بيان تفصيلي في الخياط التجميلي

هالموضوع مو منقول وكتبته بناءا على خبرتي ( تجاربي الشخصية وتجارب قريباتي من الوالدات 6و7مرات سواءا طبيعي او قيصري )

يعني موضوعي عبارة عن :

اول شي تعريف له :
هو خياطة للمنطقة من الداخل والخارج أي جدار المهبل الداخلي والخارجي ( باختصار : مكان الجماع)

وتكثر الاسئلة حوله وكأنه عملية زراعة قلب وكذلك الكلام المنطقي و الغير معقول عنه مثل:

– تجي وحدة ( على ابو منطقية ) وتقول : انه مجرد خياط خارجي والمنطقة مستحيل ترجع كما هي و عنق الرحم تمدد الى 10 سم اشلون يرجع ؟
اساسا الخياط التجميلي لا يشمل عنق الرحم ( واللي اساسا عبارة عن عضلة تتمد وترجع ) والحين الجراحة تطورت ووصلت لمراحل متقدمة ومناطق صعبة حتى عملية زراعة الوجه سمعنا فيها هل معقول انها تعجز عن خياطة منطقة لا تصل بطولها الى 3سم بجم غرزة ؟ حتى موقعها يساعد على الالتئام!

– الوحدة بعد اول ولادة لا تحتاجها والاحسن تسويها بعد الرابع وفي اقاويل الخامس ومرات عقب الطفل ال12!!
ليش بالله ؟ شنو بيصير بعد الولادة الرابعة ماصار بالولادة الاولى ؟ في كل ولادة سيتم توسيع المنطقة ( شق العجان ) و المصيبة يقولون تسويه الوحدة بعد الرابع وبترجع بنت بنوت وعروس ومادري شنو ؟ وزوجي قال لما سويته انتي متغيرة وانت شمسوية ؟
ليش ماتظل الوحدة طول عمرها عروس من بداية الزواج لي اخره ؟ وليش مفتخرة الزوج قال انت متغيرة ؟ معناها طول هالفترة اللي طافت شنو كان وضعج؟ واشلون كان صابر معاج؟

– البعض يقول الحريم يهرولون نحو ارضاء الزوج وهو مادرى عنا وماله داعي اتعب عمري علشانه
اولا مو عيب الوحدة ترضي زوجها خاصة من هالناحية المهمة في كل حياة زوجية
ثانيا اعتقد العملية ارضاء لانوثة وثقة المراة بنفسها
اصلا نفسية الوحدة تكون زيرو لو حست بتغير او توسع او فكرت بنظرة الزوج لها بهالحالة .

– البعض كسول ويخاف من أي الم ولا حتى يحاول يجرب للحين في حريم يقولون ان الولادة بلا توسعة وشق عجان احسن واريح!
طبعا اريح للجبان والخوافة لكن مستحيل احسن وهذا كلام دكتورة سمعته ان ممكن الوحدة تولد بلا توسعة بس في عصرنا هذا الوحدة ماتبي تتعب حزة الولادة وتخاف من التوسع
وان عند شق العجان نحدد مكان الشق بحيث مايمر بأوعية دموية ومن جهو وحدة لكن ننطر الطفل يوسع على راحته المنطقة بتتشقق من كل حدب وصوب

– البعض يقول ان الولادة القيصرية افضل من ناحية التوسع من الولادة الطبيعية
وهذا كلام مردود عليه لأن الوالدة قيصريا في احسن احسن احسن الاحوال بتقول انا كما انا من اول يوم زواج ( سبحان الله) لكن الوالدة طبيعيا بعد الخياطة التجميلية ترجع بضيق مو طبيعي كونه ناتج عن عملية وغرز و في بداية الزواج اسباب الضيق الخجل والخوف وعدم الاعتياد على الجماع والجنس وبالتالي عدم التجاوب مع المداعبات مهما طالت لكن بعد التجميلي الالم بسبب الضيق الفعلي .
انا شخصيا اشوف ان الخياط التجميلي من احلى مميزات الولادة الطبيعية
ودايما نتائج مشرط الجراح تصنع العجايب مقارنه بكل شي طبيعي
يعني نفخ الخدود بالابر لا يقارن بخلطات نفخ الخدود الطبيعية

– قريت رد لوحدة عنه ان الخياط التجميلي مو زين وان بنت جيرانهم سوتها وعقب ماولدت خرب الخياط!
يعني تبين يعطونها كفالة عليه 5 سنوات مايخرب !
طبعا بعد كل ولادة خياطة جديدة ياحظي!

– الوحدة تسويها بعد الولادة ب4شهور او 6شهور
ياخواتي الطب يتطور ويغير لصالح المريض والطبيب الشاطر يتغير ويتفهم حاجات المريض
والحين كبار الدكاترة عندنا يقولون مع الولادة احسن
اصلا الوحدة اشلون بتعيش الفترة ما بعد الولادة حتى اجراءها في هالحالة
واللي ناوية تحمل على طول شنو تسوي ؟

– البعض يقول ان الولادة بعدها متعسرة وممكن قيصرية
من طبعنا نحن النساء تهويل الامور والانسان عدو مايجهل
وكل شي جديد نخاف منه
مثل عمليات وجراحات السمنة ف البداية الكل متخوغ منها لكن مع الوقت يكاد لا يخلو بيت بالكويت من احد مسويها

– امهاتنا ماسووها ومافيهم الا العافية
اوكي امهاتنا ماكانو يعرفونها وماكانت شائعة علشان جذي حاطين حرتهم بالادوية الشعبية واللهومات بس كل شي يتطور والخياطة تيسرت لنا ليش نحرم نفسنا منها ؟
ولا تعطون الادوية اكبر من حجمها وفكرة بعقل ومنطق الادوية ماتضيق هي فقط تساعد في تنظيف الرحم وتقضي على الرطوبة الزايدة مما يعطي احساس بالضيق
( مالها علاقة بالخياط والتئامه)

– اخذي المعلومات من ناس مسوينها او عالاقل مدونة كويتية لأن الوعي يختلف كذلك الخدمات الصحية تختلف
انا مرة قريت موضوع في منتدى نسائي شهير وتحديدا سعودي وحدة تسأل : معقول وحدة ترجع بعد النفاس بضيق اكثر من قبل ! ( لا حظو ماتسأل اشلون بس مستغربة )
وفي ردود ايدوها وقالو اللي تقول انها صارت ضيقة بعد ولادة جذابة بس بقى يقيمون عليها الحد على جريمتها النكراء!
وين عايشين هذيلة ؟

– اللي تخاف من الالم وتشكي يابنت الحلال عليك بالمسكنات
في مسكن قوي ينوخذ بوصفة كل وحدة نفاس انصحها فيه ( فولتارين ) وفي ابر مسكنة
مو مضطرة تعيشين العذاب والالم.

– بس للامانة بعد النفاس راح تعيشين الم وممكن يخطر في بالج الندم على انج سويتيها وبعد كل ولادة جديدة راح يكون الالم اعظم واشد بس حزتها ذكري نفسج المعاناة من الضيق احسن من التوسع وعقب مايقارب ال6اشهر راح تتحسن الامور

– باختصار تفاهمي مع دكتورتج قوليلها مابي اتغير مو مهم المسميات لاتقول لج ماتحتاجين قولي مابي اتغير لو ربع سم
واهم شي اختيار دكتورة زينة بالخياط واستخدام مسكن قوي لا تبخلين على نفسج فيهم
والمستشفيات الحكومية مايخيطون تجميلي خاصة مع تكرار الولادات
حاولي قد ماتقدرين تولدين بخاص او بعد ولادتج بالحكومي بجم يوم تراجعين طبيبة بخاص تعيد الخياطة لج

انا سويتها مرتين بعد اول ولاده وثاني ولاده لاني بصراحه احس بتوسع عند دكتوره ممتازه بس عادي نفس ما هو التوسع
مادري ليش ممكن الافرازت والرطوبه هي الي تأثر او شنهو تتوقعين السبب وانشالله برجع اسويها بعد

اللي تعرف مستشفى زين تقولي

يعطيج العافيه والله موضووعج مفيد حددده

ناويه اسويها بس عندي استفسار

الالم اللي يحدث من بعد التجميلي يستمر لي متى ؟؟؟؟ يعني راح اعاني من الضيق على طوول ؟؟

وثااانكس

يسلموووووووو ناتشووو على هالمعلومات الختيره

اقتباس:

المشاركة الأصلية كتبت بواسطة ام هيونه111 يسلموووووووووووووووووووووووووووووووووو انا سويتها مرتين بعد اول ولاده وثاني ولاده لاني بصراحه احس بتوسع عند دكتوره ممتازه بس عادي نفس ما هو التوسع مادري ليش ممكن الافرازت والرطوبه هي الي تأثر او شنهو تتوقعين السبب وانشالله برجع اسويها بعد

والله مادري شقول لج انت تحددين هالشي
انت حاسة المنطقة تغيرت عندج؟و لا حاسة افرازات عندج زايدة ؟
وبالحالتين الحل موجود باذن الله

اقتباس:

المشاركة الأصلية كتبت بواسطة {الجارحه} ودي اسويها بس خايفه اللي تعرف مستشفى زين تقولي

خايفة من شنو ؟
العملية جدا بسيطة وسهلة لو بتسوين عملية تجميل تفخ وشد شنو بتسوين؟
بالنسبة للمستشفى الاحسن ابحثي بالقسم واستخيري

اقتباس:

المشاركة الأصلية كتبت بواسطة انجبر قلبي مشكورة يا قلبي انا بـجر مادري حزة الولادة اهم يسوونها شي أساسي والا لازم انا اطلب واقول ابي خياط تجميلي يعني قصدي هل الخياط ايي مع الولادة والا لازم تنبهينهم وانا مادري اذا كنت راح احتاج او لا بس انا من رايي الزوجة تظل منطقتها ضيجه على طول احسن لين تحمل مرة ثانيه الوسع يضايق مو بس الزوج حتى يضايقج انتي وماراح ترتاحين وتحسين مثل قبل

تفاهمي مع الدكتورة وضحيلها طلبج
لا تهمج المسميات
اهم شي ماتحسين بالتغير