استفسار وزن الجنين الطبيعي في بداية التاسع؟

السلام عليكم
عادة على بداية الشهر التاسع او نهاية الثامن كم وزن الجنين الطبيعي ؟انا بداية التاسع تقريبا لما أخذت أشعه الا تقولي دكتورة الاشعه ان الجنين دبه وزنه 2كيلو ونص وانا في العاده الي اجيبهم بعد الولاده 2 كيلو و200غرام بالكثير والدكتوره تقولي على مايجي وقت الولاده وزنه مش اقل من 3ونص !!والصراحة خوفوني وصرت اوسوس لا تكون ولادتي صعبه والا مثل قريبتي ولدوها بعمليه بسبب كبر الجنين..

انا صديقتي يابت 3ونص طبيعي ماشااء الله

٣ونص ترى موكبير ومتين حيل بنتي ولدتها ٣ونص نتفه بس خدود ولي فصخناها عصاقيل

لاتحاتين عادي

حبيبتي ٣.٥ مو متين وايد
بالعكس طبيعي حيييل
اختي ولدت بنتها ٣.٧ والحمدلله سهالات كانت ولادتها
لا تحاتين
الحمدلله وزن بيبيج حلووو

حبيبتي على حسب الحوض
اذا كان يتحمل ولاده اكثر ٣.٥ولا
لا
انا ولدي جبته على ٤،٦٠٠كيلو
لاني طويله وابوه بعد وكل واحد
وحجمه وكانت دكتورتي بتولدني
باول التاسع بس مارضيت قلت
متى ماحان ولدته تسهل قالت
البيبي كبير قلت عادي امي
جابتنا ع الاربعه ماصار شي

والله يسهل عليج ي رب

الله يسهل عليج ياارب

انا كل مايسولي سونار وزن البيبي 3.120 وتقولي كبير وخرعتني

لما ولدتها وزنها 2.800

ترا السونار يزيد البيبي …

ويي من صجج مرة اخوي تيبهم٤ كيلو نتفه شكلهم٢،٧٠٠ وبسرعه يزلق الياهل على قولتها
لاتحاتين وايد انا بنص التاسع يبت ولدي ٣،٣٠٠ ماشاءالله ونتفه

لا سمالله عليه مومتين اب صحه وعافياا

وزنه موكبير زين لاتحاتين السهالات من الله

لا حبيبتي مو كبير

الف شكر والله يحفظكم من كل سوء ويحقق امانيكم يارب ..
الله يسمع منكم وأولد طبيعي وبسهاله وكل حامل يارب ..

2.500 دبه من يقوول هووو حده نتفه حتى 3.500 وزن طبيعي وزين
الدبه اللي 4 وفوق والله كان واحد الله يذكره بالخير معاي بالدوام تبارك الرحمن مرته يابت بنته 5 كيلوو عووشر فيهاا مشاءالله هذي الدبه موو بيبيج

حبيبتي الف شكر ..دكتورة الاشعه تقول على مايصير ولاده الا زاد وزنه اكثر ..طيب الي جابت ٥كيلو طبيعي ؟انا هذا الي مخوفني وخلوني احاتي

لا تحاتين ولا شي السونار يزود وزن الياهل.. اقري المعوذات على بطنج ولا توسوسين مافيج الا العافيه

وزنه طبيعي حتئ لو يكبر ماعتقد يكبر اكثر من ٣ وشي