|
|
السلام عليكم ..
احبائي بنات المنتدى الله اعلم اني كنت اعاني بروحي و محد حاس فيني و ماعندي صديقات و لا اقدر اتكلم او اشكي بهلموضوع ….بس الحين عندي انتو والله اني استانس لما اشوف ردودكم و وقفتكم معاي و حبيتكم و انا توني اعرفكم انا عضوه يديده اشتركت مخصوص حق هالموضوع و الباجي وناسه .
بنات الدكاتره كلهم قالو لي ان نسبة الحيوانات المنوية عند زوجي صفر
و السبب عدم وجود قنوات لها عشان جذيه السائل المنوي خال منها
الحل هو اذا سوينا طفل انبوب لازم وقت سحب البويضات مني هو بنفس الوقت يسون له عملية سحب حيوانات منوية ….تخيلو كل مره نروح ندش انا وياه و نسوي عملية و نطلع تعبانين حدنا نكسر الخاطر
بس الحيوانات المنوية اللي يسحبونهم يقولون لي شكلهم زين و يصلحون للتلقيح فانتهينا من هالمشكلة
اكتشفنا شي يديد ((زوجي حبيبي عسى الله ياجرنا انا وياه)) عنده موروثات جينية المفروض ما تكون موجوده عند الانسان العادي
هذا الشي اللي معقدني و اللي معقد الدكاتره ،، يقولون اللي يحمل هذا الموروث لازم يكون مشوه او ما يصير حمل فيه شلون امه حملت فيه سبحان الله كل من مستغرب و خلونا نعيده فوق الاربع مرات.
الحين عشان جذيه ضروري عقب ما يلقحون البويضات يكشفون عليها بجهاز ليزر و هو نفسه اللي يستخدمونه حق فحص الاجنة اذا ولد او بنت…يفحصونه اذا الاجنة ملوتنا يحملون نفس جين زوجي يقطونهم و اذا ما فيهم شي يحطونهم لي في عملية ترجيع الاجنة و بس سلامتكم ..حبيت اعرف اذا في احد نفس مشكلتي
طلبت علاج بالخارج بحجة ان زوجي حالة نادرة و رفضو طلبي من قبل و الحين ما ادري اقدم مره ثانية عقب ما فتحو الباب حق العلاج بالخارج و الا لأ انا صار لي 10 سنين متزوجه و داشة بل 11 سنة
انا واايد اسمع عن حالات ريلج يقلبي لا تحااتين اكيد فيه علاج وربج كبير وخلي املج بالله كبير
انا امي تأخرت 9 سنين وماشالله ياابت 6 غير الي طيحتهم
ردي طااردي حق علاج برا تري الكويت خرطي مايعرفوون كووعهم من بووعهم
ياعمرى احتسبى الاجر ان شاء الله بيعوضج خير 000 وصدقينى ما فى شى بعيد على الله 000
عسى الله يرزقكم من اوسع ابوابه عاجلا غير اجلا اللهم امين يارب 000 ويفرح قلوبكم بالذرية الصالحه اللى تقر عينكم وتفرح قلبكم وتبر فيكم اللهم اميييييييييييين يارب
ثقى بالله بانه بيرزقكم وتوكلى عليه يلى عينه ما تنام وان شاء الله ما تمر هالسنة الا وانتى حامل حمل سليم معافى اللهم امييييييييين يارب
وعسى الله يرزقج ويرزقنى ويرزق كل محروم ومحرومه منهم اللهم امين يارب
وان عجز الطب فلن يعجز الرب
حبيبتي خلي زوجك يتوكل على ربه قبل كل شيء لإنه الوحيد يلي عالم بما لا نعلم روحو لأكتر من دكتور وقدمو على العلاج بالخارج مره واتنين وعشرة وعسى الله يرزقكم بالقريب العاجل من واسع أبواب السما
يا رب يا كريم يرزقكم بالضنى الصالح و يكبر على الطاعة
الله يشافي ريلج ان شاء الله ويرزقكم الذرية الصالحة … قدموا مرة ثانية للعلاج بالخارج … واهني حاولوا اتراجعون اكثر من دكتور عشان اتشوفون اذا كلهم يتفقون على التشخيص .