معنى القرين

والله مشتاقه لكم واااااااااااااااااااااااااااااااايد ما تتصورون ايش لون !!!!!!!!

المهم موضوعي اليوم يهم كل وحده فينا
لكن …………..
بنات احنا اللي نعرفه ان ربي سبحانه خلق الجن والانس والملائكه لعبادته وحده والشيطان عصى ربي بسب غروره وكبرياءه وانتوا عارفين مصيره .. .. ..

بس
يا بنات آدم و حواء ؟
انتي مسيره والا مخيره ؟؟
اكيد مخيره يعني كل واحده فينا تختار طريجها اللي تبيه تمشي فيه وتسلك حياتها مثل ماتبي ..
وربي رحمنا بالدين الاسلامي ولكن المصيبه فينا لانا مانتعمق فيه ولا نحاول نخليه نهج لحياتنا .

الا اذا سمعنا ان هذا الشي حرام ركضنا حق الشيوخ وكل واحد يعطيج فتوه ..
ليش ما انا اجتهد وادور بالاحاديث والقران الكريم و كتب التفسير ، هذي مقدمة الموضوع .

موضوعي عن القرين اللي تكلمة عليه اختي الفاضله (( كويتيه مذهله ))
ايش لون اقرى اسم القرين : ق عليها فتحه و ر مع ي مكسوره و ن عليها فتحه
يعني مومثل ما ننطق منطقه القرين في فرق

شنو يعني القرين : –
سبحان الله المراه ليمن تولد البيبيي ينولد معاه القرين بنفس الوقت واللحظه واهوى اللي يلتصق فيه طول العمر ولا يموت والا بموت الانسان نفسه وراح تقولون اول مره نسمع فيه اقول لكم مثل التابعه ما كنا ندري عندها وعرفناها ..
وبشنو يمتاز القرين :
يمتاز بصفات الانسان نفسه ويعني اذا كنتي يا اختي ملتزمه بقواعد الدين وايمانج برب العالمين قوي ما يقدر عليكج شي ، لكن اذا كنتي غير متزمه او متفككه في افكارج أو مثل حريم هل الايام كل شي عادي عندهم ومتساهلين في امور الدنيا والاخره فاقولج انج مسكينه لانج راح تكونين مصيده لاي دجال او عراف او مشعوذ

انتوا عارفين شقلهم شلون يصير بالنصب والاحتيال يا ام وحده من اللي تعرفج تروح تقول لهم كل شي عنج وانتي تدخلين ويقولج نفس الكلام اللي وصله له او انه مخاوي الجن وهذي الطامه الكبرى لان اذا اهوى ضغط على الجن راح الجن لقرينج ويضغطون عليه علشان يعطيهم نقاط ضعفج او كل امور حياتج وهذا ما يوصلون له واذا سمعتيه قلتي خلاص راح اكمل معاه لانه راح يحل مشاكل حياتي وارتاح وهذا شرك برب العالمين وكفر بدين محمد عليه الصلاة السلام
اما اذا كان ايمانج بربج قوي لا والله ما احد من الجن ولا الانس يقدر يمس شعره منج الا باذن من الله تعالى

خواتي انا كتبت هذا الموضوع لاوضح لكم معنى القرين وما اقصد الاهانه لاحد ابدا
ادعولي ربي يهب لي من لدنه ذريه طيبة انه سميع الدعاء اللهم آمين

اقتباس:

المشاركة الأصلية كتبت بواسطة foozia_87 سبحان الله المراه ليمن تولد البيبيي ينولد معاه القرين بنفس الوقت واللحظه واهوى اللي يلتصق فيه طول العمر ولا يموت والا بموت الانسان نفسه وراح تقولون اول مره نسمع فيه اقول لكم مثل التابعه ما كنا ندري عندها وعرفناها .. وبشنو يمتاز القرين : يمتاز بصفات الانسان نفسه ويعني اذا كنتي يا اختي ملتزمه بقواعد الدين وايمانج برب العالمين قوي ما يقدر عليكج شي ، لكن اذا كنتي غير متزمه او متفككه في افكارج أو مثل حريم هل الايام كل شي عادي عندهم ومتساهلين في امور الدنيا والاخره فاقولج انج مسكينه لانج راح تكونين مصيده لاي دجال او عراف او مشعوذ

احم احم

اول شي مشكووره علي التوضيح

منو قالج ان انا من هالحريم الي مو ملتزمين

الحمدالله الكل شاااهد اني ملتزمه بالعبااايه ام راس بعد
واصلي صلاتي حتى صلاه الصبح ولا يوم اتركهااا

كافي معاشي كلا حق امي وابوي ونصهم صدقاااات

انا ما ابي امدح نفسي بس الحمدالله ان ايماني بالله قوي وامي ابوي راضين علي

بس بعرفج علي ان انا الحمدالله الحمدالله ملتزمه 100%
وكافي كل يوم اروح مجلس ديني ولله الحمد
واقرا قرأن وانصح هالبنات الي معاي بالدوام الي وصلوا 50 سنه ويكلمون شباب

حبيبتي انتي اشدراج ان القرين جذي وجذي؟

هذول يتعاملون مع الجن
وانا حبيت اعرف شنو يعني قرين

انا فيني تابعه كل يوم احلم بقطوه ومرتين طرحت وثاني يوم من طرااحي ما ابي اخوفكم تييلي عجوز تتشمت فيني تقول انا خذيت الياهل منج

انا فيني تابعه والحمدالله الحين قاعده اروح عند شيوخ يقرون علي مو دجاالين
وانا واثقه فيهم 100%

بيييه سويتيني انا ما اعرف الله ولا النبي لا تقولين ما تعانيني لان انا حاطه موضوع عن هالشي ومتردده بين اصدقه ولا اجذبه لان البنات ماقصروا معاي عطوني حلول احلى من جذي

انا مو مسكينه ولا مصيده لاي دجال لو دجال جان خذه مني الف ولا الفين

والحمدالله انا عقلي كبير ومحد يأثر فيني لا ياهل ولا وحده رايحه فيها ولا دجااااااااااااااااااااااااااااااااال

انا قلت اني مو قاصده احد وانا عند ربي صاجه ما اقصدج ولكني اوضح لوحده اهيا اختي من امي وابوي وهم معانا بالمنتدى ولكنها اقتنعت بالكلام اللي حضرتج كتبتيه وهذا الموضوع اللي انا كتبنه ما كتبته من عندي ولا كلام زايد ولا اهوى استفزاز ولاني انزل من قدرج ولاني غلطت عليج لو اني بقولج شي جان قلته لج على الخاص لاني ما اعرفج ولا اكرهج
وكل وحده تعرف شنو علاقتها بربها وانا ما كفرتج ولا قلت انتي ما تصلين ولا ما تتصدقين هذا اولا
ثانيا انتي تقولين ان فيج تابعه التابعه غير عن القرين والكلام اللي كتبته اخذته من درس انا حاضرته يوم الاحد في بيت الداعيه ام محمد اللي بالقصور كان درسها عن القرين وقلت لها عن موضوعج وقالتلي اذا تبين تتأكدين اكثر خذي هذا رقم 3 شيوخ بالسعوديه قاعدين يجمعون معلومات عن القرين وراح يجمعونهم في كتاب وينزل بمكتية جرير ..
وهذا الكلام الحين موجه لج حبيبتي انا ذكرت اني ما اقصد اي احد والحمد لله الكل يشهد لي اني ما عاديت احد بالمنتى وانا الحمد لله واثقه من نفسي و عارفه انا شنو اقول وما احب اغلط على احد علشان محد يغلط علي ومثل ما احب حق نفسي احب لكم
واذا منتي مصدقتني سألي الشيوخ اللي تروحين لهم شنو يعني القرين واهما ياكدون لج كلامي وحسن نيتي

قولوا لا اله الا الله ياعمري انتوا خوات و لا تصيرون حساسين وايد
وما بينكم الا كل خير والاخت foozia شكلها ما تقصد شي يا اختي كويتيه مذهله واللي صاير بينكم عتب خوات وعدى تعوذو من ابليس وخلاص الله يجازي كل وحده علة نيتها