|
|
،
صبــآح ../.. مسســآء .. الخيـــر .gif "Eh S(7)")
امس قاعده مع زوجي وسألته اذا ولدت بالسلامه احمل ورا بعض وافتك والا اخلي بينهم فترات احسن قال لي لا بين كل بيبي والثاني 3 سنوات احسن عشان يعتمد شوي على روحه وما يأذي ومنها ترتاحين وتردين تحملين
وسألت أمي وقالت لي بالعكس ورا بعض احسن وتفتكين عشان اذا خلصتي ولادات تهتمين وتردين مثل اول لا حمال ولا نفاس ولا تعب وتتعبين مره وحده وترتاحين مره وحده
ومن زمان قاعده مع حمواتي وقالت لي وحده انها جابت عيالها ورا بعض على طول وارتاحت تقول تربيتهم وحده وتعلمهم مع بعض ويكبرون مع بعض وتفتك ، وان الثايه بينهم فتره وكل مره ترد تربي من اول وجديد
عاد انا محتاره ؟ وكل شوي اقولب السالفه بـ مخي .gif "Eh S(10)")
ساعات اقول اجيبهم ورا بعض من وين لي وقت لنفسي ولزوجي نستانس ونجدد حياتنا كله حمال مسؤوليه حمال مسؤوليه غثا ! وبعدين ارد اقول لا جنه احسن عشان بس اخلص ولادات هالله هالله بالاهتمام واحورف بعمري مره وحده وافتك !
وارد اقول بينهُم فتره احمل واولد واخلص واتعب عليه سنتين بعدين بيكبر ويفهم واتفضى لروحي وزوجي سنه كامله وارد احمل !
اممم مادري بنات شرايكم ؟
ياريت كل وحده تعطينا رايها وتقول ليش ..؟
والي عندها عيال جابتهم ورا بعض والا على فترات ؟ واحسن لها والا لا ..؟
نآطره مشاركاتكُم الحلـــوه (:
حلو تيبين ورى بعض بس إذا تجابلينهم وتربينهم صح مو عالخادمة ولا عالأهل
يكبرون مع بعض و تتفرغين تالي حق روحج
بعضهم ما يقدرون يعطون كل ياهل حقة فيخلون بين كل ياهل والثاني فترة سنتين ثلاث
بعضهم ظروفهم الماديةأو السكنية ما تسمح
بس يختي اهو عاللي ييب .. عاللي يربي
ثاني شي انا عندي ولد وبنت ولدي عمره سنين ونص
وبنتي عمرها سنه يعني ورا بعض صج بينهم غيره بس
اذا خليت بنتي بيت امي يبيها يفقدها يبي احد يلعب معاه
فانتي جيبي اثنين ورا بعض وارتاحي 3 او4 وردي جيبي نفس
الطريقه اريح تعبهم واحد بس اهم شي راي ريلج
وسلاااااامتج
ع فكره احبج وايد واحب موضعيج
افضل اول ثنين ورا بعض وبعدها بريح
يعني بعد ما تولدين بالسلامة ارتاحي قريب السنه
يعني من يكمل ولدج ١٠ شهور فكري بالحمال
بحيث لما تولدين يكون الاول عمره سنتين
انا افضل هالطريقه وبعدين يعتمد على عمرج جم
اذا توج تحت ال ٢٤ لا ريحي سنه ونص وبعدين أحملي
اذا فوق ٢٥ لا ريحي سنه بس افضل لج
لان حلاته يكون عندج ٣ قبل ال ٣٠ علشان
بعدين ترتاحين*
لا مو حلو ورا بغض الجهال حلاته اذا اول بيبي كمل سنتين اهني تفكرين بالحمل ع الاقل كل جاهل ياخذ حقه وبين الثاني و الثالث اربع سنين افضل ماادري انا جذي مفكره مو مفكره انهم ورا بعض ابد
مع زهور المحبه حلاته عندج
3 او 4 قبل ال30
الله يتمم علييييج.. ويرزقج درااااازن اعياااال
بصراحة بدويه اقولج شيء ترى صج صج الحمل والولادة وخصوصا نفاس حاله
ثانيه من النفسيه تعب تعب والله ..
ورى بعض فضلت لانه يكبروون ويصيرون متقاربين بالعمر ..
الحمدالله عندي 3 يبت اثنين ورى بعض وبعد سنتين يبت ولدي عمره الحين 9 اشهر
والحين حامل والحمدالله ع النعمه ..
اعتبره اخر حمل لي لانه انا وريلي اتفقنا ع جذي
والله يسهل عليج بدوية ويقومج بالسلامه وحطي بالج ع نفسج ..
ويسهل ع كل حوامل يااااارب
اللي هي اقصي مده للرضاعه سنتين
بعدها تحملين
لما يكمل البيبي سنتين تحملين لما تولدين يكون قرب يكمل الثلاث سنوات
انزين فكري فيها يبتيهم ورى بعض متى بتهتمين بنفسج وريلج
والياهل حرام ما ياخذ حقه بالدلع والاهتمام
وليش اضيع احلا سنوات عمري وشبابي خل ايب بيبي واصبر عروس اهتم بنفسي والبيبي وريلي
يكبر الياهل يعتمد علي نفسه ارجع احمل
والي ماتهتم بنفسها. من اول شي ماراح تهتم بنفسها بعدين
واكثر الرياييل بالهم مو طويل للاسف مع اليهال
انا عندي ولدي عمره خمس شهور والحين حللت طلعت حامل بالبدايه ضاق خلقي بس شفت زوجي استانس وقلت احسن حلات اول ٢ ورا بعض يلعبون مع بعض واربيهم مع بعض وبعدين منو قال ان البيبي ياخذ من وقت الزوج انا الحمدالله زوجي يحب الجهال ويستانس عليهم والبيبي قرب بينا اكثر ومفكره اذا ولدت بالسلامه راح اخذ بريك ٣ سنين او ٤ والحمدالله على كل حال