|
|
السلام عليكم اخواتي
انا حامل بالشهر السابع
بعد مارديت من الدوام وقعدت اتغدا مع عيالي وبقوم اغسل ايدي الا رجلي اليسار يحوشها من اللسعه الكهربا علي طول فخذي للورك من ورا لاسفل الظهر
صرت اصرخ صراااخ عالي ماني قادرة امشي لان اللسعه تضرب ظهري من تحت فقلت يمكن ارهاق الدوام
فساعدتني خدامتني لين غسلت ووصلتني لداري ونمت ولما جا المغرب قعدت وابي اوقف ماقدرت كلش
للحين العوار معاي ونطرت عالساعه 11 بالليل وماقدرت اتحمل ورحت لطوارئ العدان وتخيلو كله عالويل جير كان العوار حيييل مؤلم ومايهدني حتي ثواني
ودخلت عالدكتور وقال هذا عرق النسا ومو من اختصاصه وحولوني عالعظام ودخلت عليه وقال بما اني حامل ما يقدر يسويلي شي بس عطاني ابرة اخذها يوم بعد يوم لمدة اسبوع وهي فيتامين د وعطاني كريم. حطيته ولا خفف العوار لو 1٪ وبعد شوي بروح المستوصف اطق الابره
واليوم غبت عن دوامي لان الالم غير محتمل كل ما خطيت خطوة اصرخ – العوار بوركي الايسر واسفل ظهري
انا باول حملي كنت احس بوخزات هالالم بس كانت ثواني وتروح بس هالمره علق العوار معاي مو راضي يهدني وانا من امس ما اقدر امشي كله عالويل جير
انا احاتي اشلون بصبر 3 شهور بهالالم. وفكرت اخذ مجلس طبي فكلمت ادارة مدرستي وقالولي اجيب تقرير من دكتوري عن حالتي
للاسف انا للحين ما فتحت ملف عند اي دكتوره وبعد شوي بروح لسكينه تسويلي تقرير عن حالتي
بنات والي يعافيكم منو تعرف احد نفس حالتي شنو سوت عشان يخف العوار
ومنو دكتوره تعرف لعرق النسا وابيها تكتب تقرير عن حالتي
والله يجزا خير كل بنت تساعدني
بس حبيت ارفعلج الموضوع
مشكوره ماقصرتي
|
المشاركة الأصلية كتبت بواسطة lil mama
 مايصير تاخذين ابر فيتامين د و انتي حامل
|
لا عادي اختي
دكتورتي شافت الروشته مالت الابره وقالت انها زينه للحامل لانها فيتامينات
شكرا لردج
|
المشاركة الأصلية كتبت بواسطة ام وليد hamood
حبيبتي صار فيني نفس بحملي اللي طاف …. ونفس الكلام … بس خذيت الكريم مال العضلات اللي نفس الفكس وسويت مساج من اولرك لي تحت ريولي ثلاث ايام وخف شوي . والله يعينج حبيبتي
|
قصدج ربيكالم الي لونه اسود باخضر
عطوني ومانفع معاي
تسلمين على مرورج
نفس حالتي يجيني هالعوار بالاشهر الاخيره من الحمل فجأه بدون مقدمات لدرجه ما اقدر امشي ولا ارفع ظهري اموووت منه يذبح
وكنت اراجع طوارئ الحكومه بس بنادول يعطوني ودهن العضلات
ورحت للهادي عطوني كريم بالاعشاب يرخي الشد وحبوب فيتامين ب كرتونهم ازرق وفيه اخط احمر ٣ حبات باليوم والحمدلله من اول يوم علاج خف حيل العوار انصحج راجعي طوارئ الهادي نساء وولاده
اوجاع القدمين بالحمل صعب
انا عندي دوالي الحمل
وبرضه يتعب
الله يشفينا يا رب