|
|
بسم الله الرحمن الرحيم
الى كل الاخوات الفاضلات : نبي من خلال الموضوع هذا نناقش مع بعض خبراتنا حول موضوع العلاج اللي نستخدمه للحمل ؟ وكم مدة الاستخدام ؟ وشنو الآثار الجانبية اللي حسيت فيها ؟ وهل سبق وان أتى العلاج بنتيجة حمل بعد الاتكال على الله سبحانه وتعالى ؟ وكم الفترة اللي دكتورتج او دكتورج يريحج أو حتى انتي تريحين روحج فيها ما بين الدورات ؟
وراح ابتدي أنا اول :
مدة العلاج : سنة تقريبا
اسم الأدوية المستخدمة : كلوميد أول شي بعدين أبر منشطة اسمها ميريونال+ حبوب ستروفين ( نفس مفعول الكلوميد بواقع أبرة واحدة يوميا من ثاني يوم بالدورة الى اليوم الثامن لمدة 8 شهور (( شهر أبر وشهر ترك بدون علاج أريح على كلام الدكتورة ))
وآخر شهر اللي اهو 8 اللي طاف استخدمت عطتني الدكتورة نوعين أبر وحدة بالظهر ووحدة بالمساء
وأسمها مينوبيور + أبر بيورجون
حدوث حمل او لا : ولله الحمد على كل حال ولا مرة صار حمل خلال فترة العلاج
الآثار الجانبية اللي حسيت فيها : انتفاخ واحتقان في الثديين واذا صارت الدورة تاتي غزيرة
وهذا اللي عندي وابي كل الخوات يشاركوني عشان تعم الفائدة وضروري تقولون كم الفترة اللي تريحون فيها ما بين الدورة والثانية وان شاء الله ربي يرزقنا جمعييييييييييييييين ودمتن
علي حسب يعني علي مزاجي وحالتي الماديه لان أراجع خاص وخذيت شهر بس كلوميد والشهر الثاني مثل علاجج
وشنو الآثار الجانبية اللي حسيت فيها ؟
زايده بالوزن
وهل سبق وان أتى العلاج بنتيجة حمل بعد الاتكال على الله سبحانه وتعالى ؟
لا الحمدالله علي كل حال
وكم الفترة اللي دكتورتج او دكتورج يريحج أو حتى انتي تريحين روحج فيها ما بين الدورات ؟
الصراحه أنا مهمله أول شهر
يستجيب العلاج بس الشهر الثاني ما أراجع وأريح كل 5 تشهر
نوع العلاج كلوميد وابر ومثبتات وبروجستون مال التبويض
وشنو الآثار الجانبية اللي حسيت فيها ؟
وزني زاد حيل حيل والنفسيه لج عليها
وهل سبق وان أتى العلاج بنتيجة حمل بعد الاتكال على الله سبحانه وتعالى ؟
لا ولله الحمد
وكم الفترة اللي دكتورتج او دكتورج يريحج أو حتى انتي تريحين روحج فيها ما بين الدورات ؟
انا اريح نفسي اذا حسيت اني كثرت ادويه ماروح لدكتوره هالشهر مااكلت ولا حبه ولا شي
والله كريم
يلا يا حريم وينكم ودمتوا
السنتين الاول كنت اخذ كلوميد شهر شهرين وبعدين ارتاح شهرين وهكذا …
السنه الاخيره كلوميد وبعدين ابر مينوغون وبعدين ابر جونال اف مع كلوميد
ماصار حمل ولامره والحمدلله عى كل حال
الاثار الجانيه زياده وزن ونفسيه زفت
اللهم لااعتراض
مدة العلاج الكلوميد والابر صارلي 3 شهور بس مبلشه
والجلوكوفاج من شهر ابريل اللي طاف الاعراض الجانبيه بشرتي اختربت شعري يطيح
والنفسيه مرة فوق فوق ومرة بالحضيض ولله الحمد
للحين ما اخذت بريك من العلاج ومصرة استمر والله كريم
وهل نزل وزن وحدة فيكم بسببه والا لا ودمتن
نوع العلاج = ابر ميرنال في العضل 8 ابر يوميا من 8 الى 11
وشنو الآثار الجانبية اللي حسيت فيها ؟
الم في المبيض وتضخم في الثدي
وهل سبق وان أتى العلاج بنتيجة حمل بعد الاتكال على الله سبحانه وتعالى ؟
للحين لا الحمدللة على كل حال
وكم الفترة اللي دكتورتج او دكتورج يريحج أو حتى انتي تريحين روحج فيها ما بين الدورات ؟
مافي راحة لاني ارتحت بما فية الكفاية والحين حان وقت السعي عن المراد