|
|
هلا بالحوامل الحلوات والامهات المتفانيات شلووونكم
انا الحمدلله انضميت لحزب الكروشات ةماشيه بشهري الثاني عسى ربي يتمم لنا على خير ويفرحنا بشوقة بيبياتنا سليمين ومعافين اللهم اميييين
اناااا يامحفوظات السلامه وحده تمووووووت عالميكب وكان لي نشاط واضح بقسم المكياج بس طخيت عن المشاركه في الاونه الاخيره لكثرة انشغالاتي بس ماوقفت عن حبي للميكب والتفنن بالحط والحركات والحمدلله اعرف لنفسي وماتخيل اني امشي بويه اصفر بتاتا خصوصا لما اطلع مع ريلي
المهم لما رحت لدكتورتي اراجع قالتلي لا تستخدمين اي كريمات او ميكب او اي مستحضر فيه فيتامين A و لا تاكلين جزر لان هالشي يسوي تشوهات للبيبي الله يكافينا الشر
و بما اني ام حريييصه واااايد و دقيقه لدرجة الوواس في بعض الاحيان ووايد تهمني صحة البيبي قعدت احوس بالنت وادور زياده عن هالموضوووع
طبعا ضاااق خلقي و صكت الدنيا بويهي
طلع كلشي مايصير و ممنوع و مضر
طلع في لسته طويله عريضه بالمواد اللي تضر الجنين و ممكن تدخل المشيمه وتاثر على مخ البيبي وجهتزه العصبي شي يموت من الخرعه خصوصا ان المواد الممنوعه شكثرها و داااشه بكل شي من ميكب لي شامبو لي جل الشعر ومعجون الاسنان و الديودرنت والكريماااات
و لقيت سايت مكتوب فيه المستحضر باسمه و نسبة خطورة المواد اللي فيه .. حاولت القى ماركات اعرفها او عالاقل موجوده بالكويت طبعا ماكو كلها ماركات امريكيه ماعمري سمعت فيها و شلون بحصلها بقعد اطلب كونسيلر و فاونديشن عن طريق النت واايد صعبه !
الحين انا توهقت لا من ويهي الاصفر اللي يخرع خصوصا مع النساة واللوعه ولا من الخوف وتانيب الضمير اني احط من مكياجي العادي اللي فيه المواد المضره للبيبي حبيبي الله يحفظه مابي اصير انانيه واضره وهم مستحيل اطلع مع ريلي وويهي مرهق وتعبان ونااااشف لان حتى المرطب مو عترفه ايهو اللي مايضر
تخيلو حتى العطور تضر مت !
المهم الخلاصه اللي طلعت منها بفيدكم فيها ان كحل نمبر سفن اميزنغ ايز محطوط بالسايت ان ضرره خفيف كلش كذلك كونسيلر ايلف الكومبليت كفرج بس مو موجود بالكويت للاسف و مرطب كيو في بسايت المرطب كاتبين امن لاستخدام الحوامل ومايندرى
بليز لاتهملون موضوعي عطوني رايكم فيه
و اللي مثلي حريصه وايد وتعرف ماركات امنه لاستخدام الحوامل سواء ميكب او كريمات وغسول بشره ياريت ماتبخل علي فيهم وان شالله تعم الاستفادة عالجميع
ملاحظه: انا بحملاتي اللي فاتت استخدمت كلشي عادي وطلعو عيالي كلهم فيهم اكزيما وتنك مادري اذا هالشي له علاقه بالمواد الكميائيه اللي ممكن تكون وصلت لهم واهما فبطني.gif "Eh S(10)")
طول عمرنا نحط ميكب وكريمات والحمدالله ماضرتنا
الله الحافظ
بس احس خرابيط :/
انا سمعت شغلات وايد موزينه
مثل اللاب لي شبكتي لا يكون قريب من بطنج طبعا اذا حامل
والبيبسي وسوالف وايد بس مادري احس يعني لها تأثير يمكن بس بيكون حيل بسيط يعني مايسوي شي حق البيبي والله اعلم بعد
يعني المكياج لمن تحطينه ماكسيمام بتخلينه من ساعه لثلاث ساعات و تشيلينه
و بعدين اللي اعرفه كريمات التبييض و التفتيح
الكريمات و المستحضرات اللي فيها كورتيزون
كريمات و علاجات التقشير
كلها مضره
وخطره بعد
صبغات الشعر و الامونيا
مستحضرا التشقير و ازالة الشعر مثل فيت و نير هذول حيل خطرين لان مواد كيميائيه تمتصها البشره و خطره
المكياج مايضر حبيبتي صدقيني
لو يضر جان حطو على المكياج تحذير للحوامل والمرضعات
وان شاء الله ما في خطوره من هالسوالف البسيطه
والله يتمم حملج وحملي و حمل كل البنات على خير
حجي
عالعموم الحمد الله ماحط ميكب
لاتوسوسين وايد مو زين
الاشياء المضره معروووفه
وهمن المكياج مو زين
|
المشاركة الأصلية كتبت بواسطة kuwaitiya_84
 ههههههههههه سالفه الميك اب خطر اوكي اقتنع فيها لانه تكوينه مواد كيماويه اللهم احط بلشر وكحل ومرطب بودي شوب الفرواله وماسكرا من غير كريمات لكن منجات فيها فيتامين a شكوووو اكثر المرطبات والكريمات الي نستعملها فيها وثاني شي لا تاكلين جزر يسبب تشوه شفيها دايخه الدكتوره اصلا فترة الحمال جميع انواع الخضره والفاكهه اكليها تقوي الجنين وتخلي بشرته حلوة بس سالفه لا تاكلين جزر عجيبه
|
ترى صج الفيتامين a يضر الجنين
والجزر في نسبة كبيرة من هالفيتامين
أنا بعد منعتني عنه الدكتورة وسويت بحث بقوقل
شلون دكتورة وتخربط شنو مصلحتها تمنعها عنه
وحتن الكبده منعتني عنها عشان نظافتها مانظمنهاا
بخصوص الميك مادري ماطرت لي شي
بس انا ما احط ميك اوفر كونسيلر واضبط حواجبي ومسكرا
اللهم بالمناسبات مثل الحين العيد حتن عدسات احط :/
والله ىيسهل علينا الحمل
بس في مواد صج احس خطره .. مثل سوالف التقشير وغيره
والاكل كله مو زين اقول ماضر اللي قبلنا الحمدالله مافي الا العافيا