الدراسه و البيبيقوة

قوووة بنات شلونكم

بستشيركم بشغله يليييييت تفيدوني
انا الحين بالتاسع الله يتمم علي وعالجميع يارب
ادرس حقوق و قريبه من امتحانات الفاينل انشالله اخلص سنه اولى هالكورس ، ولادتي راح تكون عالفاينل تقريبا بس في احتمال اني اخلص الفاينل قبل الولادة
ماتفرق معاي لاني لو ولدت باخذهم مؤجل
الي ابي استشيركم فيه الكورس الياس اوقف قيدي ولا اكمل ؟؟؟؟
الكوس راح يبدي 9فبراير يدوب صايرلي شهر والده بس مو هامني شكثر ضايرلي والده
الي هامني و قاعده احاتيه البيبي يعني عادي اتركها جم ساعه و اروح اداوم ولا بهالعمر محتاجه اكون على طول معاها ؟ مع العلم اني اذا بخليها راح تكون مع خالتي ام زوجي لاني ما اظمن الخدم كلش و اخاف منهم و مستحيل اخلي بنتي عندهم
في ناس قالولي البيبي بهالعمر كله نايم حرام توقفين قيدج وتضيعين كورس
و في ناس قالولي لا وقفي
وانا ضااااايعه ما ادري شسوي ولا عارفه شلون الوضع مع وجود بيبي بحياتي لانها بجري
عفيه بنات ساعدوني و عطوني رايكم والي عندها عيال و تدرس تقولي شنو مسويه و شلون منظمة وقتها

توكلي على الله وان شالله تسير أمورج ع خير يارب خصوصا اذا في احد يمسك آلياهل بسسسسسس الله يعينج في حاله وحده اذا كنتي ترضعينها طبيعي وصدرك بيالمك وقت البعد عنها

لا حبيبي عادي لاتوقفين واذا عندج احد يعاونج
مثلا تخلين البيبي عند اهلج بالعكس لاتفكرين توقفين وراج مشوار
في بنات ماعندهم احد يعاونهم ع البيبي و هم يداومون

وفي بنات اعرفهم يولدون بداية الكورس وعقب اسبوعين تلقينها مداومه
انا بس وقفت كورس واحد عشان النساة و متحسفه لكن شسوي موبيدي نسااتي قشره
والله يقومج بالسلامة و يسهل امورج

دام عندج احد يعاونج لا توقفين قيدج
اهو صحيح طول الوقت بتكون نايمه وانتي بالجامعه
بس اهو المشكله بليل لازم تنظمين نومتها عشان لا تسهرج

بس انا حاله خاصه ولدت قيصريه و اساسا متاخره بالجامعه فمافرقت على كورس عشان جذي وقفت قيدي فتره راحه

البنات كفو ووفو

موفقه ياارب

نصيحة من اخت وقفي لان راح تتشتتين انا كنت ادرس بالجامعة ويبت ولدي ووقفت ورديت بعد ماشد حيله ولدي ولدج اولى فيج لاحقه عالجامعة والله يوفقج

شوفي ياعمري

انا اخر يوم امتحانات فاينل كان اول يوم لي بالتاسع

ولدت عقب ماتخرجت ب 3 اسابيع

اول كلمة قلتها الحمدلله اني تخرجت

لان نفسيتي بالنفاس منحطة

كرهت الدنيا وكرهت البيبي
وااااااااااااااااااااااااااااااااي الحمدلله انها عدت على خير

البيبي على حسب يختلف من واحد ل واحد

اختي كانت كله نايمه وماتبجي يوم كانت صغيره لدرجة امي توديها الطبيب تقول بنتي كله ساكته ماتبجي مثل اليهال
وطلعت طبيعيه والحين قمة بالهدووءء وطيوبه

ريلي كان مينون خالتي تقول ماكو مطوع ماوديته له من كثر ما يبجي ؟ والحين مافيه شي طبيعي بس شيطون واهو صغير

يعني ممكن يكون البيبي عسر عقب النفاس

ييبي لج سستر 12 ساعه ب 300 دينار

ييبيها من 8 بليل لما 8 الصبح مثلا

تنام مع الياهل لان نومج بيكووون مقطع وبتكونين مرهقه حيييل

تبدى تتعدل النومة بعمر 3 شهور ونص 4 شهور يبدى يطخ شوي

ما انصحج توقفين قيدج ابد
بس ترى الخدامة ضروري ما ردج لها ؟
لا تقولين اخاف اقط الياهل عالخدامة

اذا خدامتج مينونه والا سعره افتكي منها وسفريها

بس اذا مافيها شي عادي خلي بنتج عندها

بعد خالتج مو ملزومه تجابل الياهل 24 ساعه مافيها شدة

خليها تحت عين خالتج وبرعاية الخدامة
مثلي انا

ما اقدر اقولج وقفي قيدج
بس يمكن بتأثر على مستواج

الا بحالة وحده وقت الدراسه تودين البيبي تحت
تخلين شقتج هادية
او نوميه عند امج حزة الامتحانات

لان الياهل مو سهالات
لازم تربية ومجابل

واذا بتجابلينها وماتبين الخدامة
عيل وقفي قيدج

وكل ما يكبر الياهل كل ما يصعب التعامل معاه

كملي دراستج لآ توقفينها البيبي بيكون توه صغير

بس لازم تشدين حيلج مو يكون عندج امتحان و انتي البيبي يمج و يبجي لازم تنزلينه او تروحين لامج تخلينه عندها بس فترة الامتحانات

لا توقفين قيدج حبيبتي

البيبي اول شي يكووون صغير. اول ست شهور مايفهم بِــ̯͡سّ يبي حليب وتبديل حفظات اما اذا كبر بعد الست شهور يفهم يبي امه وابووووه

احسن لج خلصي اللحين قبل لا يكبر

انا عندي ولد عمره سنة ونص وتوني والدة لي تسع ايام والحين بدت امتحاناتي واروح امتحن وارد والبيبي بهالعمر كله نايم ولما يبدي الكورس الثاني يكون توني طالعة من النفاس ومابي اوقف قيدي لان كل اللي وقفو قيدهم تحسفو عقب فأبي اخلص دراستي وافتك صدقيني لا توقفين قيدچ توج ببداية دراستچ راح تتحسفين عقبها ماعليه تحملي شوي وعقبها بترتاحين

سبحان الله وبحمده