كلوميد يزيد الوزن

السلام عليكم

أكو شى معقدنى انى بس آخذ الكلوميد وزنى يزيد تقريبا 5 كيلووات وشهيتى تصير شى موطبيعى امشى وآكل هالشهر عطتنى الدكتوره كلوميد آخذ حبتين باليوم لمدة 5 أيام وآخر شى ابره التفجيريه الحين نفسيتى تعبانه متنت وايد حتى النفس صعب واحس بضيجه والله من الصبح كل شويه ابجى شويه احاتى وزنى واحاتى الحمل
استغفر الله استغفر الله استغفرالله

تحسون مثلى ولابس انا جذى

انا توها وصف لي الدكتوره كلوميد بس مو عارفه شنو سالفته
و شنو فايدته ادكتوره امس ماطمنتني تقولي عندك تكيس مبايض خفيف

لايخرعونج ماعليج منهم ترى عادى وقت الدوره تطلع اكياس صغيره وتروح بعد الدوره انا مره جذى خرعونى طيبه كلينك دكتوره مصريه مااعرف اسمها نادت لى الدكوتور صلاح جان يزفها قالها وقت الدوره عادى اذا بتتأكدين سوى سونار بعد الدوره

الله يطمن قلبي ويطمن قلبج ونحمل انشا الله

اي يمتن وايد بعد مو شويه ..

والله يعينج

انا زدت تقريبا 40 كيلو منه اهوه وابر المونيغوون

انا عن نفسي….احس اني زايده حيييييييل..ولما اخذ الكلوميد…أحس اني ثقيله….ومنغثه…
الله يعين..ويعوضنا خير انشالله….

اييي يمتن انا زدت منه واااااااااايد و صار فيني تكيسااات بعد منه

و بعد شتسوين لازم هالضراااايب

اعرف وحده حيييل متنت من الكلوميد
بس ترى في انواع ثانيه بنفس مفعول الكلوميد
فإذا تحسين ان الكلوميد يتعبج طلبي من دكتورتج نوع ثاني
انا دايما تعطيني الدكتورة حبوب السيروفين اصلا طعمها احسن من الكلوميد

والله انتي نفسي انا بعد صايره اكل بشكل مو طبيعي واحس نفسي زدت حيل الله يرزقني انشالله قبل لا ازيد اكثر لاني فعلا نفسيتي تعبانه من هالابر والحبوب وزيادة الوزن لانه من عمري وانا اسوي ريجيم واخر شي هالحبوب والابر عفستني وزادتني ميته قهر والله من هالموضوع

يعن صج يمتنون وسبحانه الله النفسيه تتعب احس ببجى ومقموته شنسوى يارب الأمر بيدك يارحيم

قبيطه خليها على الله انا مفكره اوقف الحبوب والابر الشهر الياي اذا ما حملت لانه ما ابي الكارثه تصير كارثتين انا صايره من اخذتهم فيني اكتئاب واحباط وعدم الثقه والله وراح احاول اعالج من غير لا اخذ هالاشياء لاني تعبت حيل منهم والله كريم والله يرزقج ويرزقنا

بعد عمرى المشكله انه لازم ناخذهم قبل اى علاج يعنى الى يقهرنى انه انا الحمدلله بويضات عندى طبيعيه بس سبحانه الله

الكلوميد يمتن اي بس انا لما كنت اراجع دكتورتي تقولي شي نسبي يمتن مو وايد يعني وقالت لي كثري من شرب السوائل وعلى فكرة انا الكلوميد ماحبة حتى بعلاجي الحين اقول حق دكتورتي كتبيلي شي غير الكلوميد

انا قبيطه انا بعد مثلج اللي حار قلبي انه كل شي عندي طبيعي وقاعدين يعطوني هالعلاج بس شنسوي الحمدلله على كل حال لازم نسعى والله يرزقج انشالله ويرزقنا