|
|
انا خذيت قرار نهائي انى ماراح ادخل هذا القسم من المنتدى او قسم الحمل والولادة وراح اخلى كل شى على رب العالمين
لانى فعلا تعبيت وحياتى توقفت ونسيت نفسي وموفبالى غير الحمل …. وموعد الدورة ….. وموعد التبويض …… والحبوب والابر واوقات الدكاترة ……وتنقلى بين المنتديات الى جانب العيادات ابحث ان اى طريقة تساعدنى بالحمل او اى وسيلة تساعدنى على الحمل بالولد بعد الله عز وجل
وصار لى على هالحالة خمس سنوات
وشلى صار فينى فلوسي ضيعتها على العلاج والتلقيح والابر والحبوب ونفسيتى تعبانة مالى خلق اكلم احد ….حطيت الحرة بزوجى ربي يخليه لى ويطول بعمره اللهم امين….. بشرتى تعبانه ..شعرى تنتف …. وصلت الى مرحل من المتن عمرى ماوصلت لها
وهذا كله بس التفكير
والحين قررت انى اتجه للله سبحانه وتعالى وانسى فكرة الحمل واحمد ربى واشكره على انه وصلنى الى هذى المرحلة والى هذا القرار وابى التفت لنفسي ولزوجى واذا الله كاتب لى شي انشاالله يحط لى الاسباب امامى وبسهوله بدون لااكلف على نفسي او على زوجى
واذا الله موكاتب لى الحمد لله الف مرة ويمكن يكون لى خيرة…. فعلا السنوات تمشي ابى اعيش حياتي
يارب يارب يارب تثبتنى على موقفى انك سميع الدعاء
واخيرا لى من كل وحدة تدخل تطلب من الله يثبتنى على موقفى ويرزقنى من رزقه ويرزقنى بالحمل بالولد الصالح المعافى بدون اى تكليف او تعب
وادرى كل وحدة راح تعلق على الموضوع ارجو منها انها تسامحنى انى ماراح اقرا ردودها او اشكرها على دعائها لى
ولكن وعد..وعد…وعد منى
انى راح ادخل وارد على كل وحدة فى حالة اذا الله اكرمنى وحملت وانتم اول ناس راح تعرف
والحين اودعكم الى لقاء قريب باذن الله
عسى الله يرزقج ويرزقنا كلنا بالذريه الصالحه
ويأثر على صحتج
خلي كل شي على رب العالمين وتوكليه على الله
ماخاب من توكل عليه سبحانه وتعالى
وكثري من الاستغفار
وعسى الله يرزقج الذريه الصالحه
السليمه المعافى
عاجل غير آجل يارب العالمين
بس حبيبتي ماقلتيلي شنو سبب تأخر الحمل؟
ووين سويتي تلقيح
وان شالله ياااااااارب تحطين الشهر الياي موضوع تبشرينا فيه بالحمل 
فعلا انا التفكير يذذذذذبح ويأخر الحمل سبحان الله والله كرييييييييم
عسى الله يثبتنا ويرزقنا
ولدج يم يارب ارزق فن وارزقنا يارب
بس جد ودي أتركه بس مو قادره
وأنتي زين تسوين بالعكس ماراح ترتاحين إلا ليما تتركينه
الله يثبتج بالقرار اللي اتخذتيه
وعقبالي يارب
وعسى الله يرزقج بالحمل عاجل غير آجل يااااااااااااااااااااااااااارب
شوفينا احنا بعد محرومات ماسوينا باعمارنا اللي سويتيه بنفسج ما وقفت حياتنا صج في لحظات ضعف بس الحمدلله لحظات القوه والامل اكثر
ماله شغل المنتدى وغيره انتي قوي ايمانج برب العالمين
لا تحطين قسم تأخر الانجاب والحمل الولاده شماعه ليأسج وضعفج
بالعكس لازم تكونين اقوى من جذي
وانا اعارضج بشده مو عشان متي داشه هاللاقسام لا بالعكس هذي حريتج الشخصيه وحياج الله سواء بقيتي عندنا ولا لأ
انا اعارض فيج اليأس من رحمه الله قوي ايمانج بالله اكثر من جذي وصدقيني ماراح يأثر فيج لا قسم تأخر الانجاب ولا راح يأثر فيج قسم الحمل والولاده
وهالكلام اوجه مو لج انتي بروحج لا حق كل البنات اللي نظرتهم للحياه سوداويه وجنهم اهما الوحيدين اللي الله ما رزقهم يا بناااااات اصحوا الحمدلله الطب تطور وتقدم ورحمه رب العالمين واسعه وربي ما ينسى عباده واحنا باختبار من رب العالمين
وبالنهايه ما اقول الا
عسى الله يرزقج ويطمن قلبج وبالج
ويرزقنا مثل ما رزق غيرنا بالذريه الصالحه
اختى اهنيييييييييييييييييييييج على كل كلمة ذكرتييييييييييييييييه
صحيح كلامج وحنا لما نخطئ او انحس بالذنب نختفى حتى احد يلوومنا
بس احنا ما سوينا ذنب ولا ارتكبنا جريمه
وهذا ابتلاء من رب العالمين
واعتبر كلامج يأس من رحمة ربى
لا يا اختى
اروووووووووووووووجوووووووك
لا تنسى ان الله موجود
ووالكلام موجه لى ولجميع خواتى
لج هدية يا بنت الكويت على كلامج الحلو
صح لازم الواحد ما ييأس من رحمة رب العالمين
بس اختنا فنن مو قصدها ان تترك المنتدى علشان اهيا يائسه
آنا عرفت قصدها… اهي ودها تغط شوي علشان لا تفكر في موضوع الحمل وهي اهنيه معاها حق
لازم تشغل بالها بمواضيع ثانية
وعسى الله يرزقج يافنن الضنى الصالح آجلا وليس عاجلا يارب العالمين
بنت شكلهه مسكينه ماتبي تدش عشان لاتفكر وايد
و صراحه زين تسوييي
انا بعد صاااااااااايره مو هامني اللي يايي من الله حياه الله لأن ادري النفسيه تلعب دور و صراحه ساعات ادش المنتدى اشك بعمري من كثر ما اقرا عن حالات غريبه و نادره
ياريت البنات يتفاؤلوون و انا صراحه حبيت موضوع تجمع الأمل اذا بدش ادش عشان اقرا سوالفكم الحلوه و اشراكم
على قولت الأجانب بخصوص تأخر الحمل
ENJOY TRYING, its the best part !
