الدوالي

سلامي على كل بنات المنتدى وحبيت أسألكم منو زوجها يعاني أو كان يعاني من دوالي الخصية؟؟
بليييز اللي تعرف اي معلومة عن الموضوع تفيدني وهل مالها علاج إلا العملية ؟؟
أنا عندي ولد عمرة سنة و4 شهور وحملت فيه بقدرة الله وحده لا شريك له على الرغم من ان تحليل زوجي كان ضعيف قبل الحمل بالنسبة للعدد والحركة وماكنا نعرف السبب وقبل 6 شهور فكرت بالحمل مره ثانية وريلي عاد التحليل ولقى نفس النتيجة وأسوا واكتشفنا ان السبب الدوالي
عفية بنات طمنوني هل هذا الموضوع صعب علاجه وهل العملية نتايجها مضمونة وفيها تحسن ؟؟
وآسفة على الاطالة فقط للتوضيح

حبيبتي انا زوجي نفس زوجج وعندي ولد والحين 6 سنين ما حملت واكتشفنا الدوالي متاخر والحل الوحيد لها العملية لا تتاخرون اكثر وانصحج بالدكتور احمد الكندري

العملية جدا سهلة ووايد ناس يسوونها والدوالي وايد منتشرة والناس تهملها

ماعندي اي فكرة حبيبتي الله يشافي زوجج ويرزقكم بإخت ولا أخو حق وليدج الله يخليه لكم يااا رب

انا والله سمعت عن واحد فى نفس حالت زووجج وسوى عمليه وماشاء الله امرت احملت وان حصل لكم خل يسافر بره يسوويها ولا يشوف له دكتور زين بالكويت يسويها عنده وعسى الله يشفيه ان شاء الله

ام مهدي اول شي شلونج
انا زوجي كان يعاني من الدوالي وجربنا كل شي مافاد لمدة 5 سنوات وطلع بالاخير افضل حل والحل الأمثل العمليه
اقول لج ليش :

اول شي الدوالي مثل ما انتي عارفه عباره عن تجمع عرقي ودم وخاصه في منطقه الخصية وهي منطقه حساسه وما ينفع معاها الا العمليه

ثاني شي العمليه حل جذري للسبب أو المرض ( تاخر رالانجاب) فمن الافضل يسويها زوجج

نصيحة اخت ومن كل قلبي اقولها روحوا حق دكتور طارق عبد العزيز في مستشفى السلام اول ما تدخلين من صوب المصافط على ايدج اليسار اهو بروفيسور ودارس باليابان يعني ما يبيله اخلاق وحسن تعامل وشرح وفحص وشي عجيب هو اللي سوا حق زوجي العمليه وماشاء الله عليه يطمن

وبعد عملية زوجي ابسنه حملت ولله الحمد وهذا التوقيت الطبيعي للحمل بعد عملية الدوالي

والله يوفقج

على فكرة الله رزقني في محمد الغالي

بس من قلب نصيحة لا يطوفج الدكتور

مشكورين خواتي كلكم ماقصرتوا على الردود والنصايح وان شاء الله بقول حق زوجي يسوي العملية واختي رورو ماقصرتي حبيبتي وراح اقول حق زوجي عن الدكتور طارق والله كريم

حبيبتي روحي الجابريه جبال ماكدونالد في عياده حق دكتور كويتي ممناز بس والله نسيت اسمه زوجي كان يعالج عنده تفتحين ملف ويسويله سونار وتحليل هرمونات وعلى هذا الاساس يغرر اذا العمليه راح تغير شي للاحسن اواذا كانت تنفعه والا لاوالحمد لله ربي يرزقج

اسم الدكتور عادل الحنيان وايد زين يمدحونة