اتركوا عنكم مواضيع النت الجاهزة وشوفوا معاي أعراض الحمل الأكيدة بإذن الله😊

السلام عليكم بنااات

أتوقع ماكو ولا وحدة منا ماقرت مليون موضوع وموضوع في النت عن أعراض

الحمل الأكيدة قبل الدورة .. ومن واقع خبرتي وتجربتي أقوووووولكم ان أغلب

هالمواضيع المكتوبة المسلوقة مو دقيقة ولا تنطبق على أغلبنا .. خصوصا سالفة نغزات المبيض

وليونة الصدر ووخز الحلمات وشعيرات البول تكرمون

البيضا واللوعة والغثيان وحتى الدوخة …… الخ هذي كلللللهاا مو من أعراض الحمل الأكيدة ..

بالعكس ياما حاشتني ونزلت الدورة عادي وتحطمت نفسيتي واندقرت

انزين شنو اهي العلامات اللي ممكن نتأكد الى حد ما ان الحمل صار ؟!!

1- اذا كنتي تتابعين التبويض عند الدكتورة وعرفتي يوم التبويض بالضبط

فاحسبي بعده 14 يوم بالضبط ، اذا تأخرت الدورة بعدها فمبروووووووووك انتي

حااااااااااااااامل .. هالكلام مليون بالمية صحيح حتى لو كنتي

مو ماخذة ابرة تفجيرية لأن بطانة الرحم بطبيعتها لاااااايمكن تصمد

أكثر من 14 يوم بعد التبويض بسبب الهرمونات خصوصاً هرمون

البروجسترون اللي يرتفع مع الحمل ويقل ويتناقص اذا ماصار

تلقيح لحد مايصير نسبته صفر فتبدأ بطانة الرحم

بالانسلاخ وتنزل الدورة .

2- اذا لاحظتي على نفسج أعراض غرييييييييبة مو من عادتج تصير فيج

غير عن اللوعة والنغزات لأنها ممكن تصير قبل الدورة عادي .. من الأعراض

الغريبة مثلاً العطش الشدييييييد ، الحساسية الشديدة تجاه الروائح يعني

تحسين ان الريحة نفاذة بشكل مزعج جداً ، التثااااااااااؤب المتواصل والنعاس في غير الأوقات المعتادة ، جفاف الافرازات

تماماً قبل الدورة أو زيادتها حسب جسمج اذا دايما تنزل عليج افرازات قبل

الدورة ولاحظتي انج جااافة فجأة فاحتمال كبيييير انج حامل والعكس

صحيح .

3- تسكير الرحم .. وهذي المعلومة قريتها وفعلاً لاحظتها بنفسي ان أثناء الجماع

يسكر الرحم من داخل سبحان الله ويحس الزوج بهالشي ويعلق بعد ؛)

4- ارتفاع درجة حرارة الجسم لعدة أيام وسهولة الاصابة بالبرد بعد تلقيح

البويضة .. هذي علامة أكيدة ومو شرط يكون الارتفاع كبير ممكن يكون نص

درجة بس يعتبر ارتفاع وهو نتيجة طبيعية للحمل .

5- نزول نقطة دم حمراء في موعد الدورة .. نقطة وحدة بسسسسس وهي

علامة انغراس البويضة المخصبة في جدار الرحم .. هالعلامة مو شرط

تتكرر بكل حمل انا صارت معاي مرة وحدة بس .

يعني هذي تقريباً الأعراض اللي ممكن تشكين بالحمل اذا صادف وصارت

معاج أما غيرها من الأعراض فتعتبر أعراض مشتركة بين الدورة والحمل ..

طبعاً فيه حريم مايحسون بأي عرض نهااائياً باستثناء تأخر الدورة

وانا كنت منهم صرااحة .. لكن في النهاية ومن واقع تجاربي قدرت ألاحظ

بعض العلامات اللي ماكنت منتبهة لها وحبيت أفيدكم بنات وأنبهكم عليهم

أخيراً بنات مابي منكم الا دعوة صالحة بظهر الغيب ان الله يصلح

حالي انا وزوجي ويصلح لنا عيالنا ويرزقنا برهم ولكم دعوة

بالمثل

جزاج الله خييييير

والله يختج كل هسوالف تصير قبل الدوره لان هي تعتبر حمل اصغر
وكل وحده لها اعراض خاصه وفيه ناس ماحست كلش مثلي
؛)
بس هي النقطه الحمره الي صارت معاي
بس صح كلامج بخصوص الرحم مسكر اذكر زوجي قالي ع هسالفه
ويعطيج العافيه حياتي

جزاج الله كل خير

مشكوورة

حبيبتي انا يتلي اعراض دوره قبل الدوره ب ١٠ ايام
وجفاف تاااااااام ماكو افرازات

مشكوره خوش موضوع

و فعلا اغلبها حسيت فيها

خووش مووضووع
شكرررا

الله يجزاك خير ويعطيك العافيه على ذكر تجربتك

ويسخرلك جنود الارض وملائكة السمااا

انا مااتذكر حسيت باعراض ابداا يمكن مو منتبهه لاني بكر وماعندي معلومات وخبره

جزاك الله خير

جزاك الله خير

شوفي موضوعي وطمنيني اذا اهي اعراض حمل ولالا
أستفسار ضروري

مشكورين كل البنات اللي ردوا على موضوعي .. تذكرت شغلة شككتني بالحمل في اخر مرة

قريتها بالنت < طلع منه فايدة ��> .. هالشغلة اهي زيادة معدل ضربات القلب .. أيوووووووون

زيادة سرعة ضربات القلب من علامات الحمل شبه المؤكدة ؛)

في موعد الدورة حطي ايدج على قلبج واذا حسيتي بضرباته سريييييعة وانتي مو باذلة

أي مجهود فاحتمال كبييييير انج حامل وهالشي صار وياي واهو اللي شككني بالحمل أيامهاا

انا دايما بكل حملاتي بجري و عقبه عوار والحين بعد قبل موعد الدورة أنتشل وامرض مادري اذا له علاقه او صدفه لان وقت حملاتي متقارب كله بفترة دخول الشتا .
و هم اذا حامل ما يورم صدري يكون عادي لين و عقب حملي باسبوع او اكثر تبدي الحلمات تعورني بس وقت الدوره لأ يورم صدري و يعورني.
و اللي الاحظه بعد العطش والتعب لانه بحياتي العاديه كلش ما اشرب ماي وانسى اشرب بس اذا حامل كله عطشانه واذا مشيت وايد اتعب واعرق

مشكوره قلبي

انا كثرة تبول والم في الثدي وتعب وزيادة دقات لقلب
وصار لي حرارة اسبوع كامل
وشفت نقطه الدم اللوعه ماصاررت لي الا لين كملت الشهر