|
|
السلام عليكم
شلونكم
بنات انا مو فاهمه طريقه المجلس الطبي،،،
لاني حامل وتعبانه وموقادره اداوم
وحاليا طبياتي من المستوصف 13 طبيه
مادري اكمل عليهم اسبوعين عشان اتحول مجلس طبي
وهل راح يعتمدونهم
او لازم الطبيات تكون من المستشفى الولاده عشان يعتمدونهم
والله محتاره شسوي ؟؟؟
اب
بس اكيد قسم شئون الموظفين عندهم المعلومات الصحيحة
روحي قسم الاجازات والدوام واطلبي منهم تحويل للمجلس الطبي
عقب روحي قدميه للمجلس الطبي بالصباح مع تقرير من الطبيب اللي تراجعين عنده
وهم يحوّلونج ع مستشفى التابعه له ويحددون لج موعد
ونصيحه اذا تقدرين تاخذين طبيات مستشفى اخذي ، لان هذي يعتمدونها اكثر من طبيات المستوصف
وبث 
إلا اذا كان عندج دخول مستشفى وعقبها عطوج راحه اهني زين ما يخصمون من معاشج لو عطوج شهر راحه
طبعا كل بداية سنه جديده تكون لج ١٥ يوم براتب كامل لمن تخلصينهم راح تحولين لخانة ١٥ يوم بنص راتب وعقب ١٥ يوم بربع راتب
وتالي ١٥ يوم بدون راتب يعني انتي اخذتي ١٣يوم لج يومين فقط براتب كامل وعقبها راح يكون في خصم من معاشج
طبعا انتي بدال هال خصومات اللي راح تييج افضل شي تقولين حق دكتورتج تكتب تقرير طبي لج وتروحبن
للمجلس الطبي أهناك يعطونج موعد حق اللجنة اللي راح تراجعينهم عشان
يعطونج اجازة مجلس طبي او ممكن يرفضون …
غير عن حسبه طبيات المستوصف ؟