|
|
شلونكم بنات شخباركم عساكم بخير
هذا اول موضوع لي الصراحة احس مليت من كثر التفكير وضيقت الخلق بس خلاص يا بنات خل نتفائل لازم كل وحدة اتشجع الثانية ونقول الله كريم ربنا كلنا بيرزقنا بس بيشوف كل وحدة وصبرها شلون في ناس ما تتحمل وكله تبجي وناس ساكته بس قامتة بقلبها ليييييش كل هذا احس هموم الدنيا بهالقسم ليش ما نتفائل وكل وحدة تشجع الثانية ونقوم الحين نصلي ركعتين لله ونقرا سورة يس ونقول الحمدلله على كل حال كافي هموم وكافي بجي وكافي نفكير يلا كل وحدة تشجع الثانية ونشوف نفسيتنا شلون راح تصير انا صارلي سنة متزوجة وماعندي عيال وقول الحمدلله على كل حال ريلي مطلق وعنده ولد وكل يوم خميس اييب ولده يشوفه يحز بخاطري وامسك نفسي علشان ما ابجي بس داخل قلبي ودي اصرخ ليش اشوفه يلاعب ولده وانا ماعندي واقول الحمدلله على كل حال تمنيت يكون عندي ولد ولا بنت علشان نفسيتي ترتاح بس ليمالحين ماصار شي والناس الله لايوريكم مايخلونا بحالنا(هوو اشفيها ليمالحين ماحملت خل تراجع) حسبالهم اني طاقة الدنيا بالطوف و مومهتمه بس نفسيتي زفت بزفت تعبت احس دايما اقص على روحي واضخك واسولف واول الايام بزواجي كله مسوية جو ومن احسن مايكون بس داخل قلبي افكر بالضنا والله يهداه ريلي يقول يلا متى جنج تاخرتي اقوله والله مو بيدي بيد ربك ويسكت يقولي متى يصير عندنا الضنا نبي نلمه نبي نبوسه ونحس فيه مايدري بكلامه اني اتقطع من داخل قلت بس خلاص مابي افكر ومابي اراجع لان راجعت وقالولي مافيج شي والحمدلله وامي طول الوقت ماسكة علي ضعفي وبتحملين بسرعة اللي يقول الحين انا مثل شعبان لا والله يا بنات انا كنت قبل لا اتزوج 60 والحين صرت 70 بس انا طويلة ومو مبين علي المتن والكل يقولي ضعفي ولما سالت الدكتور يقولي ماله شغل الوزن بس بس بس بس بس انا خلاص من اليوم ورايح ببدي اتفائل وماني مفكرة وطول اليوم بحمد ربي ابي الكل يتفاعل معاي وحدة تشجع الثانية والله يا بنات حتى طبيات اخذ واجازة ورصيدي بيخلص والسبة مالي خلق اداااوم يلا نبتدي يا بنات والله يوفقنا جميعا باذن الله سوووووووووووري طولت عليكم بس والله مو مني من النفسية ويعطيها الف عافية كل اللي تبدي بالتفاعل والتشجيع معاي 
تفائلي وداومي وغيري جو النفسيه تاثر
وان شالله كل وحده بهالقسم نسمع خبر حلو
عنها وانها حملت والله رزقها باللي تتمناه
الللهم لا تذرني فردا وانت خير الوارثين
|
المشاركة الأصلية كتبت بواسطة m.a.m154
 انا قررت اهد الدكاتره وبرتكي عالاعشاب ويمدحون عصير العنب والاناناس
|
مشكووورة حبيبتي ماقصرتي على ردج والله يعوضج خيييير يارب واليوم كنت عند الحواي قالي ماكو احسن من زيت الحبة السوداء تحطين قفشة وحدة من الزيت مع العسل او مع الحليب وتشربين كل يوم لان في فوايد واايد انتي وزوجج تشربين وانشالله انا بعد بجرب هالطريقة وانشالله خييييير يارب
والناس كلو قلبي اول شي كنت ازعل وارد البيت ابجي
بس الحين خلاص صار عندي مناعه يعني شرفت رفيجتنا
الدورة وانا عادي ماكو احساس شسوي ما بيدي غير الدعاء
عسى ربي يرزق بنات هالقسم كله بنفس الشهر ويشيلون هالقسم نهائيا
ماكو شي بعيد على رب العالمين
و من ضمن أفعاله سبحانه : تأخر الانجاب
خلنا نستفيد من هذي الفترة اللي ما حملنا فيها إن نصلح ما بينا و بين الله.
و إذا حملنا نسأل الله ما يجعلنا نبطر و ننسى نعمته
لأن نسأله الثبات و الزيادة من الطاعة
الحكمة بس في الطاعة و عبادة الله بالسراء و الضراء
و الله إن فهمنا هالحكمة و طبقناها عدل ، كل شي حلو راح نحصله
هذا ابتلاء من الله وان شاء الله انا من الصابرين
الله يكتبلنا الي فيه خير ويرزقنا بالذريه الصالحه اجمعين
الله يرزقنا كلنا ويكتبلنا الله فيه الخير وخلونا نحاول ننسى الحماله وراح نحمل باذن الله
ياربي تبشرنا بالخير
ياربي لاتحرمنا من الحمل
صارلي ليلحين سنه و8 شهور والحمدالله على كل حال ولا مرة حملت
ولهت على شوفة الضنا
أحس ان حياتي ناقصه
أشوف اللي قبلي واللي عقبي تزوجوا حملوا وولدوا وانا بعدي
اتييني أيام أبجي وأحرق بنفسي أكثر لما أحس ان ريلي وله عاليهال بس بعد عمري ما يبين لي وكله يقولي تو الناس بس أحس فيه كلامه وتصرفاته تفضحه
بس الله كريم
واللي رزقهم ماراح ينساني ان شاء لله وبيرزقني بالضنا
وانا متفاءله لاني ما يأست من رحمة ربي
"ربي لاتذرني فردا وأنت خير الوارثين"