بعد فشل عملية طفل الانابيب شنو المفروض اسوي ؟؟

المستشفى ماقال لي اي شي يعنى اسوى تنظيفات والا راح ينزل بروحه اخاف بعد كم شهر يقولون الرحم فيه شي والله العالم وكم يوم راح ينزل دم يعنى مثل النفاس 40 يوم والا دوره عاديه فيدوني الله يرحمنا برحمته 0 اليوم صار لى 9 ايام من نزول الدم 0

لا ياأختي مايحتاج تنظيفات لأنها تصير مثل الدوره

الله يطمنك بالخير ونشوف بعد راي الخوات اللى مرو بالحاله هذى

عزيزتي بدون هوية الله يجبر بخاطرنا يا رب ويرحم ضعفنا انا في العمليتين السابقتين عملت تحليل وما طلع فيه نسبه للهرمون فهديت كل شي وتصرفت طبيعي انا مع زوجي وثاني يوم نزل معاي دم وبعد اربع ايام جاني عوار شديد جدا لدرجة اتشنج من شد الالم واحس بحاجة واقفة بتنزل وبعد الالم ينزل معاي قطعة طويلة ولونها يشبه الكبدة وما هي دم ابدا تخيلي انا متأكدة انه كان حمل بس ما ادري ليش النسبة كانت عندي اقل من 2 الله يعوض اما المرة هذي اول مرة تجيني الدورة قبل موعد التحليل بصراحة انا ما رحت احلل وزوجي لا زال عنده امل
بالنسبة لوضعك عزيزتي اشربي عنزروت اذا كان الجنين سليم ممكن عزيزتي ما ينزل ويرد يرتفع وينمو مرة ثانية خلي املك بالله من خلق من العدم والله ما تعجزه نطفة ان يحييها باذنه اما اذا كان وضع الجنين مو سليم بينزل كله والعوض ياي بالطريق باذن ربي
اختي بدون هوية ايش خططك الجاية انا محتارة عند اي دكتور اروح

لا مايحتاج تنظيفات …لانج نفس حالتي بالضبط ولا سويت تنظيفات وكانت دورة عاااااااااااادية جدا……ونصيحة غيري باترك ترا ويهه بس يسد النفس….رووحي عند فوزية عسى الله يكتبلنا الحمل على ايدها…..يااااااااااااارب

خلي المثبتات
وراح تنزل الدورة عادي
الله يرزقنا ولا يخيب تعبنا
بصراحه
ارهاق نفسي فضيع الله ياجِرْنا

لا مايحتاج تنظيفات ولا شي
تنزل الدورة عادي عقبها وتطهرين

ربي يرزقج عاجلا غير آجلا ..

جربي د.ناهض بمستشفى المواساة وربي يرزقج على ايده شاطر يهبل اقري ملفي عن تجربتي معاه

ما يحتاجد تنظيفات
جربي فوزيه القطان وااااااايد يمدحونها والله

الله يوضج يااارب خير وتوأم بعد قريب ياارب

ماتحتاجين تنظيفات ولا شي مدامنزل دم خلاص تنزل عليجدوره عااديه

ورووحي لفووزيه القطان ماراح تخسرين شي

انا قالو لي واقف النبض من تاريخ 27-7

كان لي شهرين تقريبا من الانابيب

وما نزل الدم الا في 22 -8

وسويت تنظيفات لانه كان ينزل وااااااااااااااايد وخفت حدي ورحت العدان وسوولي تنظيفات ثاني يوم

الله يعوضنا يا رب ويتمم صبرنا بخير وفرح اللهم امين

والله انا مااقدر افيدج لاني ما استعملت الاشياء اللي قالو عنها الاخوات لاني خوافة وكله ركض عالطبيب ههههههههههههههه

الله يسهل امورج ويرزقج بالذرية الصالحة

رحت اليوم عشان بسئله بس ليش قالى لى الحمل عندك 18 مبروك حامل بعدين قلتو لى مافيه حمل كانت عنده دكتوره منى الشرهان قالت لا ماكان فيه نسبة حمل يالله شتقولون بالله لهم بعدين تقولى انتى كبيره وايد فالدكتور يقولك لا طوفين لحظه العمر يركض ريحين شهرين وتعالى نعيد لج العمليه او نسوى لى تلقيح صناعى ليش ما فحصتو اذا الانابيب عندى مسكره ولا لاء قالت ماله داعى بعدين انتى مو مسويه عمليات شنو اللى سكر الانابيب عندج

كل الواحد يعطى كلمه من صوب والخيره فيما اختارها الله سبحانه وتعالى

انا اللي اعرفه انا الحقن المجهري واطفال الانابيب حق اللي عندهم اسم الله عليج انسداد بلانابيب
يعني اذا فيج ولا ما فيج ما يهم

الله يعوضج حبيتي

ويرزقج بالذريه

السلام عليكم يا أخواتي أنا سويت عملية طفل الأنابيب عند دكتور مصطفى تومسو بدار الشفاء وفشلت والحين سويتها مره ثانيه بس بغيت أسأل أحس بألم الدوره وكأنها راح تنزل بس ماكو هل هذا طبيعي أو إنها راح تفشل العمليه للمره الثانيه ؟ فيدوني جزاكم الله خير

بدون هويه الله يعوضج قريب انشاء الله

اختى اعراض الحمل نفس اعراض الدوره ارتاحى سوى تحليل حمل والله كريم ويرزقج

ربى لاتذرنى فردا وانت خير الوارثيين