|
|
السلام عليكم اخواتي
كل وحده تمر على الموضوع تسجل نصيحه لاختها الحامل او النفاس عن تجربتها هي اوغيرها لنفيد به انفسنا وخواتنا الحوامل خاصه البكريات
رح ابدأ انا
نصيحتي هي بفتره الوحام ابتعدي عن الاكل الدسم لانه هو من احد المسببات بالشعور باللاعياء
وراقبي اكلك اثناء الحمل وخاصه السكر لانه صار معي سكر حمل وانا كتير نحيفه
وانت شو عندك نصيحه
مشكورين
واضيف علي كلامج
* حاولي تبعدين عن الزعل كثر ماتقدرين مرات الزعل اهو اللي يسبب السكر مو بس الاكل
* ولاتشيلين اي شي ثقيل
* وريحي جسمج كثر ماتقدرين استرخي
نصيحتي للي حابه تحمل تاكل حمض الفوليك
يزيد من نسبة الحمل السليم ولاتخلينه الا بعد ٣ شهور
ولاتخلين الفيتامينات لانها راح تغذيج انتي والجنين
وتساعدج بالطلوق خصوصا الحديد يساعد بتدفق الدم
عند الطلق
اتمني من كل نفاس ترك عادات اهلنا القديمه
وتحط فبالها ان النفاس فترة نقاهه واعتناء
بالبيبي
خلي عنج المعتقدات الخاطئه التاليه :
كثرة شرب الماء تسبب خراب بالعكس الماء يساعدج
بالهضم ويعوض جسمج السوائل اللي فقدتيها
ولاتنسين ( وجعلنا من الماء كل شي حي )
النفاس مايصير تتسبح عشان مايدخلها هوا
الا تسبحي ولاتعفنين بس راسج لاتغسلينه
وتنشفي عدل وتبخري فبخور الهواااا وتدفي عدل
النفاس اكل خاص
خصوصا المتوهقه ونفاس فبيتها وماعندها حد يطبخلها
حبيبتي ترا الاكل الصحي ابرك لج من العجين والدسومات
والدهن العداني
يعني صدر دجاجه او شوربه خضار او بيضه او سلطة جرجير
او لحم مع خبيزه ابرك لج من الدسومات اللي ماتجيب الا الكرش
ولاتنسين الحليّبه الصبح مع زنجبيل
وان جعتي تميره مع رشاد
مهي صعبه ابد
نجي للجرح مو تقعدين تفكرين طول النفاااس انا خربانه انا وسيعه
انتي اهتمي بنفسج ولا خلصتي وصار ماصار تعرفين عاد نتيجه اهتمامج
اهتمي بجرحج واخذي لج ابريق من البقاله عشان تنقعين فيه مره وتغسلين من تحت
عاد موتكثرين لانها تشد الخياط بس الابريق راح ينفعج خصوصا للي تخاف تمسسك
المنطقه وتغسلها بغسول حطي غسولج بالابريق مع الماي وغسلي
وحطي لج خوا جوا بالحمام عن الشمم لازاروج حريم حطي شوي بالقطنه ولبسيها
واخر ٥ ايام نفاس عليج بتحاميل البيتادين او تحاميل البتروليه المصريه
تنشفلج المنطقه
البيبي لاتنسينه الله يخليج كل يوووم سبحيه علميه ع الماي عشان لاااايمرض
ولايجيله صدر ويرتاااااح بالسبوووح
واذا بيبي فيه بوصفار خذيله عصفر من الحواج نقعيه وشربيه
وحطيه بدهن ودهنيه فيه قبل السبوح وعرضيه للشمس
ولاتنسين الكمون واليانسون يريح بطنه من الغازات
وامج ماراح تقصر اكيد
وبس اذا ذكرت شي برد اكتبه
لانه البيبي اذا وزنه زاد وايد انتي راح تتعبين
عشان تجنبين فقر الدم ونقص الفيتامينات اثناء الحمل
وتغذي عدل وشربي اقلاصين الى ثلاث اقلاصات حليب يوميا
واتمنى كل الحوامل اول حمالهم يسون هل شي لان انا ماسويت جذي وصار معاي تعب الحين قوي
الله يسهل علينا وعليكم يارب
حبوبه الكالسيوم ثم الكالسيوم بالحمل اهم شئ والفواحه والفيتامينات
ولاتجوعين
لاتتحركين وتشتغلين كثير انا الحين نازله مشيمتي بسبب المشي وكله ينزل مني دم بس الحركه والحين ماقدر اتحرك لة اتحرك شوي ينزل دم
والحامل الوحام اكلي اسيا بارد مثل روب محلبيه قشطه تبرد علي جبد وبرد
الله يسهل عليكم
اختكم بالله
ام زهقانه
|
المشاركة الأصلية كتبت بواسطة جـــواهر
 مووضووع موفق
نصيحتي للي حابه تحمل تاكل حمض الفوليك اتمني من كل نفاس ترك عادات اهلنا القديمه النفاس مايصير تتسبح عشان مايدخلها هوا النفاس اكل خاص مهي صعبه ابد نجي للجرح مو تقعدين تفكرين طول النفاااس انا خربانه انا وسيعه البيبي لاتنسينه الله يخليج كل يوووم سبحيه علميه ع الماي عشان لاااايمرض وبس اذا ذكرت شي برد اكتبه |
ماشاء الله عليك
كفيتي ووفيتي .gif "Eh S(17)")
|
المشاركة الأصلية كتبت بواسطة جـــواهر
مووضووع موفق
نصيحتي للي حابه تحمل تاكل حمض الفوليك اتمني من كل نفاس ترك عادات اهلنا القديمه النفاس مايصير تتسبح عشان مايدخلها هوا النفاس اكل خاص مهي صعبه ابد نجي للجرح مو تقعدين تفكرين طول النفاااس انا خربانه انا وسيعه البيبي لاتنسينه الله يخليج كل يوووم سبحيه علميه ع الماي عشان لاااايمرض وبس اذا ذكرت شي برد اكتبه |
ماقصرت جوجو.gif "Eh S(15)")
لاتجوعين نفسج خاصه الصبح لايصير فيج هبوط ترا. جسمج قبل كان يتحمل بس الحين في رحمج بيبي ياخذ منج
اخذي السكر من الفواكه واقطعوا المنبهات
لاتجهدين نفسج بشغل الشقه كل شوي ارتاحي
ارقي نفسج وجنينج وتوكلوا على الله