منو عندها فكرة أو تجربة عن تحجر البطن في الشهور الأخيرة فيدوني

السلام عليكم ورحمة الله وبركاته ،،،

انشاء الله الأسبوع الياي أدخل التاسع قبل يومين نزل مني تكرمون إفراز لونه بني غامج وبعدها صار فيني عزكم الله اسهال قوي واليوم بطني ذابحني طول اليوم يتحجر ويتيبس حييييل لاعت جبدي من العوار وآنا أدري انه مو طلق لأن لي تجربة من قبل ووالده من قبل ومامريت بنفس هالحالة فياليت اللي عندها تجربة بتحجر البطن أو سامعه شي عنه تفيدني بليييز لاتقولون لي روحي المستشفى مالي خلق بالمره

شدعوة ولا رد؟؟؟

حبيبتي مايصير مالج خلق لازم تدرين من شنو بطنج صاير جذي خصوصا
لان نزل عليج افراز يمكن بدايه مخاض روحي وطمنيا عليج

لازم تروحين حبيبتي الطبيب اعلم بحالتج

التحجر عادي انا الليحن بالشهر التاسع و بوصل العاشر >>> كالعاده
و يتحجر
شربي ماي وااايد و اكلي تمر و قطعه كاكاو و حيل حيل مشي و حركه ,,, … اذا مالات بطنج روحي سوي تخطيط و سونار … لأن الياهل لازم يتحرك جم حركه
لأن معروف الياهل على التاسع تخف عنده الحركه ,,,

الله يسهل عليج

الحال من بعضه

اسهال -عزج الله-

و مرات ايبس البطن ، اتوقع الياهل يتكود بمكان واحد

غير المغص و عوار الظهر

اتوقع طلق وترى بالشهور الاخيره الجنين كبير فحركته تعور ليش المكان ضيق عليه

انا بعد حبيبتي البطن يتيبس بس امي قالتلي كل ماتيبس مسحي على بطنج عالخفيف وراح تحسينه يلين شوي

مشكورين بنات على مشاركتكم

أنا
يتيبس
بطني
واقوم
ادهنه
بزيت
زيتون
وارتاح

أما
عن
أفرازبني
روحي
لدكتوره
أ‏ ‏

انا تيبس بطني ورحت للمستشفى قالو لي انه فيني طلق والرحم مفتوح بس ماولدت الا عقب 3 اسابيع

جنها اعراض ولاده
وترا ولاده عن ولاده غييييييير

مشكورين بنات على ردودكم وانشاء الله براجع باجر وبشوف شيصير

باقي يوم وابداا الاسبوع 40 من الحمل اخر اسبوع واتحجر علي من ست ساعات بس هالمره حيل ومو راضي يفك زي التحجر الي كنت احس فيه …..مادري ممكن هاذا يكون طلق ويؤدي لولاده يعني مستاهله الشغله مستشفى لانه ثبت على هالتحجر فيه وحده ولدت وماحست بغير هالتحجر