السلام عليكم
شرايكم بدكتورة مي اللي بدار الشفاء
منو جربت ولادتها؟ و شلون خياطها؟؟
تسلمون
أنا ما جربت بس يمدخونها حتى شلاطه واااااااااااااايد يمدحونها
ما جربتها استخيري والي الله يكتبه هو الي بيصير
ما جربتها بس يمدحونها
مشكورين بس منو جرب ولادتها
آنا جربتها في ولدي الأول ..دكتوري ماكان موجود وخلاها تولدني ولادتها تينن وما حسيت بشي الا بطلعه الراس حتى بجي الياهل ما سمعته !!! واهي وايد حنونه وحليوه وخياطها بصراحه ممتااااز. هذا الحجي قبل 9 سنوات ….من عمر حمني حبيبي …
مشكورين بنات
شنو تجاربكم معاها؟
سمعت انها زينة
انا ولدتني ببنتي الاولى
قبل 7 سنوات
كااااانت رائعة وولادتها طبيعية جدا وخياطها روعة ومثل ماقالت الاخت اللي قبلي ان حتى صراخ البيبي ما سمعته
لكن قبل فترة اخت رفيجتي تقول اولدت عندها ما ضبطت لها الخياط يمكن بسبب الضغط استعجلت
وقالت لها تعاليلي بعد 20 يوم اضبط لج الخياط… وااااي ما يبيله كلش
فما ادري يمكن الحين تغيرت
حبيبتي انتي نفسي انا ابي اولد بالشفا وابي دكتورة من داخل المستشفى وامدحولي مي بس لما دقيت عليهم قالولي ماتولد الا اذا كانت موجودة بوقت دوامها يعني اذا وقت الخفارة ماتولدج. شالفايده اراجع عندها ويكون وقت ولادتي بوقت الخفارة ومااضمن الدكتورة اللي ابيها تولدني وتولدني اي وحده اهني ماتقدرين تقولين شي؟؟
فقالولي في دكتورتين يولدونج حتى لو وقت خفارة اللي اهم الدكتورة معصومه والدكتورة هبه
الدكتورة معصومه انا جربتها بولدي الاول صراحه خوش دكتورة بس تالي قالولي انها اكثر ولايدها عمليه وفعلا انا كنت والده عندها عمليه سبه البيبي كان تعبان وللامانه حتى عمليتها حلوة وموواضحه كلش وماشتكيت منها ولله الحمد فعلشان جذي قلت هالمرة بجرب الدكتورة هبه شكثر امدحوها وكافي انها اسشاريه والله يكتبلي واولد طبيعي هالمرة
اغلب الدكاتره دار الشفاء مايولدونج اذا خلص دوامهم
انا على ولدى قبل 4 سنين صار معاي جذي عند دكتوره هبه راحت وخلتنى ويابت دكتوره ثانيه اسمها منال بس اطلعت الحين وحتى اللى خيطنى دكتور لبنانى (يعنى لعبوا فينى لعب)
على هالولاده قبل شهرين يبت دكتورتى من بره ناهده العلى بدار الشفاء صج ارتحت لانها امتابعه حالتى وعارفه اللى فينى ربع ساعه اهي عندي
انصحج دكتوره من بره اضمن ومايفرق بسعر وايد روحى ساليهم عن الغرف اذا دكتور من عندهم اعتقد 400 وشوى واذا من بره 500 وشوى
انا رفيجتي والده عندها قبل 7 شهور تمدحها حيييييييييييييييل وتقول ماحسيت بشي
ام جوري انتي كنتي تراجعين عند الدكتورة هبه وطلبتي انها تولدج وتالي كشتت فيج؟؟
لاني ناويه اولد عندهها
انا ولدتني الدكتوره مي وكانت ولادتها روعه ماحسيت بالعوار والتعب من الخياط مثل خياطي بولادتي الثانيه كان خياطها روعه ومثل ماقالو البنات ماحسيت الابطلعه راس البيبي بعدها ماشفت الاانا بغرفتي يعني ماحسيت بخياطها عكس ولادتي الثانيه كانت مأساه حقيقيه وتمنيت اني ولدت بالشفا وعند الدكتوره مي
بستخير و الله يسهل