اللي تعرف حق استقبال الولادة

ابي اعرف شنو نحتاجة حق الاستقبال عشان انا بسوي او مو عارفة شنو الاحتياجات او لازم احجز غرفة من متى

؟؟؟؟؟

الله يهون عليج اختي
ما يصير تحجزين غرفه الا اذا كانت ولادتج قيصيريه
و عالاستقبال يبيلج صواني لتقديم الحلوو و الفطاير و ورق العنب و اذا تبين اتضيفين شي من عندج فناتك و الصواني تحصلينها بسنتر بوينت مجمع بيروت ووايد اماكن غيرهم
ويبيلج قلاصات للعصاير و استكانات و فناجين
يبيلج كفر
روحي محل ورد سويلج 3 بوكيهات ورد صناعي ثنتين يمج ووحده بنص الغرفه
يبيلج سوفنيرات حق ضيوفج
بلالين عند الباب
والبنات راح يفيدونج اكثر

في مواضيع وايد عن الاستقبالات و انا بقولج بالمختصر

كفر حق فراش مع مفارش و تغليف علب كلينكس و زباله
تتفقين مع محل ورد عالتنسيق يعني نوع الورد و عدد الفازات طبعاً لازم ثنتين يم راسج و الراقي طبعاً الورد الطبيعي
تشترين مواعين حلو تقريبا ثلاث
تتفقين مع محل حلو مثل واو و تدفعين عربون
تتفقين مع فلبينيات حق الضيافة
يكون عندج طقم استكانات و قلاصات و مطاطير
تتفقين مع محل عصير
تجهزين الجاي و الشكر
تجهزين كاكاو مغلف او توزيعات

اب اب اب

اول شي قرري اي مستشفى تبين وشوفي غرفهم مع الاسعار اذا ماعندج فكرة.، وحزة الولادة تختارين وترى مو اكيد تحصلين الغرفة اللي تبينها..

لازم تشترين كفر استقبال يفضل انه يكون طقم يعني معاه كلينكسات ومفارش.. ويبيلج قميص او قميصين للاستقبال مع شيلة وقبعة.. وسليبرز بيج او اوف وايت ينباع بمحلات قمصان الاستقبال،،، ممكن تاخذين كل هالسوالف من مرا بس غالين

يبيلج ستاند او الحين صار مو لازم ممكن صينية او طاولة او حتى تستغنين عنهم وتحطين التوزيعات عالطاولة يصففونهم واهما عبارة عن علب كاكاو صغيرة من محلات الكاكاو.. واذا ماتعرفينهم دزيلي رسالة اقولج عن الكاكاو

يبيلج تحجزين كاكاو تقديم مع فطاير.. الكبب والورق عنب وحلو القهوة مو بذاك الاهمية ممكن تستغنين عنهم.، ويفضل انج تشترين صواني كشخة حق الكاكاو والفطاير تودينهم عند محل وحزة الولادة يعبونها لج

مطاطير جاي وقهوة مع سكانات وفناجيل وصواني صغاار.. طبعا لازم اييبون مطارتين او ثلاث متروسين وكل ما خلصت مطارة عبوها.. طاولات تقديم يفضل على حسب الغرفة.. ماي صحة بطول صغار.. العصير ممكن بس مو ضروري.. وفي شركات توفر كل هالسوالف مع المواعين وتختارينهم بعد والخدمة

تزيينات للغرفة مثل ورد وفازات ومفارش بس هم مو مهمين عرفتي؟ تقدرين تستغنين عنهم

من برة يحطولج بالونات والحين هابين باسم المولود اذا تبين دزيلي رسالة خاصة اعطيج رقم شركات

طبعا تحددين الاستقبال يعني اذا ولدتي باليوم الفلاني تدزين مسج تبشرينهم وتبلغينهم ان استقبالج باليوم اللي وراه مع ذكر التاريخ والغرفة وفي ناس يقولون مثلا من الساعة الخامسة مساء

في حركة البنات يسوونها ان لما يولدون غرفة عادية بس اليوم اللي وراه تاخذ غرفة كبيرة.. وانتي لج مطلق حريتج

يبيلج صواني حلا وفطائر

بالونات ومداخل للغرفة الاستقبال

شوكولاته فاخر

يبيلج خدم حق الشاي والقهوة والعصائر

وتعرضين صور البيبي

يبيلج طقم كفر للسرير وللسرير البيبي

فواحات معطرة تحطينهم بالغرفة

صينية تمور باللوز والمكسرات وبالسمن حركات

اطقم مفارش من لون السرير والكفر ماله

ولاتنسين تسوين كبيرة وحلوة ومتعوب عليها سلة يكون فيها كتب دينيه او اذكار الصباح والمساء او مصحف صغير كهدية قبل لا يطلع اى شخص ياخذ حبة وحدة ومكتوب عالسلة اسم البيبي او صورته كالعرض هذول الفناتق اللي اجوفهم بالاستقبالات بعد الولادة

اب اب اب اب اب