسها بعد الحجامة .
فكنت اتسأل هل في أحد مثل زوجي ويمكن يحتاج لفترة من العلاج بالطب البديل .
أم حمود مشكورة على المرور لكن زوجي رافض حاليا العلاج في المسشتفيات ونتأمل يزيد عدد الحيوانات المنوية ونبدأ بعلاج المستشفيات
نعومة حبيتي الله سبحانه وتعالى زرع الأمومة في قلوبنا وعارف مدى احتياجنا للطفل نشبع فيه أمومتنا وان شاء الله كما رزق سيدنا زكريا عليه السلام يرزقنا جميعا بطفل تقر به أعيننا ولا يحرم أحد
ماي الورد الله يرزقج بالطفل على غفلة ويفرحج يارب ويسعد زوجج وتكتمل حياتكم بطفل يجري بينكم يارب
بس الله يرزقج ويفرح قلبج
ويشفي زوجج يارب
وعليج بالاستغفار
وانتي حاطه راسج عالمخده بتنامين استغفري لين تغفين
واقري الفاتحه 7 مرات
وان شاء الله مايصيرلج الا كل خير