كلي امل بالله ثم فيكم انكم تساعدوني- مشاكل النساة

مالي علم بالنساة..
لكن ممكن تقولين لي باي بلد يمكن اقدر اساعدج..
اولا رجعي للدكتوره وقولي لها ماتبين مسكنات قولي لها تبين شي ضد اللوعه..
اذا البنات يتكرمون ويكتبون لج الادويه اللي ياخذونها كتبيها وراويها دكتورتج انا اعرف شغل برا الا تقولين لهم انتي شنوو تبين مايعرفون شلون يساعدونج مني والطريق…

ثانيا ابتعدي عن كل شي يجيب لج اللوعه وحاولي تعرفين شنوو يريحج ويريح جسمج سويه…

اذا الماي ماتحبينه شربي عصاير …
دائما دوري عالبديل اللي يعوضج
والله يهون عليج وتقومين بالسلامه انتي وولدج

حبيبتي اول شي الف مبرووك الحمال وعسى ربي يتمم عليج

وثاني شكلي كلنا نعاني من النساه الله يعينج ويعينا

اخذي حبوب اسمها اوندا عجيبه تطير النساه + اكلي ثلج او اي شي بارد وبرد تخفف اللوعه + بسكوت مالح او مكسرات مالح + ليمون عصريه وخلي العصير بالثلاجه وانتي اكلي الليمون بس اذا معاج حارج ماينفع + في دوا بالصيدليه حق الحارج عجيب روحي صيدليه خل يعطيج اوندا وقوليله انا حامل ابي دوا حق الحارج

هذا بالنسبه لي اللي خفف علي النسا

وماتشوفين شر ان شاء الله

روب بعد يوخر الحارج

وسالفة تاخرت النسا مايتج الا بالثالث جدا طبيعي في بنات تبدا معاهم برابع والخامس لاتحاتين

وعسى الله يخفف عنج يارب

كل شوي انسى شغله ماعليه استحمليني

على طعم المر او الحديد بحلجج اخذي حلاو نوع تحبينه دايما خليه بحلجج او علج وفي علج بالصيدليه طعمه حلو ويخفف اللوعه بعد

اكلي خياره او روب يوخر الحارج

اولا ألف مبروك و ربي يتمم عليج و يثبته

ثانيا النساة و ما ادراك ما النساة

ماكو حل لها الا علاج حبوب اللوعة ، عندج (primprin §§ ONDA // navodoxine )

بس نصيحتي تستشيرين طبيب احسن ,, أذا انتي بأمريكا فيه حبوب مص مثل حلاو توخر اللوعه و الحارج اسمها تم تم TUM TUM

اتمنى أكون فدتج

ابتعدي عن الأكلات اللي فيها بهار و بصل و ثوم، اكلي مسلوق ، خفيف ، توست محمص، لا تاكلين حلو لأنه يسبب حارج ، شربي حليب بارد ، ايس كريم ، ثلج ،

الماي شربيه بارد عشان ما تحسين بالطعم اللي تقولين عنه

الحبوب اللي كاتبتهم الكويتيه من بينهم نوفداكسون كلش ما انصح فيها تدوووووووخ تدوخ وتظلين نايمه

الف مبروك حملج والله يتمم عليج بخير يارب
بخصوص الوحام اشتري زنجبيل اخضر (فريش)
وسويه شرايح وصبي علي مي مغلي واشربيه كانو جاي
واكلي خس هوايه شكد متكدرين

كلمه حارج مااعرف للاسف فما اكدر اساعدج
عن تجربه احجي وياج اني بقيت وحام قاتل من الاسلوع الخامس لحد ولادتي ان شاء الله انت متكونين مثلي
طبعا الزنجبيل كلششششش رح يفرق وياج اني جنت اشوب 6 اكواب باليوم
وووو يمكن اواحتمال جبير انو تكونين تحتاجين ادويه للوحام بس نصيحه لتاخذين بكلام احد لازم لازم دكتور متخصص
ومرات تحتاجين تغيرين اكثر من نوع لحد متلكين الي يناسبج يعني ال انت بيه عااادي كلش

بس الزنجبيل حار حيل مو زين للحامل وخاصة اهي عندها اجهاض قبل ؟؟؟؟!!

اولا.. اول ماتقعدين اكلي كرواسونة صغيرة مع شوية عصير.. يعني ربع او ثلث قلاص.. ويكون طعمه مو حامض،، او كلش كلش توستة وحدة مع جبن ماصخ

بعدها بساعة او ساعة ونص اكلي خيارة (لو نص وحدة وبدون ملح)

نطري ساعة واكلي بعد خيار او فلفل بارد.. او لو شوية خس وطبعا يكونون بالثلاجة باردييين

نطري ساعة اكلي صمونة فيها اللي يعجبج وتكون خفيفة مع شوية سلطة ولا تكثرين

نطري ساعة ونص او ساعتين واكلي كيكة خفيفة.. مفن او كب كيك فانيليا او اي نكهة تحبينها

نطري ساعة واكلي لوز او عين الجمل او كاجو او فستق اي مكسرات تحبينها ويفضل غير مملحة

نطري ساعة او ساعتين واكلي توستة مع خيار وخس وفلفل بارد و وقفي

لاتاكلين روب او حليب اذا فيج حارج.. وقطعي الفلفل والبهارات والاكل اللي فيه دهن والحوامض وخلج عالاكل الماصخ اللي مافيه نكهة

الماي لاتشربينه دفعة وحدة خليه بين فترة وفترة وخليه بكميات قليلة علشان الحارج واللوعة..

اكلي كربوهيدرات وابتعدي عن الاشياء اللي بالغصب تنهضم مثل الملفوف والبقوليات..

اذا حسيتي بحارج كسري ثلج واكليه.. او شربيه مع بيبسي

وماتشوفين شر

وااي وااي من النساه الله يسهل عليج و تفتكين
حبوب الاوندا عجييبه نفس السحر ماكوو ترجيع و لا لوعه
الحبوب اللي قالت عنهم الاخت كلشش ما سولي شي اصلا ارجع جني مو ماكلتهم
و في علج حق اللوعه ينفعج بعد
اكلي نواشف لا تاكلين دسم لاحقه علي الدسم لسهوله الترجيع
و الله يسهل علينا

اكلي اشياء خفيفه دايما فواكهه خضره بسكوت مالح

ذكرتيني ببجري يتني نساه قويه بالسابع لي درجه رحت الطبيب ارجف حسبالي فيني شي

ماكو حل الله يعينا وياجرنا الا الاكل الخفيف مو الدسم