|
|
السلام عليكم ورحمة الله وبركاته
بناات انا حملت بعلاج ومعاي نزيف والدكتوره كتبتلي تقرير عن هالشي حق المجلس الطبي
بس اختي خرعتني تقول وحده معاها بالدوام اوصلت السادس وليلحين ماسوولها المجلس الطبي
الحين احنا بحالتنا يسوولنا بسرعه وله اا مو معقوله بقزرها طبيات بروحي تعديت ال 15 يوم
بعدين انا الحين خلصت من تقرير الدكتوره شنو الخطوه اللي بعدها اخذ من دوامي شي
وبعدين انا تبع مستشفى العدان اروح العدان وله وين
ياليت ابي التغاصيل وشنو الاوراق المطلوبه ووين اروح بالعدان اي صووب
واسفه على كثر الاسأله بسياليت تفيدوني وتفيدون كل البنات المحتاجه تعرف
وشكرا مقدما
اول شي تروحين تاخذين تقريريج الطبي وتخلين ريلج يروح للمدرسه او المكان اللي تداومين فيه ويطلب نموذج ١ طلب تحويل مجلس طبي
وبعدين توقع عليه الناظره وتاخذين النسخه وتروحين للمنطقه التعليميه قسم الاجازات والدوام ويبيلها حوووسه وتواقيع خلي ريلج هو يروح
وبعدها تروحين للمجلس الطبي اللي يم مستشفئ الصباح مجمع بروحه مكتوب عليه المجلس الطبي العام وتاخذين رقم وتفيتحين ملف وهناك هم يقولون لج شنو
تسوين من غرفه لي غرفه
واخر شي يعطونج الورقه ويقولون روحي حق المستشفى التابع لمنطقتكم علشان تحطين موعد للجنه الطبيه ويفضل ان عندج ملف بالحكومه لمتابعة الحمل
الدوام ماوراه الا التعب والكراف ومايرحمون كلش
امبي ليش جذي الاجاراءات طريله عاد انا زوجي مافيه صبر كلش بسرعه يمل
نفس الطريقه اللي قالتها الاخت من تاخذين ورقة الصباح تروحين العدان يسوولج تحاليل حمل
و فحوصات و سونار
و احسنلج تسوين التحاليل بخاص عشان تخلص كلها بعدها بيوم
التحاليل اللي بالسرداب اقل شي اسبوع
و تتاخرين
من تخلصين التحاليل ترووحين الموعد اللي بنفس اليوم تبتدي اجازتج فيه
بس خلي زوجج ينشب لهم مو يسلم الاوراق ويقولون له راجع باجر
او انطر الفراش يوديها يوقعها خل يخلص هو اوراقج من تواقيع واختام
والعدان ما يطوّل تقريباً اسبوعين الموعد اذا مو اقل
ومولازم فتح ملف متابعه للحوامل لان اهم يفتحون لج ملف لجنه طبيه يعطونج يوم تراجعين الدكتور العصر
يعطيج تحاليل وتسوين سونار ويقعد يسألج شنو السبب اللي خلاج تقدمين مجلس طبي
وسهالات ان شاءالله 
وصراحه انا مو قادره اطلع من البيت بس امشي خطوتين نزفت